冷氣討論 (5) 爆1001唔該開新post

就咁講我個case都得
我平時都唔係full load
試得有冇高頻聲
就梗係乜嘢溫度都試下

我相信台灣嗰個post嗰個人都會試
佢後面好似有講相關嘅嘢

2022年6月

有冇再早少少?

起碼廠家會擺一部佢哋覺得叫做正常嘅機喺度畀人試聽
機器一定有次貨
咁樣起碼篩走咗次貨先

同埋
都好似我咁講
冇demo
就好似買六合彩咁


個師傅上到嚟
佢話咁樣叫做正常
就係正常
吹撚脹

可pm?

巴打唔使再貼
係貼都貼2022年5月之前

咁你覺得你係個別個案，就企硬叫信興換機

再早咪我個post囉，我係第1水Panasonic變頻1匹嗰陣已經出文啦

最早係得Panasonic嘅台灣冰點代工2匹變頻窗口機

上面有人話去海關投訴產品設計
到底得唔得

要行幾多轉先遇到一間擺真機
逐部逐部望下人哋入面有冇餡

就算係同唔係佢都唔理啦
佢一句話聽唔到就得
以我所記得佢好似直頭話聽唔到

咁我去你個post度睇下

唔係樂聲嘅抽濕建唔建議買？

抽濕係製冷嘅副作用，你溫差越大，濕度就越低

咪一早講左有啲人聽唔到，
有啲人聽到但接受到
有啲人接受唔到

其實你想點先
換機又話唔會睬你，頂唔順咪裝其他囉
又唔係冇人講過窗口窗口機有機會係咁，起碼我係連登已經講足3年

其實最近我仲有另一個經驗
去咗買喇叭
個喇叭返到嚟又係有高頻聲
(咁啱得咁橋又有高頻聲問題)

唔使話我隻耳仔有問題
我買嗰隻型號
我買完先知道
網上原來晨早有人講話有高頻聲
然後佢哋話換完貨之後冇問題

同埋我錄埋片
其實我可以研究下 好似外國啲人咁樣
分析埋個frequency

然後我真係上咗代理
代理個職員 話自己係木耳 所以聽唔出
(但係好似有一下又話自己聽到)

然後其實個職員都ok
佢攞咗第二部出嚟俾我試
然後第二部真係冇嗰啲高頻聲

有時唔一定係個別個案
可以係批次問題
....
我個喇叭嘅高頻問題 都唔係淨係我一個有
所以點解我覺得要有demo

咁Panasonic, 格力都有同一問題，你點睇

唔講型號唔講其他野

大家買電器/冷氣小心 友和 依間垃圾黑店
唔好因為佢平過出邊就幫襯
之前問依度意見買冷氣
最後經友和訂貨
估唔到依間垃圾公司夠膽死比部舊機我
個紙箱殘殘舊舊,點知一打開入面成部機仲有污跡水漬
一睇就知係唔知幾手既劣質機

同客服投訴,完全唔理你
而家大大部垃圾機擺係到唔安排收機時間

依間公司完完全全係痴撚線
生意手法極有問題

千祈咪幫襯

Panasonic 已經換左3次款，都有人講

收貨同安裝係連續兩日
收貨果日剩係覺得個箱殘,無諗咁多野
第2日愈望愈唔對路,臨安裝見到師父仲有幾分鐘到
諗住拆定個盒望下部機
點知開盒果陣呆撚左
果斷通知師父話部機唔安裝住

間仆街公司送部垃圾機比你
博你無為意,拆左佢黎安裝
到時裝左上去,死無對證,有咩投訴佢都可以屈係你用家問題
而家比我發現到,機都無裝,就咁唔拆擺係到
死黑店如意算盤打唔響,索性扮啞同潛水

尋日落門市同班職員講
職員即刻同我打電話話聽日有專人聯絡我
結果當然係無影

我嘅經歷：
https://lihkg.com/thread/2673470/page/3

換機佢唔睬我
咁係panasonic或者信興有問題

我今年真係想換第二部
但係諗緊究竟換邊部好


"有機會係咁" 唔係一個合理原因
即係有間公司同你講
我哋啲貨有機會會有雜質
你自己預啦

呢個情況唔係絕對
即係話如果情況輕微嘅 有時都可以接受
不過呢種咁滋擾嘅高頻聲
間公司應該要換畀你
就好似我上面所講嗰個喇叭咁樣

-----------------------------------------------------------
上面雜質嗰個位
你就認為係部機不嬲係咁
只不過係有啲人聽到
有啲人聽唔到

但係我唔能夠咁樣確定
而且就算如果全部都係咁樣
咁就係個設計有問題

好似我上面所講嗰個喇叭嘅例子
有嗰種高頻聲之後
其實德國嗰邊係將嗰隻產品下架

然後新造出嚟嘅嗰種型號就冇咗呢個問題
不過唔知點解我2023年買都有呢個問題
講緊德國下架嗰陣時應該係差唔多2020年左右

咁都真係幾撚離譜

我已經報左消委會同海關
聽日如果再無人搵我,會去報埋警

唔知道有無用,但我已經盡晒力
我遲d會整合返出返個post警世

咁你繼續努力，幫大家解決呢個問題
我上面都貼左唔少用家有同一問題

如果你話你都見到好多咁嘅case
咁即係唔係個別問題
但係有可能係批次問題
或者真係成個設計有問題

咁佢應該改過個設計
人哋喇叭都可以下架
冷氣會一路成晚開住
既然有咁多人投訴
佢都冇動作
咁證明間嘢好有問題