同屋企人去旅行發生過啲咩不愉快事件？

真，行錯路兜遠少少又屌

老母去到自助餐廳門口說唔食

LM參考

點解事前唔問下老母早餐想食乜嘢？ 想酒店食定出街食？
根本係溝通問題

係原來我咁幸福

damn true

有冇相睇下？邊度有啲即叫即煮代工？
貴得嚟好唔好食先？

日本嘢真係唔太啱老人家食
上面都有巴絲講咗
刺身又話生冷嘢
拉麵又話喺屋企煮公仔麵仲好
煎炸又話熱氣
好難服侍

一係直接去橫濱中華街

日本嘢都有啲燉煮料理嘅

これ

同人哋老豆老母去過一次台灣。
其實兩老都算Nice、唔揀擇、體能好，
（體能好到有啲point我話捷運/的士算，佢哋都會扭計想行；食嘢唔煩，唔辣唔炸唔冰就ok。）
大致上都無咩特別嘔血，有時幾可愛。
但日日都要習慣以下幾點：

1, 每日都要解釋一次：
酒店本身唔包全套早餐唔係呃錢，我會帶大家去附近食地道早餐（蛋餅、肉粥、生煎包），唔使下下喺酒店食包食飽，出到去又食唔落。
不過佢哋本身早起，會朝早六點自己去酒店附近探險，好正。（係有兩日話差啲蕩失路遲集合，有啲嚇到標shit。之後提佢哋記得有酒店名嘅嘢要跟身。）

2, 食任何嘢都同鄉下比
「我識啦！咪即係鄉下xxx！」
「我覺得以前鄉下好食啲。」
「都係一般啦！但喺鄉下呢啲貨色，使乜賣咁貴？」
最正係因為喺台灣，所以佢廣東話講完見我，就會再用國語+鄉下話講一次，務求個老闆都聽到又要好委屈解釋，最後又要我打圓場。


3, 承上，去到現場傲嬌咩都話一般，買唔落。
但離開哂景點，就喺架車上面咿哦話幾有特色。
咁呢啲就要我哋呢啲後輩亂洗錢，最19嘅手信買多set，佢一哦就話多咗可以Share。
同埋搵啲街市、24h大賣場加入行程，佢哋買大大包平價零食會好過癮。（當然把口就話熱氣、唔健康。）

最正一次係佢喺某鋪試食完，當面話人啲貨一般、普通。然後轉頭返咗香港，又咿哦話想買返，好在留contact可以買返嚟。

4, 對錢好無安全感，聽到手續費/稅/貼士/服務費就會屌，盡量唔好畀單佢哋睇，要早佢哋一步埋單。
唱錢方面，佢哋對海外提款、信用卡有啲驚，覺得蝕畀銀行，日日死要搵找換店。但呢樣嘢喺佢哋面前做多幾次，就會慣咗。

5, 有自己時間觀念，盡量唔好追班次、追Booking
一早講咗大家都係旅行，唔好催，盡排啲可以遲半個鐘都唔會死嘅行程。你表現一趕就佢哋就驚過你。
有次Book咗車就出事，比原定時間已經遲咗，但見到兩老過去對面馬路間鋪唔肯走，原來係睇中心頭好唔夠現金喺度扭。卒之係我拎埋本身啲petty籌埋，再細細聲同司機大哥講車我去撳錢😭 好在大哥好人，我哋啲行程又鬆，就唔算太大麻煩。

6, 影相靠自己，仲要影埋佢哋。唔好因為一張相而破壞自己全日心情。

Any肥，老土一句，啲長輩飛咗過香港境就返老還童，當自己湊細路啦！人生唔係有咁多有機會可以咁嚟~

好多廢老都係咁
成日覺得「冇飯氣個人冇力」、「冇飯到肚食乜都唔飽」
去亞太地區仲好，去歐洲無乜唐人街嗰啲城市，你預咗要捧埋成箱杯麵去

搞入台證嗰陣已經要問你老豆攞本passport出黎填號碼啦

講緊我屋企咁

日本大把飯佢食
食到佢哋嘔

知道父母有鼻鼾自己又容易訓唔著
book酒店book兩間房
然後比屋企人禁住話一間房咪夠
最後就範剩係book一間
點知去到真係連續兩日比兩老啲鼻鼾嘈到完全訓唔到
佢地仲要笑笑口話：係咩？有鼻鼾咩？我唔知既？
最後自己死死地氣um荷包比貴酒店（3倍價錢）
雖然係自己無企硬book兩間房
但個次真心嬲左

咩都話貴。咩咩好食過佢。去黎做咩睇YouTube好過。
但最後去完日日提住幾時再去

排隊唔食（even10-15分鐘）
唔使排隊個啲屌人哋啲野難食

真
朝早行完一個景點，返到酒店放低野諗住一陣去行夜市，佢地直接沖涼，話好攰唔行
搞到最後我一個人行

同屋企人夾到 我同爸媽乜都無所謂 家姐負責plan 我負責揸車 幾好

老人家三高糖尿 睇住有冇帶齊藥。入境有D地方要有醫生紙先可以帶某D藥。買定醫療保險。上個Post先有巴打係日本趕飛機中風留院日本 唔好睇咁多景點。諗唔到直接跟團算。

x2
人大左，大家都老了 會讓步多咗
難得齊人去一次旅行時會盡量就
我地做細嘅乜都問過老人家意見先，最緊要佢哋開心

佢地又好 無乜要求 食乜住乜都ok

我兩老都係
不過佢哋把口話可以食當地嘢，無所謂
但我地都搵定中餐option
做仔咁耐都知道佢哋咩料 食足一個月西餐一定會西面

帶正常自用數量應該都唔會周你