（港女日本AV Debut）日本網民點睇絵麗奈出道，以及點樣喺香港買片教學

大家好， 我係新東寶

今日係絵麗奈（原名 素海霖）AV Debut公佈嘅第三日，各大香港傳媒都搵咗佢做訪問，我諗大家都睇過哂，所以對於佢嘅入行經過我呢度就唔詳細再講

大家都知小弟我就好鐘意日本AV啦咁聽到有香港女仔喺嗰邊成功出道，相信大家唔多唔少都同我一樣，對於佢嘅作品一定有期待，所以新作出咗之後我會好似之前睇其他AV咁出篇影評，到時會同大家分享下我對於佢呢套Debut作嘅睇法

但喺隻Debut作推出之前，我想同大家分享一下，日本人點睇絵麗奈呢個香港女仔，喺日本AV出道呢件事，包括FALENO官網、一啲AV網站、討論區，等大家又了解下日本當地網民嘅反應。所有內容我都係cap圖cap出嚟，再加我自己翻譯，有咩錯漏嘅歡迎指點

之後我會簡介一下現階段可以有咩方法喺香港買到/睇到呢套作品，代購/代運嗰邊因為費事俾人覺得我幫某幾間公司/個人賣廣告，所以我就唔講了，淨係分享一啲直接嘅方法，大家仲未搵到途徑買嘅，不妨參考一下

最後小弟有少少關於今次「港女日本AV debut」呢件事嘅肺腑之言，係呢幾日觀察出嚟嘅感受，都希望大家會睇埋佢

我嘅前言就係咁多，以下去文

首先係FALENO個官網，死咗一日有多終於都慢慢開返，但我用iOS 同Mac 唔知點解仲係入唔到Japan 真係 no IT

官網一㩒入去，走馬燈個位第一欄就係絵麗奈隻Debut作嘅廣告，亦都清晰寫明喺4月7號開始會有獨佔配信。



之後就㩒入去「FALENO專屬女優」嗰欄，簡單講一講專屬女優嘅意思：即係「只會喺嗰間片商拍片嘅女優」，好似早幾日宣布引退嘅三上悠亞就係S1嘅專屬女優，絵里奈係FALENO嘅專屬女優，亦即係表示佢嘅作品只會喺FALENO出產，睇佢訪問佢話會有兩套，之後會唔會去其他片商，暫時都係未知之數。

我地睇一睇個排位，絵里奈係緊隨天使もえ同本鄉愛，排緊第三，前面呢兩位都係FALENO Top最好賣嘅兩位女優，絵麗奈作為新人可以排喺佢地後面，可以理解為FALENO都幾重視佢

㩒入去絵里奈嗰一頁睇下，除咗有佢嘅簡單個人資料之外，仲有佢嘅身材數字，興趣同特技，呢啲我估多數都係佢本人交資料嗰時俾埋FALENO嘅

興趣分別係食嘢、儲錢、做愛；特技係球技



之後我地去返主頁拉到最底，可以睇到個Ranking，第一位係絵麗奈嘅Debut作，但老實講我從來都唔知FALENO呢個Ranking係base on咩數據嚟排亦都冇留意幾耐更新一次

既然冇證據話佢係假，就姑且信住係真先啦只不過好賣過吉高寧々同小野夕子，我個人就唔太信嘅

然後我去咗2chav.com，係一個我成日上嘅日本AV新聞網，今次絵麗奈嘅出道佢都有出咗一篇簡短嘅報導：

http://2chav.com/blog-entry-21443.html


「FALENO專屬4月Debut女優絵麗奈(Erena)情報解禁！香港出生、香港長大的高規格美女！！」

內容就冇咩好特別嘅地方，都係劇照同trailer剪出嚟嘅gif，拉到最底，會見到幾個日本cm。




睇到幾樣嘢，第一就係日本人對絵麗奈嘅陰毛好有興趣第二，清水健嘅出現好似令到有啲人卻步；第三，絵麗奈俾佢地一種大姐姐嘅感覺，再加少少外國人嘅加成buff，暫時個印象都唔錯。

之後我去咗5ch論壇，入面都有AV相關嘅po，但係多數都係一個女優一個po咁去討論，我搵到絵麗奈嗰個：

https://mercury.bbspink.com/test/read.cgi/avideo2/1678952659



第一個cm係copy返絵麗奈啲個人資料同Debut作嘅簡介，可能因為仲係好新，下面嘅cm同討論唔係好多。

呢邊嘅網民就同我地連登仔一樣冇咩口德喇除咗懷疑佢係整容之外，仲懷疑埋佢香港人嘅身份係咪真，而「唔識講日文」冇諗到喺某部份日本人眼中都係一個特點，又幾有趣

以下就係介紹一下買到呢套片嘅方法

首先根據FALENO嘅官網，最快喺31/3就可以喺Amazon JP搶先睇到，而Amazon JP係用一個叫HELLO ERO嘅串流網嚟播呢啲成人內容，所以要去入面申請個acc先，唔駛錢。

https://helloero.h2u.jp



成個網站都係日文，冇計架喇人地都唔預外國人用但制就得一兩個可以㩒嘅啫，唔駛太擔心。



填完之後會寄一封email俾你，有個6位數字嘅確認碼，copy返過去個網度就登記完成。

至於關於俾錢買片，因為我寫呢篇嘢嘅時候絵麗奈套片仲未上架link都冇條，想試都試唔到，於是我買咗一套40円嘅片嚟試：



大家見到有分開「7日間視聽制限」，同「視聽期限なし」嘅分別，前者係只可以睇7日，所以會平啲；後者係無限期，所以理論上會係正價，我唔肯定到時絵麗奈套片上架會唔會都有呢個option，買邊一款都好，到時大家見到嘅就小心啲唔好揀錯。

