為咗寫好甜故，我決定上網搵人傾甜

你的月南這麼大我還看不到（盡頭）

屌你

我撐你呀 ！！！

感謝腩一定要日日反 身體才會好

是
每日一反
將腩摺入面d蝦醬味釋放出黎

蝦醬味再滴啲美極落去撈一撈佢 佢個fans挈愛

Hater們唔該咪再詆毀我

我建議食法啫，又冇話係你
你唔好成日都咁敏感啦

Tg group已被haters佔領，急需大量打手！！！！（薄酬）
https://t.me/+0MWElLu7rAVjNGNh

寫文啦

咁請完成我的要求。

呢啲你轉個ac就做到啦快寫

求下你唔好再諗爛gag

唔得

同埋唔係爛gag係高質gag

9.

得知大隻仔有女朋友之後，我再次搵返tg group班老友。

「嘩！！好刺激！！！大隻仔真係有女朋友！！！！」

助六：「不意外」

阿詩：「嗱都話啦」

Miss：「阿月唔好喊啦」

我：「？？？？我冇喊呀」

「咁你而家諗住點。」阿詩問我。

其實我一早已經有答案。

「冇呀，扑嘢咋嘛，佢有冇女關我咩事喎，還掂佢唔搵我都會搵第二個㗎啦。」

阿詩：「但出軌真係好仆街，點解你唔搵過第二個算數。」

我：「冇計啦，得佢傾得啱feel吖嘛……懶得再搵了！」

Miss：「咁唯有祝你好運……」

「放心啦大家！」

我都唔明佢哋做咩咁擔心我。

之後嗰半個月，我同大隻仔日日都傾日常，間中傾甜。

同時，tg group嘅大家幾乎每日都會關心我同大隻仔嘅進展。

佢班人甚至癲到將tg group名都改埋。

「你今日搵咗大隻仔未😖」

望住呢個新group名，我無奈又好笑：「屌你班友真係cls」

阿詩：「做咩喎😖」

Miss：「呢個名唔好聽咩😋」

助六：「😳」

我：「。。。」

自從我上次形容咗俾佢哋聽我同大隻仔嘅對話內容，佢哋就好似痴咗線咁不斷用呢啲濕鳩emoji。

一開始我仲會反抗屌鳩佢哋，但慢慢我就習慣咗，甚至開始加入。

「你哋真係好煩呀😖😖😖」

不過有時，我都會突然間有少少嫌棄自己同大隻仔講嘢嗰陣嘅作狀mode。

有日同大隻仔傾甜嗰陣，佢問我鍾唔鍾意佢（只係情趣嚟唔係認真的）。

我當然完美咁俾咗個標準答案：「好鍾意😚😚」

嗰刻我好投入角色所以覺得冇乜嘢，但隔咗一陣之後睇返啲對話，我突然覺得好羞恥。

於是我cap咗我自己講嘅嘢去tg group。

「大家，我覺得自己好嘔，我就嚟精神分裂了……」

意料之中地，冇人認真回應我，個個都淨係掛住鞭我屍。

Miss：「鍾意😚😚」

助六：「主人😖」

阿詩：「嗚嗚嗚😖」

我：「屌你哋。。。」

雖然有時真係會有少少嫌棄自己，但其實之後每次同大隻仔傾甜嘅時候，我都係會照樣用返呢啲emoji同字眼。

「掛住主人😳」

唔知係咪因為差唔多嚟m，呢日我突然勁緊火，於是按捺不住咁主動撩大隻仔。

結果佢隔咗幾個鐘都冇覆。

屌，點解偏偏喺我慾火焚身嘅時候佢先消失……

我怒氣沖沖咁同tg group嘅人訴苦，一連send咗幾個message。

「屌條大隻仔唔見咗人，懷疑去咗搵女」

「我要傾甜呀！！！！」

「屌佢老母！」

隔咗一陣，大家終於覆我。

助六：「請問人哋去搵女又關你咩事呢」

我：「屌你 佢去搵女搞到我冇得傾甜呀」

Miss：「咁你搵其他人傾甜咪得囉」

我：「其他人都唔啱feel……」

助六：「ok收到晒了沉船撚」

我覺得佢完全誤會咗，於是又連忙解釋：「I mean傾甜嗰種啱feel……」

阿詩：「好的沉船撚」

「我屌你哋老母！」

我已經分唔清佢哋係真膠定假膠了……

有文了 請大家多多支持

沉咗船啦

10.

