後尾發現人氣啲或者刺激啲嘅機動遊戲太多人排隊, 閒閒地都要排一兩個鐘, 最後都淨係玩左啲輕鬆啲同埋悶悶地嘅遊戲, 比如搭船之類。直到夜晚排隊嘅人少左, 就唸住排一陣隊玩番個刺激少少既嘅山車黎個完美收尾
同埋夜晚搭過山車, 仲可以係高空嘅角度, 望下夜晚嘅迪士尼添。
但好快我就唸到一個問題, 帶住眼鏡玩過山車果眼鏡會唔會飛走呢? 因為我自己有成千度近視, 如果唔帶, 玩果陣我應該乜風景都睇唔到, 好似有啲可惜咁, 又唔係成日可以嚟呢度玩。如果帶, 我就可以趁機飽覽一下迪士尼嘅夜景, 但代價可能係一副眼鏡
而我果fd就勸我除低佢, 掙扎左一陣我最後決定, 如果上車果陣職員冇叫我除, 我就唔除, 佢叫我除, 我就除, 因為我覺得佢地應該知道邊啲嘢帶得上去, 邊啲唔得, 信佢地實無死掛
咁大約等陣九個字, 終於上得車, 職員去到最後都冇阻止我, 結果我就好任性咁帶住個眼鏡玩, 開頭都冇事, 上斜冇事, 落斜冇事, 連轉360度彎果陣都頂到, 我仲好得戚咁同我果fd講話 "拿, 都話好穩陣嫁啦"
點知, 玩到差唔多最尾果段有個急剎, 果眼鏡就咁一嘢飛左出去
想伸手抓住都嚟唔切
落地之後抱住一絲希望可以係架車到搵番副眼鏡出嚟
結果當然係乜都搵唔到。之後職員都好好人叫我比番張眼鏡嘅生前遺照同埋我既地址電話佢, 話如果搵到就會寄番比我, 不過我都心知應該都冇乜可能搵到, 就算搵到應該都爛曬....
然後我就咁體驗左一日嘅盲人生活, 果晚原本有煙花表演但乜都睇唔到, 基本上20厘米以外嘅地方就係一片模糊, 隻眼要長期-> -_- 咁樣先睇到野, 連手機都要錫住塊臉先睇到, 好彩有我fd幫手睇路如果唔係真係衝左落路軌都唔知咩事
之後果晚就不停後悔究竟果陣點解會咁on99唔除左眼鏡先玩
, 原本仲唸住飛番香港果陣坐右邊睇埋個富士山…..
↑第一次覺得條街呢樣嘢有d用
然後......奇跡出現了
番左香港一個禮拜之後迪士尼就打過黎, 話搵番我副眼鏡, 仲話會免費寄番比我, 今日終於收到個細細地包裹, 就係我之前副眼鏡, 只係崩左少少, 幾乎無穿無爛包裝得勁好。
真係太cls了，冇唸過幾千公里以外幾廿米飛出街嘅嘢最後可以番番黎我手上仲要繼續可以用，成件事機率有幾低
我宣布迪士尼真係一個夢想成真嘅地方!!!
除左再次慨嘆日本人好到傻既服務之外, 仲提醒左自己唔好成日唸住抱住僥幸心理去博呢啲咁嘅野, 如果唔係, 麻煩到自己, 又麻煩到其他人
好啦多謝大家晒時間睇曬篇野
.
.
.
.
.
題外話Jins嘅眼鏡唔錯, 咁樣跌落黎都唔爛
