港產片Forever (50) [HKIFF/白日青春/流水落花/燈火闌珊]

講起呢樣
啱啱先同frd 講返Ann 導嘅說話


依家好多人睇戲都唔係睇緊人地套戲
係睇人地係咪拍緊自己套戲
成日有種預設，覺得套戲要點點點
一做唔到就話出戲
唔理人地個起承轉合，唔理人地個世界觀
自我中心到不得了

咁自我，又唔見得佢地有任何創作
彷彿覺得自己識屌就好聰明
我要急不及待話俾人知我好撚柒鳩叻
雖則話影視台嘅巴絲算係正常少少，無咁多躁狂撚
但係呢種replies 都係好多
一日唔喺討論區認叻就會唔舒服
同埋要求套戲圍住自己轉
睇唔明導演真正想講乜就話人套戲好膚淺

貼多個Kian Lee 嘅講法

我覺我呢套好睇

通常劇情：
人物遇到事件—>身或心理轉變—>產生新動機或行為—>推動新情節

劇情片鋪排唔夠，觀眾會覺得角色動機不足以做某一啲新行動
尤其是寫實片，劇情應該係意料之外，但都要情理之中，唔需要太癲
黃秋生前段為彌補撞死人老豆既錯，即使本身歧視南亞人，但最終肯俾錢同幫搵仔就係意料之外（放下歧視），但又係情理之中

去到後期，正常人都會知幫到搶槍細佬係會出事，其中一個對照就係有身份證既南亞人（佢都係叫青春自首）；但黃秋生為幫青春而賣車牌套現（本身預咗死，留的士車牌俾周國賢），再拎錢去走佬，有咩令佢有咁大動機做犧牲咁多？而唔係選擇常人會做既行動？呢個位就係情理之外

既然已經係情理之外既事
觀眾自己要求劇情前面要鋪排到合理既動機，好可惜呢套戲做唔到

佢老豆有幾個bias acknowledge/feeling會令佢作出人地眼中既錯判

1. 佢唔係咁中意警察，雖然個仔係，但佢覺得自己比親家shame
2. 個南亞仔，佢唔救，就要入冊唔知幾耐先出返黎，對秋生黎講，個南亞仔係岩岩建立左「父子」bonding，佢一開始幫個陣都未知有槍，係建立完bonding先confirm有槍，如果按先後次序，佢只係obey返「父為子隱」既儒家倫理思維，當然你話幾日之內係咪已經可以建立到呢種bonding呢，我又覺得秋生個case唔係完全不合理，之後都提過因為「雙重內疚」（對自己個仔﹑對佢車死人地老豆），好想做D野補償，係幾個buff conditional底下，加上自己親生仔係piority上唔係最需要自己幫既人，所以佢把心一橫，都未去講唔通。
3. 同埋仲有個隱藏buff，就係當年佢游水黎香港死左老婆，呢樣對佢黎講係成世人既ptsd，因為「移居香港死左至親」呢個projection，會令佢希望個南亞仔至少係佢有能力情況下唔好再過咁worse既人生，同埋更加想補救返車死人老豆呢件事
秋生個人設係都幾complex，但整體好全面，要好多碎片化既側面拼埋一齊先睇得到，最簡單一點就係明知自己肝唔得都要繼續隊酒，其實一早已經係尋死mode，另外就係佢同肥劉個關係，睇得出佢本身個格閪係有針對性（唔係全面性，否則阿劉唔會對佢咁好），包括對住自己個仔唔識表達個陣先咁閪，同埋個性格都急，好想快D做到個件事但又冇理後果

師兄考慮得好全面

《窄路微塵》窄哥咪仲「唔合理」？
陳白日當晒哈山係仔咁啦喎
仲點會只限於「常人」行為？

當時《窄路》Candy無錢仲著到花枝招展個討論幾有趣，睇到大家其實都未必好了解社會有唔同人，唔了解無問題，但點解咁肯定自己先係啱

其實有時咁諗啦，如果全世界嘅人都做啲世人覺得合理嘅事，咁呢個世界就唔會咁多失敗者，個個都係成功人士啦，正如你同我人生中都做過好多柒事，好多而家諗返係錯嘅決定，抱住咁嘅心態睇戲會舒服好多

窄哥係有幾個細bug，「勉強講得過」但要執一定執得出黎，佢對AY個女太好，但真係冇咩大理由，純粹係相處耐左，同埋可能佢本身心地善良啦
但窄路最大既bug位始終係做生意個part，我有朋友做清潔公司(自己開)，根本完全唔係呢回事，佢收得人平既話就一定好生意（我個fd收勁貴都有生意），收得平又做得盡責仲要冇生意，係呢行幾乎唔存在，佢又唔係炒散

SSP﹑葵廣﹑美之都算，窮人識淘寶都已經大把選擇，佢又唔係完全唔做野既人，只係會fing晒D錢，MK妹就係咁上下架啦，AY除左太靚之外真係演得算係咁，太靚=本身有其他生財方法係唾手可得，是但去做個model（本身AＹ就係做model出身）已經夠養夠交租，佢唯一bug係bug在太靚，但劉雅瑟做麥路人又冇呢個問題，可能真係要睇化妝點執，AY係套戲入邊真係發光咁款

諗起訓導話《龍虎風雲》兩個麻甩佬fd到出生入死都唔合理

英雄本色都有呢類情況，但真係好有電影味，好好睇

其實好簡單
如果套戲可以帶到觀眾入去佢個世界度
觀眾睇緊果一刻就自然唔會再諗合唔合理
當大家討論緊依樣野果陣
其實導演已經failed左

攞左金馬最佳新導演
可能大家對佢期望高左

我自己既觀感唔係logic問題
近幾年啲小故事戲即使陌生題材都易拎共鳴感
係呢套少啲
窄路 流水 燈火都真係觸動到我
係呢套怪怪地
同樣係有少數族裔 手捲煙同淪落人都帶動到我個情感
不過客觀睇個人物描寫同演繹 白日係寫到唔同角度既難民
但主題硬係難touch到我

就係黃秋生同南亞仔建立「父子bonding」呢一part唔夠鋪墊。
套戲前面主要講黃秋生同佢老豆既事，撞死人之後，黃秋生個角色只係見過南亞仔一兩次，最初行動係搵仔，之後變幫佢匿（未知藏槍），到最後去到偷渡（知藏槍），一晚之間嚴重性提升太多。如果單單話雙重內疚，黃秋生個角色就去到咁盡，唔係太說得通，劇情設計上亦好突兀。

唔係話「黃秋生—周國賢」對照另一個父子組合「南亞老豆—青春」，然後單純運用「父子關係」呢個象徵就可以令某啲情節合理。劇情上黃秋生因撞死人去補償，直接跳到後期為南亞仔付出咁多，中間都要有描述，角度有咩互動？否則觀眾會覺得動機不足，角色付出完全係不符比例。

黃秋生游水偷渡搞到老婆死咗呢Part，我覺得係另一個失敗位，正正因為佢老婆因為偷渡而死，而戲中：(1)阿劉提佢南亞仔一個偷渡搞唔得掂；(2)南亞仔講明唔識游水；(3)佢都無教到南亞仔游水；(4)佢本身諗住一齊去但最終唔去，根本無人睇住佢。但劇情一下推到佢放手俾南亞仔一個去…

睇預告都feel到浸銀河味