3年後的2月尾，終於能夠再次實踐。
是次旅行能在櫻花樹和富士山下見證，心情的確係激動，而且開心難忘。雖然計劃未算十全十美，但自己和兩老亦都感到滿意。再者，今次旅遊風光明微，令旅遊更順利。
當初的計劃本應係獨遊冬天的東北同北海道，但3年後兩老的年紀漸大，行動力同體能本身都差，佢地亦知日後未必有太多機會去體驗同經歷，而且都困於家中多時，平時亦要幫手湊幾歲大既囡，所以依個係一個機會帶佢地出去走走，走出後疫情時代既陰霾，用眼睛再次看看依個世界。再次講，無論平時相處點都好，一家人點都要去一次旅行，同埋記得每日要有飯落肚。
今次在東京，都見到好多一家人去，有要推輪椅，撐拐杖的，但都感覺到佢地係開心，可能始終都因為疫情抑壓左好耐。特別係新宿御苑，一班香港人有老有嫩，老既都要坐輪椅，佢地開心既笑容係真係發自內心。
在日本或香港帶不帶口罩依個問題，其實都係自己選擇。我自己都在多人地方帶，少人/空礦地方唔帶。唔帶口罩的時候的確會覺得自己係另類，會有群眾壓力，但偏偏唔帶口罩其實先算正常。在飛機回程的時候，我亦都沒有帶口罩。
定行程時，預先問定兩老想去邊到，再去安排酒店同路線，聽完意見後反反覆覆修改左幾次。而今次的行程主要係東京近郊，即伊豆和河口湖一帶。前半段（8日）會同兩老去，而後半段（6日）則會主要獨遊日光一帶。交通PASS方面，今次只會買一張東京廣域PASS，用於D0-D2，其餘行程均獨立購買。
而行程大概如下（非自駕）：
D0 - 香港飛成田，宿東京
D1 - 東京落伊豆河津賞櫻，宿河津
D2 - 熱海半日遊，宿沼津
D3 - 沼津港, 三島 skywalk, 宿三島
D4 - 河口湖，宿河口湖
D5 - 下吉田， 宿上野
D6,7 - 東京市內shopping, 宿上野
D8 - 日光 兩宮一社，宿日光
D9 - 日光中禪寺湖，戰場之原，宿日光
D10 - 龍王峽，宿淺草
D11 - 川崎藤井F不二雄博物館，橫濱，宿淺草
D12 - 明治神宮，新宿御苑，東京鐵塔，宿淺草
D13 - 成田番香港
整個旅遊機票連食宿平均HKD$15000，住兩晚一泊兩食旅館，其餘都係住連鎖商務旅館，預約時間都係日本岩岩開關之後。
照片會慢慢陸續分享，照片內容非十分精彩，只作記錄當刻美麗，見諒。
相機都只係用SONY RX100III，經過今次旅程發覺部相機真係唔係好夠用
最後，旅遊台終於都番生啦。
訓陣就睇49000 拎聯賽杯, 可喜可賀
