大癲！傳《正義迴廊》謝票　原型人物現身讚麥沛東：你做得好似！

香港電影百花齊放，去年上映的《正義迴廊》改編自2013年「大角咀肢解父母案」，上畫後叫好叫座，上映兩個月票房大收逾3900萬，更榮獲「第41屆香港電影金像獎」共16項提名。有專欄作家近日撰文，講述有關電影謝票的冷知識，當中提及行業中的「江湖傳聞」，指演員到戲院謝票時，竟遇上戲中麥沛東飾演的原型人物，對方更站起拍掌大讚「你做得好似！」，令在場歡眾無不驚訝又心寒，相關文章一出即引起網民熱烈討論。

專欄作家郭靖言於facebook專頁發文，講述有關電影謝票的冷知識及趣事，其中提及有關由新晉導演何爵天執導，翁子光監製，楊偉倫、麥沛東、蘇玉華、林海峰及周文健主演的電影《正義迴廊》的謝票經歷，引來網民瘋傳討論。文章提及，相關事件未能屬實，僅屬「江湖傳聞」，形容當時雖沒有巨星出現，卻是「最令人難以忘懷的謝票」。

郭靖言指，有傳《正義迴廊》去年上映期間，演員於電影播映後出席謝票活動，驚遇麥沛東演的原型人物現身。對方不但看完整套電影，更於謝票時站起來拍掌說：「你做得好似！」在場觀眾看到這幕不禁驚訝又害怕，一時未能反應，「然後整間戲院觀衆靜了」。

文章一出即引來網民討論，不少曾看過電影的觀眾也代入事件，直言「我估麥沛東當時都會好驚」、「吓？那麼勁！全場真的安靜」、「想睇真人講『屈我啦屈我啦』」、「如果係真嘅，我唔確定會靜」、「但係套戲明顯暗示佢有份殺人，而佢竟然起身拍手，咁即係代表…」。

亦有網民質疑事件真偽，「我估應該係假，不過諗起個畫面都好恐怖」、「開這種玩笑，是不是過份呢？」、「呢個年頭，咁爆嘅嘢冇理由到今時今日先有人講」、「手機年代，點會無人拍到？拍唔到即時都影到相吧」、「肯定假！我睇過好多謝票場，個個拎住手機拍片，如果有咁嘅事發生！唔使半個鐘就已經洗晒版啦！仲會係傳聞咩！」。

原文網址: 大癲！傳《正義迴廊》謝票　原型人物現身讚麥沛東：你做得好似！ | 香港01 https://www.hk01.com/article/877964?utm_source=01articlecopy&utm_medium=referral

無圖講撚 ?

冇人即時影低

上個月嘅FB假新聞終於傳返嚟連登

原來係fake?

當時大家認為如果係真既話無可能會冇相又冇

仲以為係希特拉

我就唔信係真嘅話會冇香港人影相

原型角色有冇同東仔講「屈我啦，我無所謂架？」

原型個長官？

謎

點解主角可以咁樣衰

突登揀個似人物原型演員做

37歲既中佬，仲要智商得86，你想有幾靚仔

咪係仲要謝票100%會有人由開始影到尾

搵古生嚟做你點入戲?

真人都係樣衰

有傳戲入面果對父母都親自去左謝票

搵一般人樣得唔得
真人都無咁樣衰

你睇acting定選美

但我相信原型一定有睇

戲院可以全程拍住？

死咗咁耐都仲未轉生？