【大陸客蝕讓】尖沙咀凱譽兩房1450萬沽 7年賬面輸555萬元

更新於 7小時前 • 發布於 10小時前

一名內地客7年前以約2,005萬元購入尖沙咀凱譽一個兩房單位，本月中以1,450萬元沽出，賬面勁蝕555萬元或28%，有代理形容：「輸到PK！」

消息稱，上述單位為中層單位，實用677方呎，原業主為內地人，資料顯示他於2016年以約2,005萬元購入單位，持貨7年賬面輸555萬元或28%。資料顯示，該項目錄得多宗蝕讓成交個案，其中低層E室，實用349方呎，今年初以900萬元成交，呎價25,788元，原業主2018年以1,220.22萬元買入，持貨5年賬面輸約320萬元或26%。

凱譽在2014年4月公布首批價單，折實均價約3萬元。當年恒地(012)選擇五一假期前開價，並於內地進行路演及安排內地客睇樓團來港睇樓。



Source:
https://today.line.me/hk/v2/article/60rO77X

好爽，大陸買香港樓買咁爽，食正社會鐵拳

去了2046

呢幾年嘅大陸買家蝕讓個案已經令佢哋轉晒場去搶新加玻樓 搶到加要稅
另一個曾經俾佢哋搶到加要稅嘅地方而家嗌晒救命話要減稅
真係高下立見

係唔係傳說中嘅：唔好聽政客講啲乜，睇佢做啲乜

依度又係出名蝕讓兼多大陸人買，死局嚟

大陸佬開始賣樓走人

佢地開高幾多去搶 不過走得到落黎既錢就真係自己既

我都想有錢蝕下

凱譽係商業地契，難做按揭所以預咗難放，四叔搵笨之作

四叔都有唔少盤搵笨柒
當年比華利山又係咁
仲比人起左個名叫買家墳場

果條街長期比南亞霸L住，衰過深水埗

凱譽居然唔係住宅商廈當住宅價賣咁揾笨

本身係諗住做 service apartment

啲女 夜媽媽返屋企，隨時畀人溶

之前強檢發現幢樓係無咩人住
舊聞一貼:

位於尖沙咀棉登徑的高級豪宅「凱譽」，昨晚有約300名居民完成檢測，幸而無人感染。不過，事件發現整幢大廈只得數百人住，不少單位是空置，近數月成交更接近零，原來這個核心區靚盤曾是「蝕讓之廈」。

「凱譽」樓層最高有39樓，提供262伙單位。部分高層單位可欣賞180度維港煙花海景，中低層則望訊號山公園景，理應是搶手貨。

發展商恒地早於2002年推售項目，惟市場反應欠佳，改為服務式住宅出租。至2014年改名為「凱譽」由租轉為售。項目非住宅地契，故不受《一手條例》規管，但當年首批折實呎價約3萬元，較九龍站的二手樓價高出50%，當時管理費高達約$6.2/呎。話雖如此，該盤處於核心旺區供應不多，初期銷情理想。

地契引發按揭危機

不過，問題來了，因項目地契非純住宅，屬服務式住宅地契，所以當年銀行曾煞停「凱譽」的按揭審批，金管局提醒銀行該物業用途複雜，承造按揭須評估風險。

到目前為止，「凱譽」地契仍屬商業用途，只有少數銀行以非住宅方式批按揭，最多只能做40%至50%按揭，變相增加轉手難度。

翻查資料，今年7月至10月「凱譽」只錄一宗成交，同時亦是蝕讓個案，一個349呎單位，買入價為1,161萬元，以800萬元賣出，帳面蝕361萬元。其實去年該盤至少更錄5宗蝕讓個案，蝕幅15至17%不等，個別單位最多損手近300萬元。由於買家多於高位買入，而低按揭成數又令新買家卻步，業主要轉按不易，令不想再持貨的原業主要蝕住賣。

目前該盤約有26個放盤，放盤叫價920至2500萬元，叫租21,600至35,000元，每呎租金53元。