由俗稱「村BA」的「美麗鄉村籃球聯賽」掀起的農村籃球熱潮，不單紅遍中國內地，更引起美國人關注。NBA 球星，Brooklyn Nets 後衛 Ben Simmons，近日在新聞發佈會宣佈，向貴州一個農村捐贈一所球場。
嚟自澳洲嘅 Ben Simmons 話，佢16歲時第一次去中國打籃球，之後亦以 NBA 球員身份去中國訪問，深受中國人嘅熱情感動，最近留意到「村BA」嘅新聞，更受到激勵，決心與中國人分享籃球喜悅。Simmons 所捐贈嘅球場設於貴州安順市附近嘅馬場鎮，小鎮位於海拔1,200米嘅高山，人口只有5萬。而 Simmons 會同村民合作設計球場，至於佢會唔會親身去貴州球場露兩手，暫時就未聽到有呢個計劃。
