純旅行團討論：日本有無人試過呢隻行程

以前細個一直都係同唔同朋友自由行，自由行幾好我都好清楚，趕時間買飯團jr 食趕車，好青春

但而家工作忙，已經無咁多心機時間plan

開返關後，想趁父母仲行得走得時去下旅行

2019 年6月第一次egl 去東京，其實佢地新鮮就咩都ok

我就覺得6月大霧，上富士山睇霧有d 失望, 同埋可能7, 8千團費平，食野有1, 2餐有d hea

今次想豪d

睇緊呢個


新潟華麗鐵道「雪月花」列車 [3小時漫遊]

因為係帶老人家去，一定係旅行團唔洗拎住重野行上行落，點對點交通，中間有人娛樂佢地

之前聽縱橫游評價幾ok, 不過多數係聽歐洲團

https://www.wwpkg.com.hk/tour/detail/?tourId=2B8DC775-6C9D-456B-B214-2BA40D39D524

2皮野一個人，一定比你自己安排貴，但有時就係用錢買方便

有無人join 過觀光列車游？youtube 睇片就多，自己都未試過。不過佢得5月31 一團，可能冷門？

因為近6月又怕梅雨季成日落雨，去旅行落雨就最掃興

我plan 係prefer 5月中尾最好，6月為次

有無人最近都有帶父母經驗可以share 下

跟團揀捷旅

新野？未聽過？

日本剩係識egl 同縱橫游

早排跟過永安 第一次跟團 行程真係麻麻 搭車多過留係景點
但都好開心 因為導遊講野好好笑d團友又好好
搭車睇風景聽下故仔都幾寫意 溫泉旅館d伙食又唔錯
反而自由活動果日係shopping區行足成日好攰又多人 無咁開心
臨尾係機場同導遊團友講byebye勁想喊 唔捨得
不過下次打算自由行算

yes, 講解娛樂佢地，我真係做唔到

其實佢地上次幾開心，一黎第一次掛，2黎係咁send 相比親戚

望緊勝景遊，google 幾多好評

長輩應該都鍾意跟團多d 又有得聽導遊講故仔 又有團友同佢地吹水

我個時去之前睇左好多google 講帶父母經驗，一面倒話旅行團，因為好多人自由行奶野，實有野嘈，搵錯路，又要拎住行李上落jr

btw, 永安好似都幾受觀迎，話識照顧老人家

旅行團坐旅遊巴好舒服啊唔洗搵路 唔洗搬行李
不過要預左會少d機會接觸到當地d風土人情
不過我跟果個團 個導遊除左介紹景點都講唔少日本d習俗同新聞 都幾獲益良多
同父母去 緊係輕輕鬆鬆 乜都唔洗煩最好
永安算平啊 我跟果個導遊叫唷san 佢真係超照顧老人家 又好人又勁好笑我啊媽寫左表揚信比佢

我上次個egl 黎san 都係

老豆幾開心

都有幫親佢買下備長炭個d 手信野

今次想去京阪，不過好似大部分都包一日環球影城，佢地唔會玩機動好似有d 哂

你上次幾月去

有一晚自由，我個次都帶左佢地搭jr, 去食溫野菜，周圍行下陣

幾多日？
D酒店咁靚2皮野一個人ok la
不過跟團要趕行程住靚酒店我覺得有啲浪費
自己平時鐘意留到last minute 先check out

我去九洲 都買左佢d北海道帶子唔好意思唔幫襯 不過都幾好味既
環球影城應該日日都勁多人啊 雖然知入面d野好好玩氣氛又好 但諗起咁多人又要排勁耐隊 真係無意慾去
我上次2月頭去 仲係勁凍係旅遊巴上舒服d

九洲我印象中係景點同景點遠，所以搭車時間佔唔少？

同意，同老人家最好跟團，好好多

我跟過永安，縱橫遊同東瀛遊，感覺都好，

跟過康泰就麻麻（不過而家都冇咗了！）

我諗過咗疫情而家仲開團嘅
個導遊一定有料
加上有心落力做

樓主睇緊嘅勝境遊，就係其他人講嘅捷旅，主打貴價豪遊團

你跟呢3間有咩特點，可以講下嗎

永安多人識，易成團d?

個行程日日都浸溫泉
浸到皮都甩
仲要6月

而家望返永安，好似多d 選擇

望完永安，但見則邊美麗華間鋪大d 又多人d

其實係咪差不多，定純粹美麗華平d

日本最易成團係EGL同縱橫遊。
EGL係日本有自己旅遊巴同旅遊巴司機，有啲團行程有體驗活動（例如整枕頭、整壽司、整烏冬），有啲老人家肚子唔食得凍嘢或者唔鍾意。
酒店就咁睇單張嘅話，縱橫遊好過東瀛遊。
行程特色縱橫遊比較多，有啲親子團會係瘋狂去樂園，有啲睇星星，有啲睇祭典，有啲搭特色列車。

勝境遊同捷旅主打遠程團（例如歐美、北極、非洲），亞洲都有，旅費比起一般旅行團貴好多。

thx, 再細仔望下，but縱橫無咩分店，想望都要去好遠

egl, 永安屋企附近已經有

egl預上車買嘢到餐廳食“好嘢”使多幾叉啦
有時有老人家唔到你揀

跟團玩唔夠喉亦係一定嘅

除非你想同員工問嘢傾下計，否則無咩需要去門市，而家旅行團網上報同交錢就得。
我以前報東瀛遊，去門市就係去買城巴flyer票而唔係報團同交尾數。

好似又唔洗幾千既

跟團一定有呢d, 預左

想知東瀛遊以外嘅旅行社，外國團係自己搞定係外判俾當地接待社搞？
以前跟過永安去南泡係當地接待社負責帶團。
同埋如果跟EGL去大阪或者沖繩，一定住逸之彩，因為係EGL開。附近有間玉出超市同通天閣。