荔枝角啲好味嘅餐廳都執柒曬

如題
唔好同我講D2大把餐廳，D2個廁所日日都大把人去添

去九龍灣食？

九龍灣食塵？

附近有冇位坐既兩送飯

一冰廳 友利

執咗黎講將軍堡算唔算好食

荔枝角你食過monster kitchen再講

一冰室， 紅米， 黑布
藍店樂天都ok

執咗兩年

歡迎大家收睇大頭仔channel，究竟七十蚊可以食到啲咩嘢呢，可能各位朋友仔只係覺得夠出街食個飯加杯凍飲咁上下消費啦，但如果你咁諗就錯喇，今日就等大頭仔話你知70蚊係可以食到90分鐘嘅自助餐呀，仲送呢個m字頭雪糕，大家心諗有冇咁大隻蛤乸隨街跳呀，係呀，阿婆你咪有興趣呢，仲有睇緊呢條片嘅朋友仔，如果未訂閱都快啲訂閱啦，訂閱咗嘅朋友仔都要撳返個鐘仔接受最新嘅資訊，咁好啦我哋廢話唔多講喇即刻去片啦今日就想同大家介紹返，九龍灣國際展貿中心，簡稱九展，唔係一隻汪汪狗嗰個狗呀，嘅商場四樓嘅一間餐廳，如果唔係開九展睇演唱會嘅朋友應該都唔會知佢嘅蹤影㗎啦，今日拍片嘅時間就閒日嘅朝早十一點半左右啦，驟眼睇個場已經，入咗一半㗎啦，睇返門口先，咁就有啲每日嘅套餐啦，但我哋今日嘅主要目的呢就係，呢個70蚊嘅優惠自助午餐呀，佢哋朝早十一點開始到晏晝三點嘅，由你行入去開始計有90分鐘，但有一樣嘢要注意，提醒返大家，只星期一至星期五先有呢樣嘅啫，星期六日同公眾假期就冇架，大家小心就唔好摸門釘呀，一入去呢就要買張飛先嘅，咁呢個模式就有啲似飯堂，張收據大家記得唔好掉住呀因為要拎嚟換呢個m字頭雪糕，呀唔係movenpick雪糕先啱，另外呢張飛就係攞嚟換嗰日嘅廚師精選嘅，每人仲有個口罩送㖭真係又食又拎呀，好啦咁等大頭仔出嚟睇下有咩飲先，有紙包嘅呢個陽光系列啦，呢邊呢就有啲唔同種類嘅汽水，如果你唔鍾意飲紙包或者罐裝嘅飲品，都冇問題呢邊仲有啲即沖嘅茶水，凍熱奶茶咖啡，檸茶，檸水，都應有盡有，咁都唔啱呀，仲有中湯西湯，畀你揀添，真係有選擇困難症呀，再嚟睇下有咩食先啦，一開頭想食清淡啲嘅朋友咁呢度都啱你㗎，有呢個豬骨粥，側邊呢仲有啲配料任你，自己配搭嘅，你想要西式嘅小食前菜，呢度都有，有呢個泰式嘅沙律，蘋果，呢個長方形嘅，澱粉質，自由配搭嘅沙律菜啦，有啲熱氣嘅春捲咖哩角，薯條，同炸薯角，同埋呢個蒜蓉包㖭，嗱！野飲前菜呢都介紹完啦，梗係唔少得，我哋嘅熱食主菜啦，打頭陣嘅呢就有呢個街頭風味嘅咖哩魚蛋同燒賣，跟住有呢個飽肚能力都好強嘅，餐肉炒飯同炒烏冬，跟住有呢個三色蒸水蛋，釀豆卜，蒜蓉焗茄子，當然我呢啲食肉獸都要有啲肉食啦，有呢個咕嚕炸魚，咖哩牛肉，洋蔥豬扒，燒雞髀，仲有呢個家常菜就薯仔炆雞翼，咁餐廳方面呢都好細心，怕大家食咁多重口味嘅嘢呢就唔多平衡，仲有大大盤白飯畀大家配搭下喎，或者你鍾意嘅可以整白飯壽司喇，最後就有呢兩款上湯嘅蔬菜，頭先咪講今日有廚師精選嘅，今日就係呢個西班牙，豬肉眼呀，大大塊嘅呢個豬肉眼包住條司華力腸，即刻喺你面前切呀幾鬼豪氣呀，服務方面先啦，場裏面嘅員工都算勤力，Keep住幫你主動收呢個吉嘅碟，同埋出面呢都會，Keep住有人去加返啲食物，咁就唔怕冇嘢食啦，講咗咁耐終於到食嘢嘅時間，第一輪呢就攞咗啲小食先啦咁有炸嘢，都係熱辣辣啱啱出爐夠脆，燒賣魚蛋呢啲都正常冇乜伏，第二次呢就出去攞呢啲主菜啦，洋蔥豬扒味道都幾夠，個燒雞呢我就，嫌佢乾柴咗少少啦，咕嚕魚，同埋個咖哩牛肉，正常，食得下嘅，之後就再出去攞咗呢一個三色蒸水蛋，我就略嫌佢鹹咗少少，炒腸粉同茄子我覺得幾好食，個豆卜呢就麻麻哋呀，跟住呢碟，除咗個，通粉硬咗少少之外呢，其他個檬粉呀，薯仔雞，炒飯，都正常，最後我見自己冇乜食菜呀，咁就罰自己兩樣菜都夾咗一棵，食落呢都偏鹹唔係清淡嗰種味道，食到呢度呢其實已經好飽好飽喇，但點都要留番個肚嚟食甜品啦，就拎齊佢四款一啖過嘅，甜品，正常，最後就梗係唔少得一人一盒嘅movenpick雪糕啦，食完出到嚟，人均消費77蚊，性價比嚟講我覺得都幾高，事關呢個價錢可以食到咁多款嘅嘢食，仲要自助任食，重要都有番咁上下質素我覺得，算係咁啦，唯一嘅缺點呢就係星期一至五硬性呢，時間，十一點到三點，唔係成日都有機會食到啦，都難就到，如果方便嘅朋友仔不妨，試下啦，最後睇完呢條片嘅朋友仔，如果鍾意嘅話就畀個like我呀，如果未訂閱我嘅朋友仔都快啲訂閱我啦，或者你有咩想講低都可以喺下面留言，我哋下條片再見啦

邊間執左

Pici

食到無野食，日日去大快活食

圍威喂執咗未？

落香工地庫啦

程班長

俾返程班長我！

呢間見賣相幾好
不過生意麻麻

搬左去荔枝角之後
真係一個月食3,4次程班長

冇得食真係勁sad

程班長都吹奏。。。