[中史JJ入]明清時期既爵位制度一問

如果將明清ge宗室爵+清朝外藩爵轉返做五等爵
以下咁估唔知合唔合理?

由明朝開始將爵位分拆做宗室爵位同功臣爵位,
覺得d名怪到仆街
宗室爵方面除左王爵仲可以對比宋元ge國王郡王之外
下面ge鎮國將軍,輔國將軍,奉國將軍,鎮國中尉,輔國中尉,
推斷可能仲勉強對應到公侯伯子男,
但明朝ge功臣爵只有公侯伯...
中尉究竟係咩怪物?

清朝基本沿用明朝制度但溝埋入關前果套部族制度,
再加用係蒙古同回部ge版本就變到更複雜(去到乾隆就固定有12個level)
和碩親王,多羅郡王,多羅貝勒,固山貝子估計都係王爵(一至四等?)不過呢個推斷係靠北洋民國時期ge大勳位章名單估
奉恩鎮國公,奉恩輔國公,不入八分鎮國公,不入八分輔國公估計都係公爵一級,不過(鎮國/輔國)X(入八分公/不入八分)之間點分唔識...更加冇得由民國ge勳位章度旁敲(勳一位授前清公爵但係咪專指民公)
鎮國將軍,輔國將軍,奉國將軍,奉國將軍,奉恩將軍估計等於侯伯子男?(不過d分等睇死人...)

用係蒙古同回部(藏就唔清楚,好似噶廈制之前封過一次郡王only;但之後民國有蒙回藏爵章,可能仲有其他策封?)ge外藩爵(我咁統稱)睇落似係宗室爵變體(都係分12級)
汗,親王,郡王,貝勒,貝子估計都係王爵?
鎮國公,輔國公估計都係一等或二等公爵之分
不過札薩克台吉或之後ge一等至四等台吉/塔布囊已經好難清楚對比(因為文獻比較缺)

世爵方面(已經唔想計埋北洋民國果陣包埋入爵ge世職),
除左五等爵(仲要分等)之外仲有廢除前朝勳官制後挪用ge 4個都尉(輕車都尉,騎都尉,雲騎尉,恩騎尉;仲要玩埋疊buff咁分等)

如果要將上述一堆煩到爆ge封爵系統好似日本ge<華族令>咁將一堆堂上家同埋大名撈埋一碟,
唔知係咪差唔多難度,求指教
唯一變數會唔會係同品秩掛勾?係ge可能成個推斷又被推翻

清朝公侯伯子男同王爵唔同
XX尉嗰啲你當係榮譽性質, 等於銀紫荊嗰啲, 唔算爵位
恩騎尉得七品官點當爵位法

王爵以外, 奉恩XX嗰啲全部都係姓愛新覺羅
所以呢堆基本上可以同公侯伯子男分開睇

點解要轉五等爵

清朝爵個系統係似品秩/官多過爵，傳比下代係會降等，清代本來就唔想養大d爵

高過不入八分代表D爵位會不斷降等直到不入八分就唔再降

爵位目的係分禮儀上尊卑 分待遇
叫咩名其實唔係咁緊要
周代有侯甸男三等爵
秦漢有二十等爵 漢兼有王爵
魏晉宋齊梁陳唐有王爵同五等爵
宋有五等爵同使職（節度使）並行
明朝其實都係繼承宋朝 將軍職名稱當爵位咁用

睇到睇日本華族令嘅文章有感
而且留意到北洋時代好似有類似舉措（根據清室優待條例頒授勳位章）
呢隻

原來個入八分公係咁睇到我一頭霧水

魏至唐嗰個可唔可以詳細啲

點解要咁樣拆

明朝嗰啲咩鎮國將軍係朱元璋驚自己啲子孫會涯苦 所以就整左呢嚿野 啲嫡長子繼承王位 其他兄弟就向下封落去 直至去到中尉 所以得個名冇實權

同埋爵位都分好多種
有啲得個名其他咩都冇
有啲有個名仲每個月有糧出
有啲有個名又有封邑
有啲有名有地仲有封地自治權
有啲係因為自己祖先好威比人世襲封爵（如孔子）

所以有時你見啲歷史人物會跟住好多乜乜侯乜乜伯
因為每個稱號都代表佢嘅地位、功績、官職等等
所以你唔好亂套
你要睇埋人哋整呢啲封爵嘅原因背景係咩先得
唔係你格硬套入去只會亂

