TVB旗下Big Big Channel 5月停運 !!!

近年網路廣告市場越做越大，TVB為咗幫旗下藝人開拓呢個市場，於是創立Big Big Channel，一手包辦平台營運及內容供應，而且旗下藝人本身有電視台幫助入屋谷起知名度，更加可以令佢哋做埋KOL，透過直播、帶貨等途徑搵錢。

Big Big Channel 手機app喺2017年7月推出，剛開始時有唔少藝人都會喺上面做直播，而TVB亦會幫藝人拍片放上Big Big Channel，曾經搞過藝人麻雀王大賽、妝速挑戰賽等專屬節目。而TVB亦推出唔少節目力谷，相信唔少觀眾都認得嗰隻代言ICON「大明猩」。另外部份TVB劇集片段亦會放上Big Big Channel 做宣傳。

TVB旗下Big Big Channel 5月停運
不過Big Big Channel 亦引發過爭議，人稱「一蚊Joe」嘅游莨維就喺平台推出初期，趁老婆入產房生仔時做直播，直到BB出世都仲拍緊，影埋剪臍帶先cut。而喺2018年8月，當時仲係TVB藝人嘅余德丞踢波昏迷被送入醫院ICU，Big Big Channel 就派員喺ICU門口做直播，同樣備受爭議。

而通訊事務管理局喺2018年6月，以TVB安排節目間接宣傳Big Big Channel嘅手法，混合廣告及節目內容而接獲投訴，決定向TVB罰款30萬元。

是撚旦啦
間野幾時執

TVB 轉型失敗
未來只有行番亞視條路
不斷揾中國金主注資，變成中國香港電視台

見HKTVmall成功就想抄王維基
人地飲咗頭啖湯啦
宜家香港焗住搵士多

大陸市場就諗住炒英皇叫班藝員北上直播賣嘢
又係準備失敗
大陸人大把平台可以睇直播，香港藝員而家又唔似以前在大陸咁出名，
大陸啲做直播嘅人，要性感有性感，要浮誇可以好浮誇，點解要睇你TVB藝員

一早轉咗做士多同鄰住買啦

呢一個行業嘅本質通常都一間獨大，連美國咁自由嘅市場都係amazon做晒，TVB一開始入去競爭已經係錯

無限超越班原本tvb想帶陳瀅，周家洛，何依婷班新力捧藝員上大陸參加
但大陸嫌班人冇人識就ban左，最後就主力大陸藝人參加
大陸人都嫌依家tvb戲差，冇哂港味，同大陸時裝劇一樣，嫌馬蹄露呢類質素差嘅都去做直播，笑佢地咁都可以上大陸撈錢
好懷念2010前嘅港劇
連離開左tvb嘅藝員係大陸開直播，做節目都係踩tvb待遇唔好

中年好升陰幾時停播

有左國安法之後, 已經唔要TVB幫手維穩
估計中共都會放棄TVB

TVB 女藝人都可以北上搵食 , 大陸官員喜好港女
男藝人就慘D, 可能要去做跟車

垃圾

原來仲有？以為早就摺左

Trash is trash

每日返工都做迫迫車奴

士多呢?幾時到佢?

tvb做好d劇好過

依家viu已經一潭死水
tvb肯拍番以前質素其實有機會反cup

抵死

或者直播生仔

支足

不過Big Big Channel 亦引發過爭議，人稱「一蚊Joe」嘅游莨維就喺平台推出初期，趁老婆入產房生仔時做直播，直到BB出世都仲拍緊，影埋剪臍帶先cut。

炒7晒啦 你睇佢最近啲獎門人連支咪都搞唔掂
收音收得勁差