唔洗爭咖 雙辦事囉 你又辦事我又辦事

你唔做？邊個鍾意做你搵邊個呀 喂做辦事上唔到市咖 衰啲講句跌條毛 O記反黑搵咪搵我？鄧伯 得閒搵我食飯吖 你有野搵我 我一定唔會托你手踭

呢個星期又煲左一次呢2套經典
第一集荃灣清一色嘅大D vs 一直處於下風嘅佐敦樂少

第二集想冧莊嘅契爺 vs 又大聲又掗炸嘅東莞仔 vs 邊個黎咖我就唔識佢喇嘅飛機 vs 有機會唔出頭曬啲喎嘅Jimmy仔

其實呢班人邊個整體實力最高（總結食腦&個人戰鬥力等等）我自己覺得係咁

Jimmy仔＞樂少＞大D＞武哥＞東莞仔＞飛機＞師爺蘇＞大頭

Jimmy仔
一定係其中一個最食腦嘅角色 兩年間由搞黃色事業 跳黎睇下 去到兩年後錢多人多 搞埋物流生意 “全中國也買到我們的盜版 這麼大的網絡 不好好利用一下 太可惜了” 年年坐喺度都賺過億
有生意頭腦之餘 人才管理都唔錯 留返飛機條命 到尾段叫佢幫自己手 又請武哥過黎保護自己 面對契爺對郭先生嘅威脅都處變不驚 你要玩呢啲我同你玩 契爺即刻淆曬底
當然唔少得第一集搶左飛機碌棍仲要親自見樂少仲要唔收錢 換黎上位嘅機會 絕對唔會貪圖短期利益 為嘅就係要上位搵大錢 將佢喺讀大學所學嘅經濟學發揮得淋漓盡致

樂少
樂少其實都算幾醒 本身同大D選個陣已經下風 當然大D都輸自己蠢 想搞新和聯勝 但係樂少喺第一集對住Jimmy仔唔交棍 先黎兇佢唔俾過面唔俾過底 跟住再話俾面我 軟硬兼施 之後擔保大D叫佢上車 碌棍喺我度 開頭又話幫佢傾生意 呢樣個樣 最尾預兩副棺材 一副你一副我 又係少啲腦都handle唔到
第二集 明明同東莞仔兩個都好蚊 但係正人出口笨人出手 叫東莞仔條水夾郭生 自己唔洗上身 再點到飛機陀陀令 冧呢個冧個個 爭少少就𡁻埋Jimmy仔
最尾俾自己啲𡃁出賣都無計 啲𡃁本身已經好忠心 武哥鐵鎚dup手都唔做 係預著痴線佬 手手腳腳整肉醬先妥協

大D：
大D其實都幾勁 做得荃灣清一色已經肯定唔小野 識用錢碇人 冷佬 串爆 雙番東 大埔黑（加埋權叔）全部歸佢邊 龍根收少人十萬就轉軚係少少自己攞黎
一輸左就叫吹雞唔交棍再約八點鐘有骨氣開大會 行動力極高 試圖挽回返投票結果 喺臭格先黎搞個新和聯勝跟手出返黎發現碌棍無左再加上兩副棺材論即刻笠水 之後九友一致對外 踩落老尖 連幾廿年老鵬恐龍都出賣埋 冚家剷老尖個夜景係唔同啲
最尾瓜左都真係估唔到樂少可以唔理個仔幾時返都照用大石隊自己 死得無辜

武哥：
武哥應該算係全套野戰鬥力最高？起碼責任心一定係 雖然東莞仔係隊瓜佢 但係東莞仔都只係贏人海戰述 戲入面唯一一次打贏就係棺材鋪 一挑三定四 佢挾樂少啲𡃁個陣都係自己一條友監視
當然武哥攻擊力唔係極高 因為如果係嘅話駛乜喺冧巴過黎和聯勝幫手
但係武哥喺臨終一幕盡顯責任心我諗駁唔刀 死下死下都仲頂你個肺加錢推個棺材落車俾Jimmy仔 根本死梗 但係佢就係咁有責任心！講責任心邊個夠佢大份呀 大大份呀

東莞仔：
都係個句 可能有人會覺得東莞仔勁過武哥 呢個睇你點睇 但係東莞仔有樣野唔夠 就係薑 出入成日都要有𡃁 除左釣魚之外 獲獲都一大班人跟住 契爺生日 棺材鋪
戰鬥力高但係腦筋爭啲喇 第一你黎遠見到有”薄落”好心就唔好停 第二棺材鋪一役就知佢啲調兵遣將有問題 自己掛住做低Jimmy仔就俾人破左棺材鋪防 人地會唔會貿貿然走入你地盤俾你“食佢”呀大佬 第三就係俾樂少點左出手綁郭先生 最後梗係用大頭啦 大頭咁廢你第一次見佢唸曬詩就應該知啦 叫佢入去睇住郭生就係養虎為患 佢戴曬面具其實郭生應該認唔到佢 啲𡃁唔會篤佢 反觀大頭一黎已經話“係東莞仔做咖” 抵你要走佬啦下話