魏沿用漢代二十等爵
去到司馬氏竊國果陣開始有郡公 鄉公呢d出現 代表爵位唔再directly related to 封地大小 同埋發明歷史推行五等爵

去到晉代就直接用王＞五等爵＞二十等爵呢個ranking去到陳代
要留意既係侯爵係五等爵入面 列侯係二十等爵入面

隋唐繼承魏周 一向都用 王＞五等爵
係冇二十等爵

去到安史之亂之後 節度使間唔時會父死子襲 使職開始成為世官 同先秦既封土建國接近
出名既有河東節度使、夏州節度使同歸義軍節使
宋太祖趙匡胤直頭用「宋州節度使」個宋做國號
之後杯酒釋兵權 節度使同五等爵唔再世襲

清代見到明朝皇族爵位過多，國家財務支出太大，所以玩後代降爵，費時養住太多蛀米蟲

同時間爵位大致等於官位，冇封地，太高爵位嘅人強制住北京，如果佢本人唔係重臣，佢都只係一個冇乜權嘅終身公務員

清代有幾個重要嘅親王爵位唔洗降封，叫鐵帽子王，有個專有名詞「世代罔替」

btw嗰啲本身封嘅不入八分係咪又會一路降到奉恩將軍？同埋閒散宗室又點會出現

佢都有限嘅，降多幾次就唔再降，詳細次數我都唔記得

次子庶子冇繼承未變閒散宗室

使職係差遣同節度使無咩關係
而且係宋朝節度使主要作為武官品秩章服待遇既官位稱號，官員致仕後除非特授唔係唔會保留到官位，但係爵位可以終身

冇記錯嘅話
宋代嘅皇室成員要晉爵
係要先受封一個小國公爵（用清朝標準係‘固山’，貝子）疊一個職（通常係‘軍’嘅節度使）先至一定年數後晉升
之後改封一個次國疊大一級嘅軍職（通常已經晉升到郡王同埋路嘅節度使⋯題外話有研究指清朝嘅郡王同貝勒之前綴‘多羅’係當時‘道路’嘅變體，可能由靖康之難被擄嘅宋人北傳）
最後上到國王（但唔知仲有冇掛多個職）
如果國王後嚟成為皇帝就之後冇宗室再用嗰個國名，潛藩亦會升府（肇慶，重慶等等慶字尾地名就咁嚟）
最搞鬼係宋代得四支宗室可以世襲罔替
其他一律終身爵傳唔到畀後代（流爵制，仲激過清朝嘅降等襲爵）

點解樓主好似好堅持唔同朝代嘅封號爵位會有對應
點解唔可以假設每朝有每朝完全獨立同前朝後朝完全0關係嘅系統？

節度使本身就係使職
安史之亂之後逐步變做有土地 有兵既世官
唐末去到宋初既獨立節度使基本上係卒於任上 父死子襲
同先秦「公」、「伯」由王家卿士演變做諸侯稱呼一樣

如果公伯係爵位 咁節度使都係爵位

父死子襲黎唐末節度使傳承太概括不過呢樣唔係重點

所以我咪話宋朝節度使唔係使職
宋朝最低階既爵位開國男都可以終生擁有但係節度使唔得
北宋初年文官都會用前朝三省長官官職表階,唔通侍中 尚書僕射又係爵位

受封為公爵咪晉爵仲要咩前題

純粹好奇
點解唔假設⋯⋯因為唔覺受儒家思想影響嘅士人會肯放棄尊崇舊制清朝後期推動好多改革嘅袁世凱咪仕途失意囉

even元朝同清朝都選擇喺前朝嘅系統基礎上加工

宋朝嘅宗室爵好似幾多條件先晉爵，但本身對宋代認知唔夠

咁OO尉係清朝廢咗自南北朝開始出現嘅勳官制後挪用過去嘛
不過我都認為只係睇落去好聽啲嘅title但同實際嘅爵爺有分別
會唔會類似英國嘅lord

咁英國爵位入面本身都係由軍職演變落嚟
rex=元帥
duke=領導者=節度使
marquis=邊境=防御使
count=倍伴～鎮將
baron=戰士～鎮將

貴族係靠打仗打翻嚟
軍職世官傳多幾代就會將個軍職名稱變咗做爵位
正如唐末節度使 防御使由流官變世官
只係時間唔夠長 冇辦法取代傳統五等爵

流官變世官等唔等於清朝同袁世凱稱帝嗰啲世職？
輕車都尉都幾神奇，由勳官變爵位又變世職（我分唔清）