蓋世寶離開兒童組變孤兒　合約剩半年：有心理準備

AndrewRobertson 2017-07-25 22:47:05

《超時空男臣》首週平均收視24.5點，第一集試過最高27點，成績唔錯，對於很多觀眾來說，劇中最熟悉、最親切的不是蕭正楠、田蕊妮，而是劇中飾演姑姐的蓋世寶，由《閃電傳真機》《至net小人類》到《放學ICU》，蓋世寶當兒童節目主持18年，兒歌〈小司機Noddy〉〈魔法小美穗〉陪伴過不少小朋友成長，她是繼譚玉瑛姐姐後，最耐的主持人，但２０１４年兒童組改革，蓋世寶由兒童組轉去劇集組，重新來過，以前每日穩定有工開，爆騷是基本，但現連開工都隨時不足。

蓋世寶今日出席《超時空男臣》活動，更擔任司儀，雖然少做了主持，但今日在活動上渾灑自如，她接受《香港01》訪問時說：「我一直有心理準備，唔會一世做兒童節目，但最震憾係全部人都解散，嗰下感覺大啲，係㗎，人哋對我做兒童節目主持印象太深，當時根本就唔敢用我，好多人都唔知我由兒童組出咗嚟，但好彩出嚟嘅時候，監製潘嘉德俾機我，我同佢講：『我出咗嚟，有冇嘢可以俾我參與下呀?』跟住佢安排我拍《拆局專家》，我好感激佢，之後有監製葉鎮輝、黃偉聲都有用我，我叫做吊到命囉。」

兒童節目中的蓋世寶，口齒伶俐、唱兒歌同小朋友玩、完全冇難度，你會得她是主動的人，但她其實相當被動，即使她需要主動才可以在劇集組生存，蓋世寶都選擇被動，她說：「可能性格決定命運，大家見我做司儀好active，其實我好被動，唔識social，尤其敲監製房門入去傾幾句，我唔係介意，我自己都覺得唔舒服，『Hi監製，我係蓋世寶。』下一句我都唔知講乜喇，『得閒多多關照』？定係講『可唔可以用下我？』人哋都唔舒服啦，我好支持人哋咁做，我知或者有回報，敲門未必有機會，但唔敲就一定冇，我好明呢啲道理，但我真係唔識做，呢個係我個人問題，我都搞過㗎，有次周志康陪我，嗰次大家咁啱喺７樓（製作大樓）攞劇本，佢叫我敲下門啦，佢話呢啲真係要做㗎，嗰次我介紹下自己，但個監製冇咩反應，哈哈……其實我乜角色都唔介意，今次《超》劇角色好好，起碼有個名字，有時角色係同事A、B、我都唔介意，只不過係一個工作，最緊要有人揾我，我有工開。」

識者生存、尤其在大機構工作、蓋世寶不求上位，只求有工開，但原來這個願望要實現都不容易，她說：「或者我豁出去多啲敲門，可能會多啲收入呢，但我冇行呢步，咁我咪要承受呢個結果，因為我明白，所以平衡到自己心態，人人都有唔開心㗎啦，每個人都有煩惱，唯有自己去諗辦法囉，自己唔好諗到咁差，好多人喺無綫都有機會賺人仔，可能就係喺電視見過你，或者講唔出你嗰名，但就係認得你，因為有電視劇，但我喺電視劇就係唔穩定，所以冇人揾過我返去賺人仔，講真，大人真係可以唔睇兒童節目㗎，你做咗幾多年都可以冇人識，拍劇始㚵入屋，你就算睇過套劇，再喺街見到我，一時之間你都未必認得我啦。」

蓋世寶人生最青春的時間奉獻了給兒童節目，現在在劇集組重新來過，她被動性格亦擔心自己前途，她說：「剩返半年約，其實有定心理準備，我唔知公司簽唔簽我，但係….我睇唔到前景呀，我有心理準備公司唔再簽我，可能佢哋見到我呢幾年都係咁，唔會心淡，好多人都係咁㗎啦，由兒童主持到而家重新嚟過，我冇難過，因為預咗，形式係唔同兒童組，間唔中有一兩句對白，睇自己心情點tune啦，但我要嘅係騷，我要工作先至有騷還，我唔可以揀工作，我冇乜人用，唔通仲去揀咩？我而家簽緊一年五十幾個騷，但我而家得幾個咋。」

吳榮春 2017-07-25 22:50:25

@蓋世寶吊老母

元朗雲迪奴域 2017-07-25 22:52:52

蓋世寶pm我養你