可圈可點嘅係，「天使 彌漫著迷幻作用」中彌漫兩字用得別具心栽，將迷幻作用依樣概念性名詞形象化，有一定藝術成份，可稍作玩味；兩個反字排比短句，反政府中性名詞在前，襯出反社會嘅貶義亦顯露出詞人有一定嘅文學修養；「黑色午夜 煲不見底」中明明係手足嗌煲底見，但偏偏因為黑色午夜而煲不見底，實屬諷刺，可見詞人嘅逆向思維運用純熟，令人眼前一亮。
再講結構方面，雖然《黑暴午夜》距合格嘅三及第尚有一段距離，但仍然不能否認係一塊靚嘅五花腩──肥瘦相夾，書面語口語互不衝突。當然，連登充斥着大量公開試太監奴隸，見到口語一定起撚曬鋼，依度要用返連登仔唔理藝術價值、但求夠貼地夠情感投射嘅劣幣驅逐良幣藝術眼光加以反駁，畢竟《黑暴午夜》可謂當中佼佼者。
最後，講立意方面，《黑暴午夜》不過係拾某啲官媒喉舌牙慧，冇乜特別，然而一篇文學價值斐然、政治情感豐富嘅改詞竟然招惹不少負評，連登仔真係貽笑大方！
而依份可笑，則令《黑暴午夜》抬高為反抗連登低俗惡劣審美觀嘅鮮明旗幟，係連登改歌台時代革命嘅淒絕戰歌！
我，死雞樂，有幸仰視到依份曠世巨著，唯有五體投地，先讚為敬
