代朋友po
背景：
本身濕疹底但一直只有幾噠
最近半年突然爆發 全身邊度都有d
紅腫 硬曬 留黃色液體
訓唔到教 集中唔到精神做嘢
同人對望一眼就會睇得出皮膚有事
用左甘油舒緩濕疹
個幾禮拜已經好左七七八八
不過琴晚冇搽 訓著覺小痕rr下變大痕
岩岩半夜起身搽類固醇都止唔到 蟻咬咁
沖左個凍水涼洗走d膏之後搽返甘油
想飲熱茶 煲完水沖完茶嘅時間就止左痕
只係有笠住笠住嘅感覺
真係好神奇
希望攤凍杯茶嘅時間可以開po幫到大家
——————————————————-
方法：
一大pat
唔係少少 搽得少吸收左會笠到猛猛緊
唔好溝水 直接搽落去
會發熱！！！！！！
r損左搽會痛！！！！！！
忍！
搵一細噠試下先！驚你頂唔到！
點都唔好印乾
佢自己會化水變稀 然後慢慢吸收
會笠癡癡 所以夜晚搽最好
搽完訓覺 枕頭鋪嘢 第二朝就唔會臘鴨咁
唔好加其他嘢 我試過將佢當lotion再加類固醇
吸收唔到不特止仲痕到跳舞
——————————————————-
原理：
我都唔知
但我以前一路係跟建議 溝水用
作為一般保濕係冇問題但從來冇止過痕
反而痕開果陣 係好似皮膚濕左水自然風乾果種痕痕地嘅感覺
溝水有時越搽越痕
甘油本身作用係海綿咁 索水
建議溝水嘅人會講甘油會抽埋皮膚d水
發熱都係哩個原因
我唔係話反科學 但本身繃緊嘅皮膚搽左甘油
只要keep住唔抹走 就會好舒服
終於做表情 郁關節唔會扯住扯住
有google過話甘油可能會抽埋d保濕因子上表層
應該係好嘢黎？
哩d咁深奧要等醫生研究
以前濕疹冇咁嚴重 只係乾
初初買甘油果陣試過唔同溝水比例嘅效果
冇溝水用係最熱 最笠
但第二日皮膚睇落係最潤
只係我後來都係信大眾講法 照溝水
估唔到濕疹爆發可以拎返舊經驗黎用
——————————————————-
我諗好難話會治本 始終濕疹係麻煩嘢
但某d位搽兩三日已經冇痕 細噠左好多
可以唔搽類固醇都訓到教 已經滿足