有無人部airpods pro係早期買而且咔啦咔啦聲兼換完又換都係咁？

我係2020算早期買入嗰堆
用左半年已經行一步有幾聲咔啦咔啦唔會停
有保養時換左一次
諗住無事啦

過唔夠半年又係咁
啱啱過左保
但見原來有呢樣野
「AirPods Pro 聲音問題的維修計劃」
https://support.apple.com/zh-hk/airpods-pro-service-program-sound-issues
咁都算你啦發現到有問題都肯換
於是又換左一次

大半年前又有同樣問題
拎返去結果都肯換
嗰時都幾欣賞
換到第三次都肯承認自己產品問題
如是者又換左

近呢幾日又嚟料
一模一樣嘅問題
換到第四對耳機都係咁
有無員工講下
其實有無換過？
定係收返啲有問題嘅機求其整整又換出嚟畀人？

所以想喺到問下眾巴打
有無人都係同樣情況？
定係呢個情況好普遍？

如果唔係咁普遍
我懷疑根本由頭到尾都係無換過隻新嘅批次畀我
只係不斷將啲有問題批次換畀我
期望我用用下擺埋一邊
或者換到保養/維修計劃完結
而家感覺就係咁

希望有同樣問題嘅人google時會搵到我呢個post
如果無就當係我唔好彩

可能你耳仔聽到啲一般人聽唔到嘅嘢

換啦，我都換過兩三次，過保養都得

而家買咗 pro 2 都有d問題，諗住過保養前換一次

同期買，冇呢個問題因為完全壞咗冇聲

我有樓主同一個問題，換咗兩次都係咁，apple Store嗰條友都話係通病，本來諗住換pro 2 ，不過都係睇定啲先

已經再拎過去
啱啱好過左三年
個計劃做唔到
唔肯換
叫我俾錢買過隻

果然係唔止我一個
想問下巴打係咪早期嗰批？
未過三年的話就快啲換一次先

買airpods pro 都係傻仔
利申：傻仔

轉會去sony 是常識吧

AirPods 嘅revenue 重多過 Nvidia
佢換畀你嘅cost 根本九牛一毛

所以特登開個post睇下係咪得自己咁傻
撚左我幾年

想問有無人
1:本來無呢個問題
因其他問題拎左去換
但換完變左有呢個問題

又或者

2:本來係呢個批次
有呢個問題
換完就無事？

想統計下係佢咁仆街特登換返有問題嘅畀我
定係我統粹唔好彩

都幾肯定咁講
無跌過
撞都無試過

換咗兩次都係咁，搭巴士 架車一震就嗒嗒聲

一模一樣我2020年1月俾錢，2月拎貨，換過一次但而家有時啲聲都會斷下斷下，尤其是搭車成日會斷其中一邊甚至disconnect

但一過左三年
佢都係唔肯換

收保養錢都賺到笑
有問題就換部「新」但可能仲有問題嘅機打發你
0cost
買左嗰個就浪費時間成日去搵天才

都係有啲咔啦咔啦聲？
我戴住佢
就咁講野都會有

之後無再去換過？
想問下你幾時買？
我覺得佢換嚟換去都係有問題嗰批

我都係咁
而且部充電盒本身叉唔到電

巴打又係換完又換再換都係咁？

巴打又係頭一批買入？

都係頭一批？

係