#第41屆香港電影金像獎 曲終人散，但餘波未了！獨立歌手 #林家謙 和 #Serrini 擔任開場表演嘉賓，演繹《跟佢做個Friend》、《活色生香》、《浪子心聲》等電影金曲，其後YouTuber啤梨拍片品評，指Serrini表現ok，但就狂踩林家謙：「我真係唔知點形容……佢係我所見過香港電視史上除咗William Hung之外，包括參加歌唱比賽嘅所有人，我未見過表演咁差，係可怕地差...點解可以咁，我真係不解。」
昨晚（19日），Serrini在FB出po為家謙平反，留言爆粗鬧爆haters：「我Ｘdd標題黨同埋bad vibe恰林仔嘅posts，我見一個post一次我d MV🧖🏻♀️我個名去咗邊呀鬧埋我呀🧖🏻♀️現場收音and出街聲差咁多都好無奈㗎，咁你點jeh依家。只有我可以大大聲兩隻手臂（壯）大大力卡實shake佢shoulders話佢唱歌難聽『你收聲呀！』🤏🏻🤏🏻🤏🏻🤏🏻🤏🏻🤏🏻🤏🏻and cite 鐵閘靈魂 when 佢輕微恥笑我任何嘢，不服自便🌻🌻」
Serrini還在自己post的留言加句：「唔好再hate on him我地已經唔做嘉賓買唔到演唱會飛」她甚至在多篇批評林家謙的相關帖文留言：「標題黨，無法discredit a real talent」並附上自己的新歌MV連結，寸得嚟好抵死。
除了Serrini霸氣幫家謙反擊，商台主持及填詞人 #Oscar 亦在story寫道：「幾個月前開始，聽住呢兩個人，好認真好着緊咁準備呢個表演，然後喺金像獎真係睇到成個演出，不論音樂上定舞蹈上都咁出色，其實開心過自己有提名」「而事實就係，一個表演就係有人覺得好睇，有人覺得唔好睇，先至分辨到『人』嘅種類Which is good」
#鄧小巧 雖然冇開名，但同樣默默地支持家謙：「唔好因爲你唔明白人哋，就隨意攻擊，任意留言。你對個世界有幾mean，就即係你對你自己有幾mean，呢個我真係明。放心唔係有人攻擊我，不過我呢幾日見到好多網上留言畀其他人，覺得真係人言可畏。我哋嘅世界真係唔需要更多恨意呢～」
網民亦紛紛撐家謙：「我就覺得個表演好用心好好睇」、「林仔absolute pitch，唔明啲人聽乜可以聽到話走哂音，我聽咗好多次都聽唔到走音」、「一對愛護尊重香港文化嘅音樂人，文化文融與對電影與歌曲嘅致敬，表演好睇！真摯！」
林家謙回覆《娛壹》表示：「我諗我都冇咩想回應了 🙌」而當晚表演後，家謙在社交網感謝電影金像獎邀請，「喺另一個領域嘅我哋作為開幕嗰兩個人，為頒獎禮opening設計同演出，送上祝福🌻」家謙指籌備了3、4個月，多謝每一位辛苦統籌、構思、練習的工作人員及所有幕後製作/道具/visual，最後多謝合作表演的Serrini。
#娛壹
