備孕討論

記得之前去家計會驗咗血先, 以免有乜基因問題生咗就一世有個重擔

我見都係主要驗肝炎，德國麻疹。 好似好多基因既病都要到有左bb T21先知？

去家計會或者家庭醫生度問下

"d 人話" blah blah blah...

source: trust me bro

精子少可以點搞

結婚一個月唔到就有B,叫妳老公晒曬下太陽,其他野自然就OK

曬太陽,著孖煙通,運動

曬太陽有幫助？
之前睇家計會話我精子型態無問題，係精子數量不足，同唔夠活躍，個護士話建議驗多次，但我覺得家計會麻麻，可能係咁岩果間d護士態度一般，好快講兩講就叫我走，我話有什麼特別建議。
我想去出面私家診所或政府睇，但唔知點入手

睇都幫你唔到,自產精子由自已入手
太陽係正氣來源
都市人長期冷氣入體,加上夜瞓之類,夾雜住三角底褲等都令人正氣減少
外力可由 太陽入手
內在可以放鬆自己,著孖煙通加運動
如果精神上想加持不妨睇多D肥仔BB,可能都有幫助

已改著孖煙通，同我本身都有做運動，但唔算多，而加加多左運動量。但我本身少曬太陽，聽完巴打講我會努力試多謝你。
另外睇多d肥仔BB係唔係積係睇多d youtube BB片啊😆

睇片睇圖都可以，由精神上入手肥仔代表健康有營養

等我上嚟分享下先
話說我同我老公由舊年12月開始試到而家都未有
終於上個星期body check報告出左，結果係我同我老公都正常冇問題
醫生都答唔到我地點解試左幾個月都冇聲氣
只係話從報告上面睇，我地兩個都冇問題。
而我由對上一次period完之後就買左隻備孕用既中藥粉（？）
對我既體質嚟講，隻粉好有用
因為我之前用排卵紙係check唔到自己有強陽反應，得弱陽
飲完之後終於check到強陽同排卵有明顯既反應
已經響排卵日前後瘋狂做功課 希望嚟緊可以上嚟分享好消息

你本身係咩體質？
咩中藥粉咁勁，我平時都怕凍想補下

我之前飲過隻備孕嘅滴雞精，有中藥成份，之後紅d就強陽好多，所以中藥真係有幫助架

有冇牌子介紹

自己Google啦，專門for備孕好出名費事俾人話打手

非打手 你可以google下添寶方
我本身個胃寒，成日手腳冰冷
平時返工坐office坐到lunch time就會凍到對手出微絲血管果隻
但飲隻粉，朝早飲完，響office坐到lunch time啲手腳都仲係暖