蒙嘉慧現身鄭伊健澳門演唱會 日文對話惹內地網民不滿：為甚麼有一種不認祖歸宗的感覺

49歲蒙嘉慧（Yoyo）與55歲老公鄭伊健同樣熱愛日本文化，二人除咗經常前往日本旅遊之外，有傳佢哋喺2020年移居日本，並指前年鄭伊健揼本過百萬俾老婆喺福岡開設房地產公司。鄭伊健「HERE & NOW EKIN IN CONCERT 2023」澳門站喺上週六（22日）舉行，當晚現場氣氛高漲，而老婆蒙嘉慧當然亦有喺現場支持，仲非常投入咁又唱又跳，不過蒙嘉慧就被網民拍攝到佢用日文同粉絲對話，結果引起內地網民不滿，紛紛留言鬧爆佢。

蒙嘉慧當晚紮起馬尾，並著上灰色長風褸現身，雖然佢著得咁低調，不過依然被唔少現場觀眾認出，除咗被大叫其英文名「YoYo」之外，仲有女歌迷疑似被問可唔可以合照，但被工作人員出手阻止。

蒙嘉慧更被網民拍攝到佢用日文同粉絲對話嘅畫面，片中見到蒙嘉慧喺舞台前徘徊，仲好似搵緊人咁用日文向觀眾席叫「Aki San」，之後有粉絲用日文回應「YoYo San」，蒙嘉慧在用日文話「這裡」，之後就同另一邊嘅觀眾握手。該片段喺內地網絡瘋傳，唔少內地網民紛紛留言鬧爆佢講日文，例如「該封殺」、「根在中國 請不要忘本」、「為甚麼有一種不認祖歸宗的而感覺」 、「她竟然說日語了」、「定居了日本還回來撈什麼」、「對於移居日本的人不感興趣」、「唉 一口流利的日語 無錢用又回來賺錢了嗎，等一下可以又回國可以慢慢用了」、「為什麼說日語，無語」、「去日本吧，幹嘛還來中國賺錢」、「好好的做中國人不好麼，這麼崇尚日本」、「開嘴就是日語，一下沒有好感了」、「好人好者講鬼話，鄙視」、「她是中國人麼？怎麼不說中國話」、「賺着我們中國人的錢，去日本花，不喜歡」及「在日本定居，來國內撈錢，怎麼不在日本開演唱會，賺日本人的錢？」等等。

on9 講日文都唔俾，班友癲撚到一個點

Cls

好似當年趙薇爭D要消失影圈,最後真係消失了

人生何處不辱華

崇日撚真係…

香港人講普通話咪又會畀連登仔話奶共

日本真係好正 而家好平就拎到永住權

係就好，佢地唔好去睇
遲Ｄ買飛容易左，唔洗搶得咁辛苦

《山河令》張哲瀚崇日被列失德藝人　內地封殺轉到台灣做歌手

呢個趙薇旗下

有幾平？

個祖宗唔該要認到去西非人類起源
唔好係到選擇性認d唔認d

日本係我地鄉下

為甚麼有一種不認祖歸宗的感覺