我表弟塊面嚴重暗瘡 爛面獸咁 係咪無得救?

搵Jacquline

戒油鹽糖
多菜極少肉
食返清淡啲
瘡口流濃流血當傷口處理搽消毒酒精再貼膠布

10幾歲都係火山口臉
而家變返滑

有用 之前食過醫塊面 連埋背脊啲瘡同粉刺都清埋
背脊會變到好光滑 摸上手唔會再有凹凸感

真係害人不淺
戒煎炸嘢 早訓 發神經

1. 朝早用弱酸性洗面奶、夜晚用弱鹼性 （夜晚double cleanse最好），要溫和
2. 用微暖水洗面，唔好覺得用凍水會收毛孔，沖涼嘅水又可能太熱，總之微暖～廿零三十度嘅水
3. 唔好用毛巾，好多細菌，用手兜D水潑落塊面，洗乾淨之後用紙巾印乾/ 一次性洗面巾


PS 以前科研無咁多會叫你朝早用水洗面，但而家好多研究啦，朝用返弱酸性係最好

PPS 弱鹼性嘅洗面奶個清潔能力係勁過弱酸性，夜晚過咗一日會污糟D，對於油性皮膚用弱鹼係好D，你如果唔多油/ 敏感肌就唔好用

PPPS 水楊酸嘅洗面產品作用不大，用返D普通溫和嘢就OK

唔好架
咁咪keep住做硫酸面囉

我之前又係爛臉成個人都好冇心機，之後睇醫生塗A酸藥膏食四環素，用dr wu 洗臉泡，用即棄臉巾，冇爆之後用dr wu杏仁酸，而家靚返晒

暗瘡已經好返，仲有啲疤，毛孔粗大，可以應該用A酸定A醇

張繼聰邊有好過

btw 冇戴口罩真係少咗爆瘡，呢三年下巴瘋狂爆大頭瘡

九成都係
真係爆瘡嗰期，做乜撚都冇用（除非食a酸/因為個人衛生問題爆瘡另計

食下先

好癲。。 貨十萬金都未必救到。。。

無，如果有得搞，啲藝員一早搞哂

可以搞 但點搞都唔可能100%好返
只能夠叫睇落好D無咁明顯

就係日日搽先用retinol咋，護膚係漫長嘅過程，加埋平時去做下機，用retinol已經好夠. retinoid刺激性高啲又要甩皮，反應大過retinol.
總之維他命A family都有用啦，長期用嘅話各有長處。
搵到retinol呢類又抗衰老又even skin tone.嘅嘢真係好正。一支啦咩精華買到好幾支retinol cream. 慳勁多。

Downtime 太耐
藝人要拍劇出鏡好難抽到時間搞
講緊係可能每個月做一次鐳射塊面就紅到關公咁
閒閒地做6～10次

唔係唔會自己復原嘅咩

要同佢表弟傾下
塊面如果長期狀態好差，再高都開心唔落

我由上年感恩節開始早c晚a用左半年左右就膚質明顯多咗光澤。開頭用冇耐都有啲burn burn地，用耐左就冇嘢。

A醇A酸都得，睇下你想快定慢啦，a醇冇咁刺激，a酸刺激性大啲。總之護膚品點都要長期用先有效。我都睇左勁多，唔想又紅又甩皮同埋thanksgiving Kiehl’s嘅retinol嘢減到勁平先試下。不過要有心理準備a醇a酸都可能會甩皮，總之用落去就有效。如果要快見效就一定係做機。

睇傷口有幾深
有啲骨膠原流失咗就生唔返出嚟，變咗一個坑

所以而家會叫啲人做微針,laser
傷害皮膚表層刺激佢生返啲新細胞同骨膠原

我17歲果年爆大毒瘡，成面爛晒，同啲瘡糾纏左10幾年，而家總算控制左佢，淡妝都見得人，以前直頭係要唔化妝唔敢出街。以下係過來人嘅戰痘血淚史總結：

1. 其實中醫真係人夾人，我食左中醫開嘅藥，爆得更勁，一瘡未平一瘡又起。重點係，睇中醫好貴，就算有效果都好慢，燒錢咁。
2. 又試過去Jacquelxxx做facial，簡直係貼錢買難受，兩個月用左 >10K, 俾佢地啲所謂美容C挑到成面傷口，又紅又痛，傷上加傷，仲不斷sell，煩又冇效，銀包又傷。
3. 嚴重暗瘡，講緊係爆一啲深層嘅含膿暗瘡/ 石頭瘡，一定要盡快睇西醫！唔好自己試啲咩full面膜，轉skincare,天然療法等等，盞愈搞愈差！去睇醫生食消炎藥，再嚟醫生覺得嚴重到要開A酸俾你，就乖乖食藥查藥膏。唔好俾啲人妖魔化左A酸，只要服食期間定期驗血check住肝功能，佢帶俾你嘅好處一定係多好多。
4. 個人衛生好緊要！枕袋要勤啲換，噴髮膠時要cover塊面嘅皮膚，唔好成日用手掂塊面。
5. 護膚品一定要簡單，頂多係洗面+ 潤膚+ 防曬。洗面可以選擇洗面gel, 冇咁多泡，唔會洗到皮膚太乾，因為洗完乾爽到啜手嘅皮膚，代表皮膚水份被抽乾，好容易進一步傷害佢天然屏障，本來已經發緊炎嘅皮膚更易紅/腫/甩皮😭
6. 飲食要戒奶類製品同高糖份嘅飲品/食物，因為哩兩樣嘢係會刺激hormones, 會刺激油脂分泌更旺盛，毛孔更加易塞，爆瘡就係因為毛孔閉塞。飲食上冇可能100%戒口，清心寡慾到就唔係一般人。盡做啦～

希望幫到樓主表弟同埋深受爆瘡之苦嘅靚仔靚女