韓國生活/旅遊（104）睇晒FAQ先再問

唔好意思，岩岩先發現入面唔係得野食推介
巴打多唔多去排隊排好鬼耐個d食？
諗諗吓要排咁耐唔係好想去食

如果帶住屋企人由首爾去斧山一日遊會唔會好chur？
想買零食做手信有無咩幾好食值得帶返去食？
首爾既話，廣藏市場值唔值得去？
唔值得既話仲有無其他推介？
問題比較多唔好意思

起碼住一晚兩日遊
搭鐵2個半鐘 即日來回就5個鐘
飛機來回2粒鐘 但往返機場都係時間
唔住返晚個交通成本太高
仲要帶住屋企人 真係得個搞字

Ching都講得岩，唔該哂

有無巴絲係韓國長住？住咗一年歐洲一年美洲，但都係發現鍾意亞洲多啲。去過2次韓國旅行，覺得佢哋對香港人都幾nice, 想問下係咪普遍都係咁？因為我考慮緊去唔去韓國生活（未必係移民，想試下住下其他亞洲國家)。thx

利伸巴打

旅行同係當地住真係差好遠
同埋仲要睇下你住邊 因為香港同首爾物價唔係話差好多

首爾-釜山一日遊 你想chur死你屋企人咩
最少都三日啦
你驚首爾好快行哂 可以去附近京畿道行下都可以
如果你第一次去韓國 廣藏市場夠玩啦
食同買都得 可以行到1~ 2個鐘

我好初步諗法咋，暫時係日 韓 泰 做考慮。我諗3個都係整住學生簽讀語言學校，我3種話都唔識講，啱住再做啲生意仔做投資移民，唔啱住再揾地方去/ 返香港。所以打工同職場唔係好關我事應該。

我之前嚟旅行接觸嘅都係啲呀叔呀嬸比較多，發覺佢哋真係鍾意香港明星，連謝霆鋒都有，之前有啲香港舊電影4k重新修復直頭係韓國人投資出錢整添
，唔知後生仔係唔係都鍾意香港。定都係唔關年紀事？

隊友第一日到首爾再釜山都下午一點、第二日六點鐘
就坐返首爾、原本仲想去埋大邱、Crazy Plan
好彩我早佢地兩日到釜山、預三日玩剛剛好

上次係Kk day 買KT SIM, 去到KT counter 同佢講要有韓國號碼、另外比5500wow充值有20分鐘、唔充就無號碼

頂 住堂山站嗰頭係咪都冇話好近好雜嘅嗰個地區少驚

用wowpass係直接同個收銀講用card就ok?

堂山都ok啦 係無咩野食姐

唔該Ching
我都驚太chur屋企人頂唔順
我第二次去屋企人第一次去
但我同屋企人都一樣未試過去廣藏市場
咁到時我都同屋企人去下先，去到1-2個鐘好夠了
我查吓京畿道先，唔該哂巴打

唔洗講嘢你攞住卡佢就知你用卡 直接插入卡機

而家諗緊去重慶大廈兌錢定明洞
本身都諗住去明洞，但好似重慶大廈兌會方便d？
我都諗住帶埋visa同銀聯去

有冇人覺得hbaf杏仁 唔係咁好食
係明洞見到 原來已經頂埋以前係uniolo地鋪個位做
成個明洞幾間分店

之前去開 重慶堅城換
不過你想要高rate 一定當地換返

想問下釜山可以邊度換

用港紙換?? 唔係好熟釜山
我正係識Money Box
佢有官網 有show每日個定價

釜山嘅話用wowpass換錢算啦
好多酒店都有部機

堂山優點: 可以行路去合井同弘大

後生仔都有鍾意港產片, 不過都係王家衛嗰堆嘅, 近年D歌星又好演員又好, 唔好話Mirror, 陳奕迅容祖兒都應該唔識
你拎住D4 (語言研修簽證) 生活下先啦, 呢關都過唔到嘅話, 韓國真係好難生活落去