歡迎想砌模型o既巴絲入黎 (179) 建議B社改名做C社,又Cheap又Carousell記先買到

其實你手指操作夠精細（有星之白金）又真係唔使用到呢個中空位。中空位做到既野，扳雞都做到。

貼埋IWATA 說明文：

人地畫畫先用到既技巧黎 仲要唔多會用既技巧

但人地個啲筆係粗用
我自己就唔會咁玩 一陣搞到支針炒左就自己頭痕

關於dry tip喱個問題呢, 我有少少見解, 談唔上話將問題根除但我自己步伐有改善




以上喱堆分界有少少burr嘅迷彩我都係free hand咁噴(就係為咗分界有少少burr喱下)　
我發現其實唔止vallejo, ak, citadel喱類被部份老手稱為水膠彩嘅水性油
aqueous同tamiya, 甚至所謂嘅硝基油喺喱個習慣之下都會變到好易dry tip
就係開撚著個氣閥喺到「度步」, 唔拉出油, 剩係出風試行一次個運筆軌跡喱下
其實就係一個好普通嘅道理, 個針頭上面啲油俾我自己度步嗰陣時吹乾咗

尤其是我一開始冇諗通喱個道理嗰陣, 仲喺到推大啲個風諗著格硬谷佢出嚟
乾得仲快仲嚴重
但要留意, 啱啱洗好支筆乾乾淨淨冇油俾你吹乾嗰陣時係唔會有喱個問題
所以永遠第一條trace係最完美
後來我改一改個習慣, 度步唔好撳氣就咁舞, 舞到捨得落筆先
落筆就果斷啲
要留意使用嘅溶劑揮發速度快, 開得愈稀嘅油就愈快dry tip
所以特別係用高純度酒精開油嘅人例如我就最易體會到
因為個tip表面其實冇幾多油, 而令你噴唔出嘅condition只係要你支針表面粗糙咗就夠(air drag), 所以開稀啲油係唔會令問題得到改善
但要噴上面嗰種迷彩邊界就要極近噴, 就要細風兼啲油開到極稀(我係會落到酒精10:顏料1嗰啲人)
所以我悟得嘅手段就係, 正正經經落緩乾劑唔好貪快

共勉之

人地叫塑膠彩啊
其實除左果斷同落緩乾之外 減少每一次開既油量同清潔支針都係其中一個方法

我又班門弄斧一下。

我自己通常都係噴陰影線，即係會同福巴一樣遇到同樣問題。tip dry 係避免唔到，如果落太多improver，隻色係會淡咗少少，喺噴陰影時就冇乜所謂，但補返主色時淺咗少少就有時會心裏唔舒服。
我個做法都係正路咁㩒風先，再拉油。但每次噴之前都會清一次針尖（我懶，所以通常都係彈針彈幾野），確保冇積油先開始噴陰影線。

三森巴，cmcp2 既manual 都有教用"拉針" 清塞咀。不過佢有講明唔好"彈針" 。

我未諗通道理未死心落緩乾劑嗰陣時都係同你咁上下每斷一次油就清一次咀
不過好在係我用開嗰支tamiya緩乾劑係完全透明冇影響顏色
我都的確記得av嗰支flow improver定唔記得retarder有一支係有啲泛黃, 另一支直頭好似小學雞膠水咁有少少半透明
有冇諗過轉會acrysion, 我覺得同av ak都應該係同類
而家佢出咗retarder, 都係完全透明, 有時油指示燈喱啲我都會用下

唔想同你搶油

我而家水性主力AV(易買，平) ， 錢多時就會買AK。油性近排轉咗用雞仔。

可能都習慣咗，彈針呢個方法幾適合我。應該都唔會轉會住。

所以我唔明點解係咁講彈針
大佬我好怕炒針
我之前玩細噴要甩帽先夠細炒左支針架啦
但塞槍我就玩咁耐都冇遇過
可能關我落筆前會較好哂油量風量同埋每次都好快手同少油

我水性主要都係筆塗
噴既主要都係油性
我自己就覺得水性油比較岩就咁筆塗
可能同我以前有玩過塑膠彩有關
個質感我覺得筆塗會易操作啲
噴主要用油性係因為我會有時開到好稀玩疊色
油性因為薄噴都好快乾 同埋夠薄疊色上去個顏色變化好靚
但水性我試過玩唔到

我最初以為你講緊infinity個啲快速調節筆尾

Acrysion係gsi隻新水油？

因為我真係"彈" 針 。暫時未出過事。

如果擔心傷針真係建議唔好試。

咪玩啦靠香港嘅軍火佬人口搞到賣斷色好難喇
你唔好話, 我因為啲撲朔迷離嘅原因就嚟調返轉同你搶油買AV
一兩句解釋得到嘅原因係最近砌嘅都係歐洲機, 有時考證材料就係近水樓台先得月
我發現咗某啲文章記載同一隻顏色代號, 係有幾款完全唔同嘅色版
例如納粹空軍後期常用嘅RLM81喱隻色
有一版係棕紫色, 有一版係橄欖綠我想要前者
不幸地, AV出嘅先係第一版, GSI不論油性水性都係後者
不過唔洗擔心, 飛機佬啲色冷門到癲唔會同你撞只會冇入貨

想知咩色 睇名好似幾靚

我絕對明白你對還原既執著。
我就主要考慮唔使溝色，唔想開定幾廿樽隨時係以後唔會再用既色擺喺度嘥位。所以揀AV 係因為佢色多。

我有砌船艦，不過係呢啲：

嘩型As fuck嘅青瓜

講完之後即刻search, 嘩屌有齊

即刻二五不留戀

AK 喺深圳南好難買....

唔轉了, 有人幫佢倒米
　

一朝早打開個個都長文

唔通又想要財經文

https://p-bandai.com/hk/cont/phonenumbersnotice

終於肯做野?

好靚，仲有無