祖兒：多倫多冇得買乳貼？
2007-06-26
娛樂要聞 蘋果日報
《現場圖片曝光》
Yumiko下意識地掩住胸口，似不知自己已露點。
發生露點後，Yumiko還舉高雙手，令情況更糟糕。多倫多傳真
鄭希怡（Yumiko）前日在多倫多直播節目擔任嘉賓時不幸露點，昨日她由多倫多返港，戴上墨鏡、衣密實的她強顏歡笑，經理人霍汶希透露Yumiko將暫時停工，希望大家不要七嘴八舌令她難受。但身為師姐的容祖兒，昨日大爆Yumiko事發後嚎哭，還幸災樂禍說：「係唔係多倫多冇得買乳貼？」她更笑指可能攝影師不清楚「點解會有兩撻咁」，所以「zoom埋去都係想睇清楚」。
繼去年底在《歡樂滿東華》表演空中飛人時被扯甩褲露T-back後，悲劇再次發生在25歲的鄭希怡（Yumiko）身上，香港時間前日上午（加拿大時間23日晚上），她在多倫多新時代電視台主辦的直播節目《新秀歌唱大賽多倫多選拔賽2007》獻唱《舞吧！舞吧！》時，穿上deepV銀色連身短裙的Yumiko，雖有tubetop打底，但勁歌熱舞時tubetop滑落竟懵然不知，露點過程歷時整整一分鐘，她還在台上高舉雙手5秒，半身大特寫鏡頭也有3秒，直至工作人員上台獻花，她才知道走光。
即時休假
堅持自己未有露點
昨日Yumiko由多倫多回港，英皇娛樂藝人管理部總監霍汶希（Mani）和經理人Kitty到場接機，下午2時許，戴了墨鏡、T恤鈕釦扣上頸的Yumiko和助手步出禁區，Mani說：「佢今日唔答。」記者指不少網友支持她，Yumiko即點頭回應，問心情是否好些，Yumiko強顏歡笑說：「好。」問到今後的工作安排，Mani說：「佢目前工作暫停，休息放假先。」然後便聯同Yumiko上車離開。
Mani早前接受訪問時透露，Yumiko當晚的服裝由形象設計師挑選，她說：「tubetop入面有墊，又黐晒膠紙，可能耳筒機太重扯甩，工作人員獻花佢先知走光，但唔知露點，佢上機前我同佢通電話，佢堅持自己冇露點。」那麼Mani可覺得Yumiko唔好彩？她說：「意外冇得話好唔好彩，以後件衫除靚要睇安唔安全，或者衫度加魚絲，不雅都冇辦法。」對於電視台大特寫Yumiko的上半身，Mani說：「成件事會同主辦單位傾，相信大會同攝影師唔係有心要佢出醜。」Mani指未有聯絡Yumiko家人，她說：「希望大家唔好睇得件事太重，唔好七嘴八舌令佢難受，畀空間佢。」
幸災樂禍
「攝影師想睇清楚」
Yumiko的師姐容祖兒（Joey）昨日到商台出席記者會，對於Yumiko露點，Joey說：「好陰功，我第一個反應係點解咁大頭蝦？我知佢已經黐晒膠紙，係唔係多倫多冇得買乳貼？不過佢係真心咁烏龍。我就唔夠膽唔貼，一定要做足安全措施，打幾層底，我出道時都試過成個bra跌落條腰，好彩係泡泡裙所以冇人知。」
問Joey會否Yumiko防走光之道，她說：「我都要露一手，出手佢，就連我個助手都要佢個助手啦，大家畀多支持佢，一個普通女仔點會希望連番失手，佢係簡單女仔，唔好諗咁複雜。」Joey又稱得悉Yumiko在事件發生後即時嚎哭。提到Yumiko露點時攝影師以近鏡拍攝其上半身，Joey竟幸災樂禍地說：「可能個攝影師肯定緊係唔係真，點解會有兩撻咁，佢zoom埋去都係想睇清楚。」