飛機：
飛機頭腦直情等於零 kai到一個點 冚世界都知契爺想冧莊仲天真到隊冧Jimmy仔契爺會安排佢做辦事 你可以話佢有性格 幫火牛幫契爺買手買腳 就係唔幫Jimmy仔 大家都係契爺嘅契仔 係唔知邊個係契弟啫 刀口錢唔易搵 你出黎碌左咁耐 都無人識你飛機

師爺蘇：
五個契仔黎講僅次於大頭 無實際公職 做契仔都係抆抆緊就係搵左通哥同頂住啲公安就做左契仔 汗同血都無出過一滴 係用下幾滴口水打人情牌嚇走通哥 當然佢最醒就係埋啱堆 跟Jimmy哥 Jimmy哥爭啲就係因為你條友懶 唔用多一部電話就無左個億億聲嘅project 你無一卡兩號你咪買多部電話 師爺蘇最啱做五個契仔入面嘅契弟

大頭：
做人最緊要有自知之明 先可以成就心中蓮花嘅開放 佢就係對自己太無懷疑 跟東莞哥俾人當傻仔 不得強為 如有恃強欺弱者 死在萬刀之下呢套唔興咖喇 定係你當左郭生係雜物因為 兄弟託寄錢或雜物 必要盡心交妥遞到 如有私騙者 死在萬刀之下
咁鍾意唸詩應該做白紙扇啦

我哋係咪仲用緊黑社會劇情比喻金像獎？

唔係想講金像獎 諗多左

1. Jimmy第一集搶棍唔係因為想上位 而係要阿樂比個交待龍根同官仔森 上位只係佢得到嘅其中一個好處

2. 樂少最醒係神早睇穿選辦事嘅遊戲規則 知道鄧伯講平衡 就隱藏實力

3. 權叔一開始已經係撐阿樂 可以睇翻叔父投票嗰到 得佢同老鬼奀出聲支持 大浦黑話"選你定選大D 佢自己揸主意" 只係因為大浦黑同大D賣糖所以先婉拒阿樂

4. 武哥自己話 認錢唔認人 收錢做野 唔關喺冧把撈唔撈得掂事 他同埋佢武力值#1啦 阿偉醒少少就唔使死

5. 師爺蘇係第一個搵到碌棍嗰個 有人脈 黑白通吃 又食腦 跟啱陣營 第一場戲火牛同雙番東冷佬肥華食飯佢都有份 就知佢喺樂少下面一定係起碼做白紙扇/草鞋
至於唔聽電話同喺大陸比人拉 係因為師爺蘇已經同石副廳長合作 師爺蘇無論如何都會同Jimmy出現喺同一間餐廳 因為石副廳長要set個局拉Jimmy逼佢參選 拉師爺蘇就可以名正言順順便拉埋Jimmy

1. 同意
2. 其實第二集Jimmy仔錢多人多 鄧伯都叫佢選 又係點解 鄧伯係咪真係純粹係講平衡？
3. 係咪我睇漏左 叔父投票個度有講邊個係權叔咩？叔父輩有講過名嘅有串爆肥華冷佬雙番東老鬼奀茅躉同龍根 仲有2個無講過 同埋權叔枕住喺大陸 有無黎投票都唔知
4. 你岩 少個崩 我都隊冧你
5. 我又無諗過呢點 有意思 但係如果佢真係佈局 Jimmy仔之後仲俾佢埋堆？不過你講呢個可能性未嘗唔係一個可能性

20年前邊個會估到今時今日香港電影業係靠Jimmy仔同東莞仔

如果當年曼聯冇輸 森哥唔吞果十萬就唔會搞到咁多風風雨雨

曼聯 仆街黎嘅 咁都輸得嘅 個龍 廢柴

Jimmy仔咁疊水 攞多十個俾官仔森俾龍根哥就唔會搞咁多事

權叔坐埋雙番東同老鬼奀嗰枱 講咗句 "照情照理 輪都輪到佐敦呢邊 阿樂做就啱啦"
鏡頭左至右: 冷佬茅躉衰狗 串爆鄧伯龍根 權叔雙番東老鬼奀 肥華
計數齊10個叔父就知淨翻係佢

鄧伯一來平衡二來講規矩 叫Jimmy選係因為阿樂唔可以連任 同埋阿樂先係第一集講嘅"字頭一個人獨大" 因為佢係辦事

所以你係用刪除法估個個係權叔？無人叫過佢個名 佢亦都無同大埔黑同過場 所以你意思邊個係權叔？左5？


問多你一個問題 呢條純請教 咁以和為貴嘅10個叔父又係邊10個？

關於師爺蘇
第一集石總隊同佢係屋入面對話係暗示左合作
「你說沒有就沒有？」
之後師爺蘇冇事冇幹返到香港，暗場交代佢應該俾石總隊吸收左，因為公安都想要踢和聯勝埋堆，好似新記老許咁
總言之尖微仔係好撚醒嘅人才，但續集個場選舉已經俾公安操控左