「寧欺白鬚公，莫欺少年窮」講經咩？

山高縣加度素 2023-04-04 22:13:54

想求㩒入嚟嘅爸打絲打咪再攞依句嘢嚟「勉勵」𡃁仔
尤其教緊書嘅，依句嘢對啲窮小子嘅毒害仲衰過喺教員室賭馬賭波嘅教畜
當然，你唔信依句，但攞嚟昆啲𡃁仔幫你捱騾仔嘅，我無嘢好講，畢竟依個喺香港社會運作嘅底層邏輯
上咗岸嘅尋租，上唔到岸嘅就交租，岸頭又愈築愈高，到今日都上唔岸嘅，都唔見得會靠正當途徑上到岸

由丁屋、的士牌再到只升不跌嘅樓價，香港社會得一種公平，就係「先來後到」
原住民有丁就有得霸地起樓，移咗民都唔緊要，族譜有你名就子子孫孫永寶用
你問點解你要交租俾遠在英國原居民去隊草？
佢會答你佢祖先係原住民，宋朝就落到香港

一張的士牌3百萬起跳，有牌仲好過有樓揸手
晨早停咗發新牌，所以價格穩定，要放牌就一個晏晝都唔使搞掂
80年代就話交通堵塞，空氣污染要控制的士數量，但無咗新的士牌，私家車一樣愈嚟愈多，你日日放工都塞喺開源道屌觀塘老母
到今時今日，Uber都搞到政策原意都不覆存在，Uber照樣非法，炒的士牌仲大把世界，點解？
因為人地80年代就登記定一堆牌喺到傳之家宅，想改變？叫政府逐張按市場價買返返嚟先啦

屋價唔使多講啦，淡淡成日講樓市實大跌實大跌，講到隻衰十一前狗公坐穩江山都未跌
其實香港樓價根本唔係用緊供求模型，供樓本質係贖緊身
高地價政策行咗咁多年，舉凡公務員、狗隻、公院醫護等體制內人員，再到教育、生果金同2蚊乘車優惠，好大程度上都係靠高地價養住，當然仲一齊養埋地產商同包租公啦
你享受咗社會福利咁耐，做學生嗰陣搭車都半價，唔洗「回饋」社會呀，頭廿年對你咁好，成個香港旨意你養呀
所以我聽到淡淡日日吹移民人少咗，樓價遲早跌，真係笑咗
韭菜都走哂，仲靠加稅養政府？梗係繼續炒高地價啦，今日香港地有say都上哂岸，佢地會坐視自己層/棟樓(s)凍過水咩？樓價再推高，都係會有租租同樓奴，佢哋賺更多添，何樂而不為
未上岸嘅更水深火熱啫，上岸再難咗啫，最多咪醫生律師40歲前都只係買得起蚊型單位，我冚家都上哂岸，關我撚事？
都見證過2019年，對香港社會同埋人性唔好咁多wishful thinking。上咗岸嘅點會放棄一嚿食唔晒嘅蛋糕嚟換你一命呀，易地而處，你都未必會啦

所以連登金句「窮人生仔正仆街」真係香港地嘅真理嚟。你屋企窮，出世又遲嘅，真係聽仆街
唔講姓鄧姓文嗰批，又未必要數到阿爺阿嫲嗰輩，你阿爸阿媽有番咁上下年紀嘅，當年肯努力啲，就算窮出身，今日都好可能住緊太古城
萬一阿爸後生好嫖阿媽後生爛賭，你屋企為上岸要付出嘅代價就指數級上升。哪怕佢地洗心革面，你又DSE考到40分讀醫，都會發現自己30歲前都唔洗旨意供到太古城。
莫欺少年窮？香港就偏偏係靠恰鳩窮𡃁仔嚟運行，靠依啲人礦嚟交稅、供樓、交租嚟供養岸上面嘅人。
之前就「獅子山下精神」，可以靠捱捱上岸，叫見到終點，但依家民建聯嘅無腦二世祖議員都唔會用「獅子山下」劃大餅氹你啦，點解？盲嘅都知無咩可能上岸啦，講都費事

仲有上到岸嘅，一係之前炒crypto，元宇宙，一係sell保險，倫敦金之類，再唔係炒黃牛，釣金龜。簡單啲講，唔係撈偏、呃氹，就係投機
到你由村校考入一大，再到畢業做社畜嘅時候，可能會突然發現當年會偷入馬會投注嘅男同學撈偏撈到戴撈
壞過凱婷嘅女同學唔知喺邊釣到件有錢傻仔，佢唯一嘅工作就係碌卡、食好西同去旅行，總之唔似你，咩都要做，日日OT，假期最盡去日本，仲要捱貴機票、貴酒店

有個成語叫「安貧樂道」，如果你認清命運帶俾你嘅貧窮同苦難，依然可以堅守信念，保守自己嘅良知，係一切困境面前躺平，咁就係安貧樂道。
我係到鳩up唔係呼籲啲𡃁仔走去學壞，而係希望大家飲咗咁多年無用嘅心靈雞湯之後，認清現實，就算捱騾仔，見識到種種荒謬（例如﹕2023年嘅連登仲有人討論，甚至吹奏別洪優Torres Pit依件賣港蛋散，半個洋五毛，佢仲未暴斃真係天無眼）都起碼知道發生緊啲咩事。
做唔做到安貧樂道另講，但起碼認識你屋企窮，自己依世基本上都要憂柴憂米先。而你憂柴憂米嘅背後，唔止係命運嘅捉弄，仲係一種道德選擇
你選擇咗唔學壞，唔靠傷害人嚟令自己生活得更好
你至少係一個好人（同埋自己講緊）

利申﹕曾經信過靠自己努力就會改變命運嘅窮社畜

毒步天下 2023-04-04 22:21:06

知足常樂啦
人比人比死人
下下都要做李+x咩