YUI（ユイ）
2023-03-19 18:29:55
標題既「氛圍靚」我想表達既其實即係整體美感詮釋
我比較鍾意尼采既睇法，美感唔係一種理性推論既結果（即古希臘柏拉圖嗰批）、一種抽象文字既形容，亦唔係一種「認知」、「概念」，而係一種「感受」。
尼采主張：美感係一種意志既展現，每個人判斷都可能有差異，唔同既人會有唔同基本價值信念要保留，所以每個人對美醜既感受都有一定差異。
所以其實本PO主旨實則唔係一個客觀比較既討論，係比較似一個我主觀感想既討論，（因為樓主係同意尼采既講法）可以同意，亦都可以反對。
----------------------------------------------------------
不過如果你係同意柏拉圖所想表達既美感係一種客觀存在、理性分析後可以得出結論，亦都開放討論。
所以其實係有多種比較方式，柏拉圖鍾意用數學既標準界定美既概念，亞里氏多德參考藝術既經驗黎界定，尼采就係主張審美冇一定既標準、每個人都有唔同既標準。
「點解要比較氛圍」（因為各人有唔同既審美觀），仲有「用何種方式比較氛圍」（如上文所說，其實好多哲學家都有提出想法）、「點樣認知氛圍係靚」（同上）三樣嘢都有討論空間，不過我就唔太鍾意睇呢類哲學。
少有見到連登仔既問題原來可以幾高汁。
