Re:zero 動畫S3

第二季後談：

第二季有好多人覺得好悶，除咗缺少雷姆角色之外，而且情節又複雜又難明，好多人會卻步

但係，第四章作為最長嘅一章，共120+卷，作為承先啟後嘅轉折點，有幾個重點必先了解先可以開始第三季

1. 蕾姆的缺席係有重要的作用。第一季下半部白鯨攻防戰，有蕾姆的幫助先過到關，但係雷姆的愛護會令486成長變慢。第二季486獨自通關，了解自己弱點，組織隊友，係第4章486的長成足以為真正王選騎士，呼應佢係第一季「自稱」騎士的醜態

2. 係第二季486成功為EMT組織王選團體。本來EMT係最不成氣候的一位王選女巫，身邊只有立場不明的邊境伯爵支持，基本上冇人睇得起EMT

但係486一個一個人執返嚟，大精靈碧翠子；戰鬥擔當老虎仔、老虎姐、拉姆、蕾姆；文官擔當奧托、佩特拉；財力支援小丑伯爵，仲有一位隱藏角色成為第6章（第三季下半部）過關的MVP。另外，仲執到聖域同邊境居民的支持，EMT民望大升

3. 第二季透show hand晒8大罪魔女+魔人，過往嫉妒魔女滅世的恩怨留下伏筆，我估去到最後長月解開所有伏筆個陣就會明多娜種種意義不明的行動同態度，包括點解會對住EMT喊同幫486幫到出汁

4. 最後最最最重要的是，第二季的意義，唔單止多娜暗底裏幫486成長同過關，而且係操控所有的人行動，目的讓6大魔女逃出聖域，繼續執行400年前救世計劃。按目前文庫的推進，好難講唔係多娜推動，要等長月寫更多先知道

唔明點解咁多人話第2季悶
對我黎講可以睇到486開始獨當一面, EMT有所成長, 拉姆嘅真心同超越人類諗法嘅伯爵, 仲有真朋友戰神奧托
第2季睇到我有些少激動

反而第一季486個種自卑而自大個種心境唔係唔係好睇得落 但係話佢廢又唔係 畢竟一直game over一直輪迴搵唔到突破口唔係正常人可以想像

第二季淨係有多娜都已經夠好睇

我好理解到點解啲人會覺得第二季悶喎。
第二季本身可能打鬥上呀驚嚇層面呀劇情高低跌宕上嘅要素係冇第一季咁多咁密，要enjoy嘅方法係要靠emotionally invest落啲角色同投入到喺個世界觀度。

第二季係前所未有地豐富咗emt陣型嘅每一個角色深度，對比起第一季之係有深化過男主同雷姆，至少by the end of第二季，我覺得emt陣型嘅每一個角色，甚或係新加入嘅角色描寫比起雷姆嘅深度係有過之而無不及。糾結喺雷姆喺邊度嘅話就可能忽視咗呢啲精彩位。

而且第二季都有將故事嘅世界觀expand開嚟，成個故仔嘅歷史感有慢慢展現到出嚟。外國動漫YouTuber Gigguk喺評價re0第二季嘅時候講俾佢嘅感覺同進擊的巨人一樣：一開始第一季都係劇情過山車精彩完，啲打鬥精彩完，留俾佢嘅係「呢啲係for what?」嘅感覺，但去到第二季開始慢落嚟開始慢慢攤開講個局勢同角色，先慢慢開始覺得個故仔有啲料到。

而當初巨人去到第二季都係俾人覺得悶，所以某程度歷史正係重演緊。而只要re0同巨人一樣如果可以持續到繼續出後續嘅話，以re0之後嘅內容本身嘅精彩程度同製作組對套作品嘅愛，或者有機會造就到一套輕改嘅classic都未定。（叉開話題講，巨人最終季換咗製作組冇咁有愛，真係有啲可惜）

所以有第三季嘅出現真係實在太好喇，畀到人一個message係，呢度係會一路繼續做落去嘅動漫。

有無話預計幾時出？ 年尾定下年冬？

第三季睇文字都覺得癲
魔女教大戰

如果做到塔果到想睇486 reboot個動畫崩潰樣

第2季 前半 其實好好
後半係節奏 同故事輕重 掌握得唔夠好
但Beatrice 個到 實在太好睇了

後半部有一大部分講EMT幼年故事，本身小說都寫到冇頭冇尾，講每件事都猜謎語咁，就算到第7章完結仍然冇解畫，長月真係有心埋撚到最後先講，屌佢老母

都唔完全係講緊呢到，我唔記得係 emt第一試煉個到霸太多時間 定係邊到
然後搞到村長講400年前 魔女發生乜事個到cut左d野 搞到奇奇怪怪咁
重有就係一直有小說黨講既戰神奧托個到 又扣左d打鬥位

個陣live post有講過

但第2季 救碧翠子個到 真係個人最愛,個陣 個個位連埋d reaction video我應該睇左超過廿次
真係好感動