用AI學英文真係窮人救星 某方面什至勁過真人好多 英文老師仲有咩用?

誇張d咁講 好快英文勁再唔係有錢人既專利 起馬距離會拉近D先

GPT依家可以基本改正同解釋 什至可以教到你點講先最貼地
唔係幾諗到真人老師仲有咩用 遲早取代 最後只需要某幾個最top既人比資訊ai學習就得
現實黎講私補成200幾300蚊一堂=基層半日人工 上堂就同你對答案 問少少文法野好多時都解釋唔到 要查字典 如果你係窮人小朋友成熟少少都唔敢問老母拎錢補啦

依家類似抽象D既 好似補習名師考試技巧心得之類 GPT答唔到你
但只係資訊不足問題 遲D全部雞精書學哂就解決到
最勁係GPT可以理解圖像 第時成份卷PDF比佢睇完 再仔細比建議你 方便快手
speaking咪整埋語音即時對話 你講錯佢即刻改你 整多幾個角色唔同聲同你討論都得
依家用GPT + speechify 同GPT role play 已經好似真人溝通咁 唔係以前google d機械人聲 但始終未好流暢做到一問一答 真人咁 依家內容&格式太過古板
但都係果句 遲早既事

其實什至咩科都係
一訓醒 成個世界就唔同哂 知識門檻降低左好多
但同時間 人力已經唔再值錢搵ai做就得

老師用途係托兒, 學校= 托兒所，等父母可以獅子山精神返工

9成香港家長實況

係啊 真係最大用途啊
我見網上d私補大部份都係強調 照顧小朋友 同自己係女導師

學英文最大阻礙應該係
唔夠動力或者堅持
要學嘅話本身上網已經大把資源

標題基本上可以套用落任何一個職業

佢可以做到點對點 有咩唔識就問 直接比答案 取代到補習

最後新一代會產生依賴導致低智化，就好似數學咁，好快公式都唔知，剩信計數機。

你唔夠動力 你可以叫GPT鼓勵你 叫佢扮係你男朋友 溫柔D 都得少少講笑 但真係好過冇
同埋資訊多 ai幫你整合最好既野再即時改你wo 學語言最重要input output

btw見隔離post英文老師講每星期要改一次文好辛苦，姐係正常學生要一個星期後先收得返篇文再改進，到時候咩都唔記得哂啦．．．

你搵啲咩私補少少文法野都唔識解
定係根本唔係問緊人少少文法野

Speaking都係要真人同你練

ChatGPT整合能力真係世一嘅
如果學生可以持久活用chatgpt黎學野而唔係過分依賴
咁絕對係有幫助

講真幾勁既老師　都唔係人肉字典　總有字唔識用掛 一個字咁多個用法
同埋識用唔識解 都可以考試高分 唔似理科 唔洗知原理都得
更賤既係好多時d老師都係答語感語感就hea學生 其實係有得解 只係唔識
最後學生無所適從

學乜春，用中文打叫chatgpt 翻譯就得。

門檻低左 動力大好多
好似之前咁查實體字典 查一隻字 可能查幾分鐘小朋友邊有耐性 堅持長久學習

lm

岩啊 最終極搵部機掛係個心口到即時translate人類解放 唔洗哂咁多時間學D工具 無實際用途

ChatGPT方便好多
因為唔洗去唔同網站搵個phrase既用法
好多人無動力去學係因為無逼切需要去學
因為咁 佢地平時唔會搵個有1000個common phrases既list去逐個記
又或者唔會突登去睇英文文章
佢地咁樣做係累積唔到詞彙
所以當佢地有需要既時使 (例如寫文、準備演講)
要逐個生字查就好晒時間 同埋好容易愈查愈無動力
ChatGPT提供單一平台比佢地去問所有佢地有需要用到既生字/詞彙
答案係即時生成 唔單止快 仲可以keep住佢地果刻學英文既動力

以前做公開試past paper，做錯左老師永遠唔會解釋，你get到就get到，你諗唔明就乜都學唔到，冇人幫到你

咁就唔係少少文法野都唔識啦
真係5**咁 所有 tenses 句型 都肯定識答

字當然唔會隻隻識
但係我諗唔明點解幫你補英文既老師
補果陣會出一隻佢唔識既字
最多係佢查字典攞個最準確既解釋

老師面子問題好難即場查 最差係強行比左個答案 但學生返去查字典完全係錯既
如果小朋友信哂就收得皮了.. ai就唔會有呢d問題 又有效率 又仔細

係啊 所以我以前最憎語文科 好似睇運咁 完全冇方向 傻傻跟日校成個世界好細

作為學生只想知道實際點樣迫近答案 同有咩方向可以改進 唔係堂堂對答案
例如 可能出面補習會幫你分析題型同解法 咁你發現某d係弱點 咁你咪可以做多d 又會話比你聽答案準則係點 但呢d多數日校唔會有資源做 除非勁學校 好似你咁講 高中上堂只係自行操卷對答案 老師已失去意義

https://youtu.be/lj0bFX9HXeE
Google整緊