一個人要幾有才華先可以玩死兩間大公司?

我識兩個.

1. 余詠珊

玩到tvb半死, 星期一至日都係飲食節目
港姐show都可以唔係直播.
勁歌金曲變咗星夢龍虎榜
依家走咗, 節目都高質反小小.
點知去到有線, 都係加速緊死亡.

2. 黃嗣輝

前UA董事總經理. 2015年開始玩死loyalty club會員.
慢慢搞到冇人續會...玩死全港最大型院線.
36年歷史咁就無咗.
明明有cityline隻金蛋係度又唔好好珍惜.
有得做優先+公售. 每次紅館show淨係手續費都收到手軟
舉例: 劉德華 2018 紅館 cityline優先+urbtix公售包辦20場
同埋 2019容祖兒演唱會, 香港開19場. 公售門票85000張
優先手續費 $35/張 公售手續費$8/張
比人鬧住嘅情況下袋袋平安.
玩到康文署都唔想俾你再續落去因為系統太廢
點知離開UA之後3個月就入咗海洋公園做CEO
兩年都係無乜起色

海洋公園個問題其實都好簡單可以解決
無香港人去係因為定價太貴.
500/人頭. 一家4口去一去已經$2000
諗住劏唔到香港人就劏遊客啦.
點知你又冇乜吸引到人去. 講動物園/水族館你又冇乜動物.
講機動遊戲, 你就連個越礦飛車都cut走埋.
我就唔係好想海洋公園執笠嘅, 話晒都係一個地標嚟
快d咗反好個定位同埋炒晒d淨係識逗人工嘅高層啦
海洋公園都唔知仲可以捱到幾耐

呢個「余詠珊」由頭到尾都唔知點解會有人請佢做電視

余詠珊（英語：Sandy Yu Wing San，1958年－），香港資深傳媒人、電視創作人，前任香港無線電視助理總經理（非戲劇製作）。她曾任職香港無線電視、亞洲電視、香港有線電視、壹電視等傳媒機構，參與構思、製作多個知名綜藝資訊節目，如《今日睇真D》、《亞洲先生競選》、《尋找他鄉的故事》等[1]。其丈夫為唱片公司高層何哲圖。現為好好製作集團有限公司行政總裁，主力為HOY TV等合作夥伴製作綜藝節目。



兩間？
會唔會太睇小佢？

應該因為係佢亞視個陣做過d 節目贏過tvb
wiki話佢做過呢d節目
《今日睇真D》、《亞洲先生競選》、《尋找他鄉的故事》

咁蘋果同亞視執又唔係好關佢事

佢兩個識唔識你

佢地才華用係人事上

人地識玩手段

米公園唔係仲貴咩？

米公園賣IP
同埋入園第一時間已感受到童話氣氛
其他設施係圍繞呢樣嘢建立
海洋公園唔走呢條路線

仲有hA 個主席 犯生

佢係有線時期啲節目都幾好架，嗰個時侯啲嘢感覺係新鮮嘅，再之後將成套搬過無線，初時都還好，慢慢就無以為繼，但係最大問題由星夢開始

係財經台，未入po以為係想挑戰elon musk

2013年，曾志偉為TVB執導的電視劇《女人俱樂部》，找來不少外援回TVB拍劇，但在選定年輕版的女角時被余詠珊介入，曾志偉的好友陳百祥及黃柏高旗下的女藝人都被踢出局，反而余詠珊老公何哲圖旗下藝人就順利入圍，曾志偉亦無權決定。最後余詠珊揀選了星煥旗下Super Girls的Heidi和Cheronna擔正。而一度入圍、黃柏高旗下的女子組合As One則被踢出局，陳百祥旗下的更無緣試鏡。

海洋公園點都死架喇，賣平啲都係圍唔到皮加速死亡

海洋公園訂價貴個度唔認同，而我都好肯定你最近無去過。

之前一路做緊幾百蚊幾個月任去。消費一啲都唔貴，重平迪士尼好多。

海洋公園衰在無乜新嘢，啲設施又舊。

迪士尼疫情期間一樣貴海洋公園好多，一樣係好多人。證明根本唔係平貴問題。

其實海洋公園先天問題唔變真係好難行落去

本身養住啲魚同動物，成本貴。

地方又太撚大，保養麻煩。

其實早應該重建，山下面起樓起個大商場，做一個全港最大嘅室內主題樂園。好似AIA咁樣樣計錢但免門票，再比個兒童樂園比小朋友放電，保證大把人去。個商場順便可以連去黃竹坑。有咁多屋苑支持大把水吸。

啲動物就放晒上山，保留返海洋公園風格。兩邊各自為政好似東京同美國嗰啲迪士尼咁，玩兩個園區。

其實大撚把計，都唔撚明點解海洋公園會做到咁。

依家玩平價戰同迪士尼鬥真係含得撚。

快D email比劉生自薦啦