雞脾哥：30碎讀唔讀master

試過之前有個巴打個post講自己好辛苦，睇唔到出路，跟住我好認真咁答左啲野，好似幫到下手，今次唔想騎劫雞脾哥個post, 我開條新thread share下睇法。

最好讀定個MBA, part time 就夠用。上中層位好多工prefer 有MBA.

master 係有用，啲基本management, financial, strategy, economic concept 大大增強吹水能力。(PS. BBA master, 其他唔識)

係，呢啲科BBA 都有，但當你寫dissertation既時候，你就會發現，原來自己以前寫既野係幾低質，睇野幾膚淺，啲point 係幾無基礎，甚至乎覺得自己思考方法係幾唔清晰。當你成功寫到出黎之後，到你幾年後做department head要寫business proposal, 你就知道有用。*以上係指我自己同一般打工仔，唔係連燈入面佔90%既天才。

工作上，實際上要用嘅野好多時「唔係啲theory」，而係個思考方式，有冇critical thinking, structure, comprehensive, research and fact based. 點樣先可以夠convincing 又唔死sell爛sell, 同埋諗定可以攻擊自己既point 再補充，點樣達到你既目的，點樣先可以令班「極高層」批 budget俾你做野，點樣先夠sustainable。

當然，每間大學要求唔同，但一般英美MBA如果你pass到，都唔會太差，因為佢哋會大學之間互相評核。其他既我就無研究…

好多人有MBA都好廢，我知，我識十個有九個都係，但呢啲係佢既問題。洗幾廿萬花兩年讀完得張cert, 乜都寫唔出，諗嘢仲係on 99, 證明佢成世人做野都無思考過，甚至乎無認真過，淨係識我MBA 乜乜乜點解人工同無讀既人一樣，屌你讀黎把撚，留番啲錢返鄉下浸溫泉好過etc…

唔好介意連老闆都冇你咁勁，你要知道，香港對上幾十年，真係弱智既都上到位，情況同而家新加坡一樣，機會多過人材，就係咁。而家已經唔同，除咗腦細頂住你對上個位，同期既，你要同佢互片既人係全球同等資歷既人，好多星/支/印會同你爭，學歷強勁，又寫得又吹得。你老闆有老本，有network, 梗係唔駛用太多腦，但你呢代無好時勢無老本食既時候，就要同人爭。

我會鼓勵你讀個part time master/MBA, 特別係呢個年紀，因為當你有工作經驗，讀起上黎先有思考空間，唔會好似中學上chemistry咁背完元素週期表後淨係記得oxygen同calcium。有錢既話，2年full time, 搵間好啲既，但學費+2年既收入，成本接近球半至兩球，唔係個個負擔得起，我覺得亦非必要浪費2年青春。畢竟30後係事業最寶貴既時間。

希望可以幫到你思考呢件事。

讀master of corporate governance & accounting 轉人生啦屌

如果30歲仲要靠讀MBA course嚟培養依堆思維，本身都唔叻得去邊

讀master 培養思維為倒錢落海

你話讀msw嗰啲有用嘅master就話啫

覺得樓主講嘅的確有偏差
其實MBA係對非商科嘅人最有用
幫佢哋攞返商業運作嘅concept
所以唔係三十幾靠MBA培養思維
係specifically商業思維

另外EMBA就係比班生意佬
做Networking同鍍金

UG廢U廢科咪去洗底
三大非文理不如俾心機考專業牌