買完就去返Helloero個網，你會發現條片已經喺度等緊你J，我試過用手機都開到：



我試過唔開VPN都用到同睇到，再加上Amazon係咩信用卡都收，所以我第一個推介呢個方法俾大家先

之後7/4就係FALENO官網嘅正式配信，但由於FALENO佢個平台H-Next係只限日本國內用，我試過VPN都唔work，所以唔建議大家喺FALENO官網買嚟睇，但如果諗住刷數據，幫絵麗奈谷下個銷量，我唔會反對


(而家㩒入去2023/4/7配信開始嗰欄，係會帶咗你去H-Next個網度)

而理論上Digital配信會喺差唔多同樣時間喺日本最大嘅成人正版影片網FANZA嗰邊上架，但因為而家咩預訂資料都冇，所以呢part我暫時skip咗先，到出咗消息會再update返大家個流程。

跟住就係實體碟，20/4正式發售，有幾個途徑可以買：

1. 去日本當地嘅AV碟鋪買，小弟我有個秋葉原AV攻略嘅po，置頂入面有哂詳細地址：

(俾錢正傻仔?) 秋葉原買AV攻略
https://lih.kg/1185749

2. 喺日本網站FANZA度訂，但由於佢有啲頁面要用VPN先入到，再加上冇得直運嚟香港，要自己搵代運，所以自問唔熟呢啲代運嘅巴絲打，都唔建議咁做，費事有不必要嘅損失。



3. 喺FALENO官網度訂，呢個方法我自己都未試過，唔肯定俾錢方式同運送有冇咩問題但理論上都係冇得直送香港，所以都係唔建議唔熟集運流程嘅巴絲打搞

基本上就講哂喇，以下就係小弟對於今次呢件事，有幾句說話想講，希望大家都會望望

首先想多謝絵麗奈小姐，有呢個勇氣去踏出第一步，成為香港第一個喺日本Debut嘅AV女優有呢個勇氣同膽色係真係犀利，所以呢幾日嘅新聞焦點、曝光、同討論熱度，我覺得都係你應得嘅。作為一個香港人同日本AV嘅FANS，我亦都衷心希望同祝福你喺日本AV界一帆風順，拍到更多好嘅作品俾香港人、日本人、甚至其他地方嘅華人睇到。

然後就係想同各位連登巴絲打講，希望大家今次唔好過份盲撐，老實講見到香港出到第一個喺日本出道嘅AV女優，大家點都會好興奮好期待，好想去支持一下，買碟又好、周圍forward俾人又好，都想俾呢件事有更多人知道但我比較擔心大家會去到一個極端就係，有咩唔啱都好，唔準鬧、唔準批評，邊個鬧就係懶清高，笑貧不笑娼（呢句嘢真係唔係咁用），咁樣其實係一個惡性循環嚟，大家睇而家嘅香港娛樂圈就睇到。

經歷咗過去幾年，我諗大家都睇到，唔理時事嗰邊又好、娛樂圈都好，盲撐香港人係要有，今次呢件事亦係一個創舉嚟，但唔代表一撐就要無條件認同同接納所有嘢，去到最後多數都會出事。

今次我知有唔少人都有俾錢買片，所以我想大家到時睇完，有讚亦要有彈，俾咗錢更加可以理直氣壯去指出你嘅觀感係點，覺得有咩毛病同不足，下一套片可以點樣做得更好。啲人成日用men discussing porn嗰張圖嚟講笑，亦都係真理嚟，呢幾年我自己都深深體會到，成人圈子係最容易實現和而不同嘅地方，所以我都想今次絵麗奈AV出道呢件事，可以有一個咁樣嘅發展

戴返個頭盔先我唔係話到時套片一定會有瑕疵有問題只係希望大家到時唔好俾盲撐充昏頭腦，撐之餘，仲可以反映返啲意見同建議俾絵麗奈小姐，甚至FALENO，對於佢地嘅發展都有幫助。

人微言輕，小弟我都只係一個鐘意睇AV嘅連登仔啫以上嘅說話大家覺得唔啱聽嘅，當冇睇過就算，開開心心到時等睇片打飛機

約定各位，到時喺AV影評入面再見

皮已正

https://www.amazon.co.jp/

樓主有心

Lm

已正皮
新東寶都要加油

等埋fanza出，就係番個邊買

係喎我都漏咗呢個option可以喺Amazon買實體碟

[好正呀] 應該會成為日本人口中KI MO CHI

支持

岩，撐香港人實在中過太多次伏

不過今次係香港人加外國公司，又唔同睇法

點都好，撐左頭一次先

高汁PO留名

講開Faleno想問下神木サラ同前田桃杏係唔係已經引退

一樣伏

係絵麗奈，唔係絵里奈我上面有幾個名打錯咗sorry sorry

神木サラ冇拍好耐啦啱啱睇返前田桃杏，最新嗰套VR都講緊係21年嘅事嚟