有冇人隻貓都有口炎要剝牙

我果隻無事
佢剝半口果陣 醫生話佢好努力咁醒麻醉 生命鬥士咁款
當然 佢嚴重口炎 執佢入屋果時佢得三四磅 營養不良嚴重缺水 剝半口對佢毫無反應
到剝埋全口 胃口大開 體重直線上升

幾日就已經recover???

都需要個幾兩個禮拜大約 我唔係太記得
完完全全好返如常生活無記錯要一個月 不過時間好快就過
佢口入面d線係自己溶化果種 好似都覆診follow up左幾次
醫生望下佢剝完全口有無咩問題 又問下我地隻貓點點點咁

至於你怕隻貓唔肯食野
我果隻佢剝半口之後 個口無咁痛但都係無乜胃口
醫生當時就開左堆處方罐頭俾佢吊命 肉mousse 高熱量高卡路里 好濃好香味精
就算撈埋藥再溝少少水落去 佢都食得曬 你可想而知係幾咁濃味精誘食劑
食食下醫生話可以停就無再開

https://www.proplanvetdirect.com/wet-cat-dog-food-cn-critical-nutrition
我係外國 唔知香港有無

隻貓樣幾似樓主

有
我隻貓3歲剝哂 以前有隻貓 9歲先要剝哂
都估到佢唔喺口炎 最後確診口吸引症 啲細胞自己攻擊牙肉爛牙
無咩好擔心 早剝 佢地仲易適應 我9歲果隻當拿剝完 條脷成日舔下舔下 好唔慣 亦都慣唔到

依家3歲呢隻 剝完第二日已經開心食野 依家好開心健康

多謝你
我睇開間診所個姑娘仲氹我去旅行前幾日帶隻貓剝左牙先，話好快復原
好彩我淆到仆街改左期旅行返黎先搞
如果唔係中途都唔知佢點食野

勿相認ok?

你剝完頭幾日比咩佢食？

無特別 都喺佢食開啲糧 但第一日我驚佢無胃口 開左罐AD俾佢 點知佢之後連乾糧都食

W H Y . . .

我隻貓一個禮拜前剝咗5隻
2隻犬齒冇咗，兩邊臼齒都冇哂咁濟
本身都有心理準備佢返到屋企會唔肯食嘢
但佢好好胃口 好似唔識痛咁
去到第三四日已經食返多咗嘢

表情好慘

睇台灣黃阿瑪三腳都係口炎要剝全口牙,一開始都覺得好似好慘但係見三腳依家唔會再流口水同唔會再黃黃地好乾淨,同埋剝牙好似唔會影響飲食,所以樓主唔洗擔心

我都有睇見佢頭一次剝淨幾隻犬齒，繼續發炎又要去剝多次，心諗會唔會全口一次過剝哂仲好

佢生成咁

可以試下噴Oral Relax，之前我隻貓又係口炎唔肯食野，後來醫生建議剝晒啲大牙，只保留門牙犬齒。
再加埋噴呢支野噴咗一段時間，跟住佢就好返晒了。

其實做完手術就唔會完全唔食野 只係開頭會食得少d 慢慢食量會大返
不過正常 大手術嘛
貓普遍都快復原 但唔係做完手術之後幾日就即刻好返曬
好多口炎個案 通常剝半口無乜太大用 想一次過搞掂一定係全剝

戲子貓

多謝bookmark 定先

我都係咁諗...要分兩次麻醉不如一次過剝
不過唔知醫生點決定

我果隻因為我當時初養貓 執完第一隻 之後果日就執埋隻八婆
一黎就整件口炎我嘆 當時耽誤左好耐病情
開頭醫生叫我地不如同佢剝牙 但我懦弱戇尻無能 覺得無牙好慘 所以揀左用藥
係佢身上 用藥絕對係無撚用 佢d牙係爛到落根 搞左好耐
有日我諗通就同佢剝半口 唔係話完全無用 只係佢爛得太嚴重
但睇得出佢剝左半口無以前咁痛 脾氣亦都無咁忟
不過都係要轉介另一間專d動物醫院做全口 佢情況差到可以打尖
你可以問醫生話不如做全口 睇佢點覆你

想問你有冇tg？可唔可以加你傾啱啱隻貓剝完牙返黎好多野想問