試玩Pokemon Infinite Fusion，史上最多有超過175000隻Pokemon

啲合成獸好特別

繼續玩未

樓主呢 好正

痴線game

肥貓仔好正

估唔到D人想我繼續打埋落去...






終於殺到去西爾佛公司，不過要殺死一堆過街蝙蝠先，隻依龍蝙蝠又幾有霸氣喎。


打阪木前先攞背背龍先。



升級一下隊唔先，皮皮進化之後變左一粒月之石，有超強物防，但速度低到離譜，又四倍怕草水變四倍怕鋼，自己玩時已經試過幾次比Mirror Shot射都退場。



獨眼犬進化之後都係無人手畫圖案，依然都係無左條尾，隻腳仲要K型。不過種族值唔差，高防但速度唔差。



飛機杯進化之後個窿生係頭頂變得無咁重口味，不過防禦實在太弱，加上弱點多多，砲灰嚟。







打阪木前先打小藍。果然尼多王個頭比大比鳥個頭更有霸氣。鯉魚龍由唔怕電變防電，不過唔洗飛可以食我地震。最後加多隻識威嚇我的大隻牛，將來冠軍戰時值得期待。




之後同小藍組隊打阪木，雙打輕鬆好多。隻豬嘴尼多力諾又幾有野性。



打贏後除左攞到大師球外仲可以攞到城都御三家。



另外城市唔知點解有隻變隱龍係到散步。



同狩獵場捉到的大顎蟻合體，果然四腳爬爬可愛好多。



大顎蟻進化做沙漠蜻蜓就可以有龍屬性，真正的變隱「龍」，點都型過原本隻沙漠蜻蜓，睇下打四天王時打啟暴龍表現。


打格斗道館，豪力令到D Pokemon好鬼異。


最終戰係格鬥御三家合體，不過真係好核突，搵人幫手重畫啦。


攞御三家就隨便揀啦，其餘兩隻可以生蛋解決。


之後打娜姿，催眠小丑砲灰嚟，低防比我食我鬼拳一下秒。粉色月伊貝有惡系唔食鬼拳，要我出月亮石嬉鬧打死佢。然後大呆獸123特攻輸出太驚人，衝浪可以重傷我Team。好彩最後隻鬼狐狸除左速度驚人外物防超低比我隻獨眼犬咬死左。


得到金色徽章可以衝浪到紅蓮鎮去。

我玩果時成日都冇bgm 有冇方法解決？

Window Unicode轉英文，唔知邊個天才用特殊字做檔名。

我覺得飛機杯個含撚嘴還可以接受，但肥雀真係好樣衰

肥雀我覺得可愛

仲有冇

好正等樓主更新

如果有ios版就好

好似倉鼠咁肥嘟嘟，但個嘴好似支矛咁突出嚟，真係接受唔到

我寧願要鳥嘴好過老鼠嘴

行路嗰陣有時會卡下卡下係咪正常? 好似有空氣牆咁

好似加速遊戲會咁，似skip frame嚟。

sorry唔係好明加速遊戲個意思，我用緊macbook玩，唔知關唔關事

遊戲有掣會加速遊戲，不過隻game我記得幾大食

我最慢速咁行都會卡住，係零零捨捨某幾個方格係咁，唔知點解

試下用pc玩睇下有無問題

肥美燒雞
支持樓主爆機

留個名，好刺激