冇人睇
咁係依度要特別提提大家如果要去大陸搭車你就記得唱d五蚊嘅紙幣,因為呢有啲地鐵站就淨係可以收五蚊人仔俾佢,換綠色銀仔搭地鐵,由於白痴樓主未去過大陸啦亦都冇咁多散紙,得張百蚊人民幣所以要喺嗰個客戶中心嗰度排咗成十分鍾先唱到紙
咁其實一出站你隔離都好多嗰啲所謂嘅商場,但個場就冇乜冷氣啦,都係賣女仔衫多。同埋嗰度有好多夾公仔嘅。咁我喺嗰度見d 人玩,發現好多都做左手腳,咁所以如果唔中伏嘅話就唔好玩啦
。
果日淨係食咗個提子包就出發啦,咁就第一時間去搵嘢食先啦。
好啦咁食嘢。呢就其實主要係去東門町廣場就賣野食。賣電子產品嘅呢就係西華宮。
咁有幾樣嘢要注意啦因為個地方都幾烏糟下嘅,人又多,d人多數都係攞住d野食同🚬行黎行去,好易整污糟件衫,或者俾人撞倒。
有好多乞衣系度乞食。咁窮撚樓主就梗系冇俾錢佢哋啦,有啲巴斯打話如果一畀錢第一個就會成村乞衣去搵你笨嫁啦
我一入去就買咗個,農家雞蛋捲嚟食,咁就係入口間鋪到買。咁個農家雞蛋捲呢就其實真係幾好食嘅同埋都幾大啊,有啲肉碎咁樣啦咁都幾好食。
俾個建議大家因為你其實入面好多買嘢都係一樣嘅農家雞蛋捲啊燒魷魚啊誒雞翼,啊又或者係臭豆腐啊咁樣啊一圈睇下邊間最多人買先去嗰間度買囉。
咁我都買左蜂蜜檸檬茶飲啦,六蚊姐(飲曬啲化學元素落個肚度啦)
跟住呢就仲有一個雞翼包飯食啦咁呢就$15,咁就有得揀食辣或者唔辣啦,噉同埋都幾大份啊咁都幾飽下了。
咁當然唔少得嘅就係燒魷魚或者串燒啦(10蚊3串),咁由於垃圾樓主皮膚差,就無食到呢啲比較熱氣嘅野。而黑色嗰個臭豆腐你都係好多人食咁,但係垃圾樓主就唔好依未。