人哋嘈下有得加福利,自己臨開show先屌冇得加,今次
發下脾氣唔去先,可以自我感覺良好,好似反抗緊會型啲
咁。冇錢?我都冇,我肯撚定絕大部分講得冇錢既人都唔會窮得過
我,除非真係連張飛都買唔到,船飛都比唔到果啲,係會
有覺得去台灣好啲,或者真係貴而唔想去。但2000蚊去
睇幾個等咗幾年既人,雖然幾個禮拜前見完既人,真係唔
值?2000蚊有人可能一個月part time先搵到,有人可能
2-3日就搵到。幾個鍾意咗咁多年既人,我明係攰係遠係
煩係貴,真係咁唔值得去睇?我都唔鍾意去澳門,我淨係
想去睇佢哋。2021年我同過自己講,只要有機會,我一定
唔會錯過,唔會比機會自己後悔。後悔可以係一種好痛苦
既感覺,我一直都記住自己2021年喊咗幾耐,幾驚見唔
佢哋。所以我唔理自己已經冇錢淨都即刻買咗團飛,你可
以覺得我好蠢好on9, 但我肯定唔會後悔,而且我覺得我粒
星、我幾個乖女值得我比2000幾蚊、好頻撲咁幾日來
回、同埋山長水遠遠征咁去見佢哋。
我見到佢哋既感覺係開心到文字形容唔到,可能因為我係
個死毒撚,日常生活都冇咩開心事,所以我真係好想見到
佢哋比自己開心過兩三個鐘。有時有人鬧點解唔買album,
刷得唔夠多mv,但原來等咗幾年見完一次後,幾個女就
已經唔值得果2000幾蚊同埋果一日既時間。好羨慕好羨
慕韓飯可以見到佢哋,而家有機會又搵一大堆藉口。
真係太窮既人就唔好意思,我講嘢係難聽,個人係衰格啲
要返工請唔到假或者真係好唔得閒走唔開既人都唔好意思
我唔係有心令到你哋唔舒服。但搵一大堆藉口既人好好諗
下幾個女對你嚟講值幾多?