呢啲潮濕嘅天氣我個頭又爆炸喇

明顯地佢無哩個問題

啱啱喺aeon買咗呢舊類似髮蠟嘅嘢，即買即喺條街用，今日天氣濕濕地都處理到喎，雖然頭髮唔係變到超直，但真係好順滑，無晒毛燥，各位妹妹可考慮花60蚊買嚟試下，唔得都唔太蝕錢

利申：我仲未移到民

髮質同樓主一樣，由細到大電左咁多次之後髮質有好轉。
有樣嘢我覺得超好用不過香港好少有人講
就係用leave in conditioner，歐美嗰邊會用呢個方法減少毛燥。8成乾頭髮噴conditioner之後再用成把卷梳咁嘅風筒(sorry唔知叫咩)
一路拉直黎吹，把頭髮超有光澤超靚，仲要勁直
不過帶定頭盔先可能會好快lub，我本身個頭好乾所以就算而家咁都可以四日先洗一次頭

我都有用過 但我頭皮好快出油 好快就lub到仆街

Thx絲打 轉頭即刻去買嚟試下先

有冇試過淨係查髮尾 我淨係查髮尾頂到去夜晚

係咪淨係噴髮尾？但效果真係好好！

我都係細軟髮勁毛燥，細個有做過直療，而家驚傷髮唔敢做，想問下大家做直療係咪指paimore? 做完會唔會覺得新生的頭髮差過以前？

我淨係搽髮尾呀 但唔知點解個頭都會好易油

我係做paimore呀 天生啲頭髮已經好差 唔知咩叫差過以前

洗完頭用ats 抗熱吹頭
就無哂啲毛燥
以前做過巴西焗油，治標唔治本，又貴

唔會呀keep住做好咗好多感恩有呢個科技先拯救到天生亂毛好似啲工人姐姐嘅我

細細個覺得電髮棒拉直就OK，近年試咗俾心機吹頭分part吹直之後個效果真係爭好遠會靚好多，唔知點解吹直嘅話就算潮濕都唔算好有影響

歐美嗰邊都興緊一支護髮噴霧叫wow hair，Sephora應該有。用完之後效果都好好！

想問下你用wow hair仲會唔會落髮尾油？如果落，應該用wow hair定髮尾油先？

花咁多時間心機同錢去搞一樣解決唔到嘅嘢 爆炸咪爆炸囉，而家興迫人地接受自己呀

長髮巴打路過學嘢
頭髮好毛躁又易笠出門之前試過用dry shampoo但幫助都唔大
可唔可以分享下用咩product可以keep到個頭順滑又唔會笠？

Pantene個爆水髮膜幾好用，藍色嗰款，完全唔笠