本身，我以為再傾多排大隻仔就會問我約唔約，到時我就可以順理成章咁（扮）怕醜應承。

結果，我哋傾咗差唔多成個月，幾乎全身每個部位嘅相都交換晒。

但佢就硬係唔提出話要約！

「好想屌你......」傾甜嗰陣佢成日都會咁同我講。

咁你約未呀仆街！！！！！

「其實你真係咁想約咪自己同人講囉，做乜要等人講先啫。」tg group班人對我呢種明明想約但又唔肯講嘅行為好不屑。

「屌，咁我之前扮怕醜扮得太投入太真吖嘛，突然間咁猴擒話約都唔知會唔會嚇親人......」

助六覺得我嘅擔心係多餘：「屌你同我定啦，其實男人真係唔會諗咁多......」

Miss都加把口：「同埋傾咗成個月先話約真係一啲都唔猴擒囉......」

而同佢哋講完一輪之後，最後我都係好廢咁決定照舊傾住先......

「屌你再傾落去真係變筆友喇！！！」阿詩係最激動嗰個：「等咗你份賽後報告好耐喇！！！」

我自知理虧：「唔好意思囉......」

呢個時候，助六突然講：「不如我哋開盤賭下究竟係阿詩kiss到佢男朋友先，定係阿月約到大隻仔出嚟扑嘢先。」

我：「？？？」

阿詩：「？？？？」

事關最近阿詩同上次喺hmd識嘅男仔一齊咗，但佢哋到而家都仲未kiss過。阿詩又唔好意思主動kiss人，所以成日都好苦惱。

「我下次一定要錫到佢！」阿詩同我哋講就講得好口響，但我哋都覺得佢到時又會縮沙。

Miss唔覺得呢樣嘢有賭嘅價值：「講真佢哋兩條友都咁廢，分分鐘到下年都未分得出勝負......」

而我就好有信心：「吓我覺得我會贏阿詩囉，約大隻仔出嚟只需要打字問佢咋嘛，又唔使做啲咩，簡單好多喎。」

助六反應好快：「咁你而家即刻打字約佢出嚟。」

我當堂嚇咗一跳：「......咁又唔好咁衝動住......」

助六彷彿一早已經預料到我嘅反應：「廢柴。」

「真心，我買阿詩贏。」Miss講。

「+1」

「多謝大家支持！」

最後成個group都冇人撐我。

我以為我同阿詩嘅戰況會陷入一個膠著狀態，冇咁快分出勝負。

結果幾日後，阿詩就興奮咁喺group度宣布：「各位！我今日終於錫到我條仔喇！」

「阿詩好波！」

「勁到。」

「吓咁快......」死啦，乜原來我真係咁廢？！

喺佢哋好興奮咁討論阿詩同男朋友仔kiss嘅過程時，我一直沉默不語，驚佢哋會問起我單嘢。

但阿詩冇放過我。

「唉！我就搞掂咗喇，所以阿月你幾時會約大隻仔呢？@阿月」

「......」我決定轉移話題：「話說我哋幾時約打牌呀？」

因為我哋之前提過話想打牌。

助六：「隨時，但唔打on9跑馬仔，太簡單太垃圾喇。」

轉移話題成功！

一方面係為咗快啲扯遠個話題，另一方面係真心想為跑馬仔辯護，我覆得好快。

「十分不認同，簡單嘅嘢永遠都係最難的。」

然後Miss突然講咗句：「例如喺搵食app度約人出去扑嘢。」

助六：「」

阿詩：「」

屌，做咩個話題又拉返嚟呢度。

但咁樣俾佢哋激一激，我覺得我終於忍唔到落去了！

佢哋已經笑咗我好耐，我真係唔可以再咁樣落去！

阿月要硬起來！

於是我衝動之下講咗一句：「你哋咪撚再睇死我，我今晚一定會問佢！」

Btw，呢刻時間係夜晚九點鐘。

「快啦。」

「你仲有三個鐘時間。」

「係就快喇，唔好又縮。」

老實講，其實我講完嗰句之後已經有少少想縮......

可惜礙於群眾壓力，我最後都係死死地氣咁打開咗同大隻仔嘅chat box。

冇事嘅阿月，好簡單啫，問一句啫。

女約仔點都易過仔約女啦。

我一邊安慰自己，一邊不斷喺腦海中搜索合適嘅詞句。

我好專心咁喺度思考要點樣打開話題，再有禮又不顯卑微咁提出約炮要求。

咁啱得咁橋，喺我仲苦苦思索要點樣講開場白嘅時候，大隻仔就online咗。

嚇到我即刻㩒返出去。

過咗一陣，佢send咗個message嚟。

「好掛住你。」

大家唔好屌冇甜住，約大隻仔係要俾啲耐性的

分分鐘到下年都未分得出勝負

分分鐘到下年都未出得曬成個故

下年再入嚟
應該會見到佢哋約出嚟

有生之年系列

推！