買保險點知道自己無申報漏過往病歷？

如題,諗住買份醫療保
見新聞好多人因為漏報唔賠
但係有啲病10幾年前照過X-ray , 驗過血, 已經唔記得太detail
又唔想漏報, 可以點做？

到時claim唔到就知嫁啦

我都想知

搭單問
有排無聊無野做，個個星期去搵個中醫開保健藥，駛唔駛申報

記得邊間醫院
但係要記得10幾年內有乜嘢病係去過醫院body check 就有困難, 大部分醫生話無事就唔記上心
漏報係必然既事

claim果時保險佬會幫你手搵到

屌，你咁講，乜麵話唔記得麵得啦
到時問到就話自己真係唔記得，而經盡左最高誠信責任。咁易就唔會咁多人claim唔到啦

現行保險大部分公司都只會關注近五年嘅醫療紀錄。

如果醫療或檢查發生超過五年，並且已經痊愈及不用再跟進檢查或治療。都不會構成隱瞞病史。
當然最好另外用「補充投保聲明」補多一句「過去有做過嘅檢查及大約時間，但已記不清楚，如有需要，願意配合驗身檢查。」

咁到時如果保險公司唔offer你去驗身 個責任就去返保險公司度啦

1.睇下你個「有排」係幾時

2.你買嗰份包唔包中醫

但係我睇既係政府公立既中醫門診

都係講緊幾個月前，黎緊準備買全包自願醫保 其實報埋都無野既，因為醫生都話我無報，係熱氣啲，但我KEEP住搵佢開清熱藥劑，反正公司醫保比錢

報咗無壞
唔報有漏洞

病歷最多keep 七年，報足七年內病歷就得，有d公司只問五年，不問家人

細個去過邊間做咩手術鬼會記得咩
咁點報

政府冇公立中醫

你想戴頭盔? 想將個責任拋返去保險公司度?
邊有咁簡單? 邊有咁著數?
其實保險公司都係計數咋嘛
依家嘅保費水平，其實係計埋有些收據打得甩唔駛賠
你要算到佢每將收據都要投降賠俾你，咁張保單嘅成本一定高咗
咁咪 quote 個貴嘅保費俾你，如果計唔掂條數，甚至唔做你生意都得

某程度上，即係類似幾十年前嗰套做法：
大約90年代，買保險之前要驗身，驗到唔健康，計過數好大機會將來會蝕俾你，就唔做你生意
佢計過數，值得搏，才會受你投保，所以到咗真係要 cliam 時，就無咁多關卡
不過以前嘅保費，係貴過依家的

咁…屋企人都唔喺度，可以點問？
好似搞到唔記得野就要白供咁

有d公司仲會問埋屋企人病歷紀錄