新手男士脫鬚 究竟邊間效果好 唔hardsell!!!!!

想試脫鬚 追過唔少post 想集中討論邊間好
暫時睇呢2間多d人討論

1. LaserKool
2. Focus Medical
3. 求推介

focus medical 咁平ge
有冇伏

脫緊 服務參差 環境一般 但有效 如果有啲錢嘅建議搵間服務好少少嘅脫 冇錢嘅先去呢間脫

olase homme 點睇
見佢無限脱

其實係其他男士脫毛太貴所以先顯得佢平
我係呢間脫全身脫左8次左右，由野人進化左做人類
真係無伏既，首先唔sell你(但我已經係全身Plan已經無得再sell)
以前舊鋪真係幾唔乾淨Ｄ牆又舊又黃
真鋪好左好多，但個廁所都係差差地
不過都係脫毛姐，佢間脫毛房無污糟就得la
起碼無試過見到上手留底既毛
但7千包全身永久仲想點

至於laser kool我當年計過其實幾貴
佢將你面部拆左十幾廿part, 1part都幾千仲要得8次
我唔知佢實際收費係點
除非你本身唔多毛，一般男仔鬚根要去到第四至第六次先開始有明顯效果
得8次其實多數唔夠

同埋貴既通常都會sell你，因為少客
平果D最多難Book通常都唔sell

如果你剩係脫鬚既話可以搵下唔係專做男仔既先
有D可能都肯幫你做，咁選擇會多好多
面以外好似因為法例好多位異性唔可以幫你脫

我以前就係A Plus脫全面先既8次$3400之後會次單價$120
脫夠12次有永久保養
但係A Plus而家唔做男仔新客
我因為想做埋全身所以先去Focus

個廁所係污糟定點

舊囉，又肯定無公廁咁污糟既
同商場比較
一定差過希慎好多
同埋佢地下大堂有時有怪味定煙味
不過唔係佢果層唔關事既

因為其他做facial既通常都搞到好似無菌空間咁
相對上咪覺得佢無咁乾淨
男仔以前無去過做facial可能唔覺

鬚都要脫？
你叫人地好努力去留鬚個啲如何是好

生得好就話姐
有啲人生得唔靚，日日剃鬚又真係煩

鐘意留明留，鐘意脫明脫
唔同全世界男人要好似伊斯蘭國咁留鬚咩

你啱
但小弟言下之意其實係想問你地啲鬚係唔係真係濃密到要去脫？
因為小弟留緊鬚 想請教你地點樣做到咁濃密

呢D天生, 我咩都未搞之前由權骨對下生到落頸
剃完都成面鬚根
或者可能我小六就已經開始剃太早刺激到佢生
剃呀拔咩都試過, 我就連拔鬚都只係keep到幾日
每個星期起碼搞五六個鐘係鬚根上面

係唔係家族遺傳
上兩代都係好多鬚？

我爸爸果邊有白人血統
所以俾其他人早發育，中學尾已經連胸毛背毛都出齊
樣又遺傳唔到喎，剩係遺傳到D毛

羨慕
亞洲人係唔係注定留唔到濃密嘅鬚

你幾多歲，亞洲人生長曲線唔同
好多人去到廿幾三十Ｄ毛先生齊

我就係廿幾
顴骨嗰啲仲未連到下巴

脫鬚會唔會好痛

會，以前果兩間男士脫毛D廣告係呃人
咩嘢蚊咬on9既，係一堆針吉呀
你D毛愈粗就愈痛，鬚、下體同腳毛最痛
所以好睇脫毛師個節奏爽唔爽手
有啲技術差嘅會令你更加痛

有啲如果做完唔痛即係好低度數
脫十世都脫唔完

呢代人個個都要搞到自己成個女人咁