有無人做過正顎手術可以分享下

見台灣KOL關關最近做完 可以睇佢ig youtube 參考下

你想知d咩
我剩係做咗下顎

放心 0 痛

係咪流質先？正常手術後消腫都要4至6星期

儲左20萬，想去台灣做

Ching有無聽過"mewing" ? 唔使做手術，唔使食藥，一蚊都唔使，但係要養成一個持之以恆習慣。
我40+，但從來無雙頸雙下巴，顎骨輪廓明顯。自問唔係靚仔，但面型四正就一定會襟睇啲。因為我由細到大不自覺地習慣咗張耐條脷緊貼上顎，同埋瞓覺呼吸用鼻唔用口，就算有一排個身肥咗，面型都無變過。
https://youtu.be/zbzT00Cyq-g
https://youtu.be/kWQ2J0c8x6k
條片得英文無中文字幕，但講得算清晰唔難聽

做完痛唔痛？咩感覺？幾耐好翻曬有無後遺症etc

井多少少

我cool 牙果三四年 加左個附助器
收左條脷上去 而家冇左咀突嘅問題

係咪用個附助器托/抬/long條脷上去？好難想像長期擺舊嘢喺口腔，咁咪會好唔舒服？

唔係 係上鱷一個位 加左塊石春咁大滑嘅膠
提你條脷要rest 去果個位

我聯想起細個學揸筆，用一舊有手指凹位既膠套落枝筆度，令啲手指好自然咁fit落去

又唔係 其實我都好少頂果個位
不過利會慣放上instead of 下

原來係咁
我見過朋友cool牙，但未見過呢舊嘢 (無人會反個口出黎俾我睇) ，長知識鳥

瞓醫院個幾日其實冇乜嘢
因為每日都會打2-3次止痛
最難頂係出院之後個一個月
出院前醫生會開定止痛藥基本上一定要食
唔係傷口痛而係手術位置太近神經搞到好痛
我個陣係痛到頭都痛埋
每晚唔食止痛瞓唔到
然後食飯又只可以食流質食物
曾經辛苦到夜晚匿埋喊
不過挨大概一個月其實就好好多
過咗兩個月影相就正常番d
4-6個月後就完全消哂腫
我自己就剩係下巴無以前咁有感覺
我諗個感覺得返7成左右
有朋友都係做咗下顎但係佢好返之後會痹
應該個個都唔同

冇人知我有放呢舊野
但其實都幾唔舒服 食野會sip 左入去
但醫生話會靚啲 咪放

N年前仲係學生嗰陣做過，本身去睇私家牙醫淨係諗住箍牙，然後私家牙醫見我有倒及牙，建議做埋下顎矯形，轉介咗我去政府做，唔計政府醫院住院覆診嗰啲每次一百幾十蚊，下顎矯形個手術基本上唔洗錢，私家牙醫箍牙嗰part就洗咗幾萬。

好似係因為我哩啲case用嚟俾牙科學生練習所以唔洗錢（唔肯定）

啱啱做完之後塊面真係腫到豬頭咁，同埋手術過程個嘴會俾醫生擘到損哂，消腫後塊面仔細睇係有少少唔對稱（覺得係醫生手勢問題），嗰陣去政府醫院覆診有同個醫生講塊面好似有少少唔對稱，個醫生仔細望吓都話係，我問咁可以點呀？個醫生話「咁要再做過手術先得喎，你係咪再想做丫？」

記得嗰陣政府個牙醫好臭串，覆診嗰陣我入去佢房前敲門，佢話「得㗎喇，唔洗敲喇，入嚟啦」

但整體嚟講外觀算係有明顯改善，但預完全消腫要差唔多半年以上。

做完 其實唔痛
係第一晚周身管會唔好舒服
第二日就會趕你走
係屋企休息(跟住就係訓訓訓)
打機煲劇捱1個星期就可以出去/周圍去了

其實真係好小手術黎 放鬆d
(係食野煩 係咁吱 )

利申: 台灣

點解牙醫香港無保險保

https://youtube.com/shorts/6t-r-7MDFVA?feature=share

咩樣？

頭兩個月大約消幾多成?
啱啱做完

又好難講幾多成，但兩至四個月都仲係醜樣，有明顯腫，但未又未至於腫到啱啱識你嘅人會覺得你係做完手術所以腫嗰隻囉，可能會覺得你純粹本身面肥