背脊粒粒

利申巴打

由細到大上臂都有生一粒粒 聽我啊哥講係油脂粒
去到year 1 開始生埋係背脊到 一般係一粒粒 夏天嚴重個時會有幾粒暗瘡
過多幾年開始個胸都有
想問可以點樣整走啲一粒粒 試過用過身體磨砂再加小林製藥啲暗粒消都冇效果
每日返床前都沖涼 裸睡 一個月左右換床單被單 個人唔大汗
唔該

皮膚科

一係戒飯
一係飲涼茶

一個月換一次床單

Iherb有個 strides 水楊酸 touch pad, 你可以早晚攞嚟清潔背脊同手臂, 因為佢可以幫你代謝啲角質，會有改善 (我見嗰啲旺角藥房/美妝店都有呢一隻賣，價錢差唔多)

不過本身手臂啲粒粒係天生，基本上冇得根治，但用呢個方法可以令佢平滑一啲 ~

冬天用完會有啲乾，可能需要查吓cream

背脊有時有d膿瘡，係咪可以去美容院揤

多油脂粒大部分原因係因為皮膚代謝問題, 背既角質層厚, 所以你用小林個隻背粒消係唔會有用的, 醫好之後用黎日常保養就得.

我之前都有呢個問題, 背同胸都會好多粒粒, 你可以試下跟我既做法1,2個月睇下得唔得

首先就係生活習慣啦, 如果你床單係1個月先換1次既話, 建議你著番衫訓覺 正常黎計如果有皮膚問題, 床單同枕頭套都要1個星期換1次. 如果做唔到既話就著番衫訓, 起碼睡衣可以換得密D. 最盡最盡都要1星期就好洗. 因為你唔著衫訓, 你張床單就等如你件衫, 你唔會1個月都唔換衫架嘛 另外既就係沖涼時最後先洗背同心口, 因為唔知你會唔會用護髮素, 護髮素呢D產品好多時都會因為殘留係背脊到導致毛孔堵塞.

之後就係係角質代謝個到用既product. 頭先都講過因為背既角質層厚, 如果用D好溫和既product=無用. 可以試下沖涼時用D清潔力強D既番梘, 比如:Back Body Soap 藥用石鹼背部粉刺香皂 (我用緊呢隻), 非洲黑梘, 日本個隻牛奶梘都可以用黎洗心口同背. 但唔好再用磨砂了,真係好傷皮膚的. 同埋要留意既係因為呢D梘清潔力好強, 千祈唔好用黎洗埋其他位置 會乾到仆街.

如果做完呢2樣野之後都無改善, 咁就要塗番D 幫助角質代謝既野, 例如酸類. 果酸(aha, pha, pha之類) 同A醇類都可以幫到你, 濃度個到可以進取少少既我覺得,10-15%果酸都可以試下, 始終因為皮厚 如果用番一般用係面上既濃度其實無乜用. 另外要注意就係, 塗呢D野通常都會有刺激性, 所以如果塗完有好大反應, 會紅會甩皮既話就要停一兩日先繼續用, 大約2個星期到皮膚就會慣. 一日用一次, 夜晚沖完涼塗就得. 如果背脊開始甩皮, 沖涼個到就唔好keep住用清潔力咁強既番梘了, 用番普通用開既shampoo就好.

然後如果塗埋酸/醇, 通常用1,2個月左右D粒粒應該就會無得7788,同埋做法都可以自己微調下的, 之後睇下你想唔想繼續keep住用囉, 如果番發既可以塗番, 無發既就keep住保持上面2種既生活模式應該都唔會有太大問題的了.

最後記住記住, 皮膚問題係唔可以懶的 一懶就又會出哂事

好似我寫咁

共勉之