港女大鬧梅窩湖畔Cafe $140窩夫好難食
平時假日會想到遠離煩囂，到離島休息一下，充充電再回到市區，重新出發。最近有名港女於網上發文大鬧一間位於梅窩的Cafe-The Hideout，該間Cafe最出名的是可以對著湖畔用餐，感覺相當寫意。不過事主雖然被湖畔及綠然環境包圍著，但是卻因為食物質素卻惹來一肚氣。
從事主的帖文中可見，他們3個人柯打了3款輕食及咖啡，合共埋單$600多元。而其中一款是價錢$140的窩夫。從照片中可見，2塊窩夫上放上士多啤梨及藍莓，而伴碟的雪糕已有溶掉的跡象。再翻看事主的留言，她懷疑窩夫是急凍過再翻熱，不像是即叫即製。
事主其後亦表示自己懷疑窩夫是急凍過再翻熱，並非即叫即製。（圖片來源：香港Cafe關注組）
另外她還柯打了價值$150的Vegetarian Breakfast，事主還寫道「一隻蛋，幾粒番茄青瓜同菇，底果塊嘢姐姐話好鬼硬好難食，盛為$150， 伏到呢！」
另一樣輕食亦被事主大彈。（圖片來源：香港Cafe關注組）
網民齊撐事主：狠批兩大缺點 又貴又唔就腳！
帖文一出後，有去過該間Cafe的網民紛紛齊撐事主，有網民表示「窩夫質地好奇怪，我都覺得唔好食」、「佢啲嘢食用呢個價錢，理應好好食。但同心目中有大落差。仲要近池景打卡位得5至6個左右」、「呢間嘢真心得個氣氛同打卡，嘢食同咖啡係麻麻，價錢又貴」。
至於Cafe的最大賣點——湖畔，就有網民狠批是「一潭死水」，認為池景不太漂亮，加上天熱時會有蚊滋，感覺不太舒服。
