蕭正楠認當年「邪不能勝正」失言衰心雄：有些沖昏頭腦

蕭正楠近日夥拍區永權及音樂人伍仲衡組成「伍筆區蕭」，在網上開live及開騷都獲得不少好評，更獲拍擋伍仲衡度身訂造紀念入行二十周年之新歌《小小大人物》，他日前為相隔18年首支正式個人派台歌接受電影節目專訪，重提當年因一句「邪不能勝正」的失言風波。
蕭正楠當年出道可謂萬千寵愛在一身，被打造成「五百萬電盈之子」，更橫掃新人獎，卻因為在勁歌頒獎禮贏最受歡迎男新人金獎後，在慶功宴上說了一句「邪不能勝正」，被指影射該年奪銀獎的勁敵麥浚龍，之後傳出他星途受影響，改為北上發展。蕭正楠在電台節目中坦承，當年做新人因公司競爭激烈心雄：「是心雄，有些沖昏頭腦，那句說話是觸發點，但我清楚是無意傷害人，再解釋已沒意思，追唔返轉頭。」

後來蕭正楠雖然有機會於內地劇《中華小當家》做男一，但他形容那階段是「孤獨、淒楚、落泊」，到08年回港簽TVB由低做起，他則指純粹因為母親：「主要因為媽咪，那三年多每年只能見她一個月，加上期間爸爸病逝後，她終於出聲：『你搵唔搵到錢無所謂，紅唔紅都無所謂，我只想個仔在身邊！我已經滿足。』媽咪一向內儉，聽她這麼說好心噏，事業已經平平無奇，如果連孝順也做不到真係做人好失敗！。」
電視圈發展多年，蕭正楠終於2013年憑《巨輪》捱出頭，翌年又因拍攝《師奶Madam》認識太太黃翠如，蕭正楠坦言：「我好開心人生當中遇到翠如！」他又透露初識黃翠如時只覺對方像男仔，至拍攝後期才開始對黃翠如有好感：「到就快拍完，唔知幾時有機會見，心中開始有奇怪感覺，直至我唱了這套劇的主題曲《I'll Always Be Yours》，我感到那首歌歌詞就像是她，我錄完send給她，之後彼此就像click著了某些東西就開始了。」

節目中蕭正楠大爆老婆大慒事，亦披露了他甘願照顧大慒太太的浪漫：「她有太多甩漏事要我照顧，變了我現在是一個經常要照顧人的人。以前我勉強可以照顧自己，現在我一定要照顧埋她。」他更指從無介意黃翠如是「地獄廚神」：「對呀，她現在是不用接觸廚房所有東西，事關之前她入廚切菜，切第二刀就切親手，唯有即時叫她出返來；還有一次她想煎些食物，手臂又不小心碰到鑊邊焫傷了一片，太多太多這些大慒甩漏事，她現不用再入廚房。其實，她焫燶手也是一心想整嘢畀我食，這已經好感動啦！整唔整到已不是重點，她要被照顧，我願意照顧她，我們就很夾啦！哈！她有能力令你願意照顧她，都是一種能力來。」

你紅唔起咪算實現左邪不能勝正

Juno的確係邪既咁

你若接受我好嗎

咁佢又真係講事實

條垃圾點同juno比
juno係藝術家，哲學家，呢件大6仔收檔啦

咁又無講錯
睇見對手唱歌咁廢，無料又要扮音樂鬼才
買fans扮大排頭

雪雪雪先係失言囉

仲記得佢個 雪 雪雪雪
當年連皆大歡喜都笑9佢

曲?
二世祖一個

唔駛做同收皮兩回事嚟

二世祖都咁有心拍到彊屍同風林火山俾人睇

自作孽啦，條友成日覺得自己好大支嘢，串串貢

蕭正含