濕疹丨生物製劑

三重水果元素咩原理

小弟細個濕疹都好勁
不斷睇公立專科
搽藥食藥都冇用
有次同老母去行山
有個村民啊婆見我咁細個成身濕疹
帶我老母去搵隻叫 '臭花草'既植物
一大堆拎翻去煲水沖涼 (正常沖完涼後再用草藥水抹身/沖身, 然後唔駛再過水)
我半年內好翻廿幾年來冇復發

當然我覺得呢啲古法唔係個個人都work 最好都係問問中醫師先

大人有冇用

細個用漂白水沖涼都好返

哦

政府有無得開呢隻

有

知唔知幾錢

好嚴重才會開俾你打

衛生署 新症 等一年半
如果真係濕疹好嚴重
大家最好申請左 聖雅各福群會 個 Sponsor
打住一年先

起碼都慳返30%

想知幾多錢， 如果貴我就揾定其他source

@pwc57

睇返上面

有嚴重濕疹廿幾年，講得出嘅方法都試過晒，更因為濕疹誘發系統性紅斑狼瘡，打咗生物製劑 Dupixent兩年有多，打針之後先知原來做人可以咁舒服咁開心，可以一覺瞓天光，無傷口，唔身痕，可以同正常人一樣返工、同朋友去街、著靚衫同化妝。

一直以來紅斑狼瘡都屬於穩定，但上年12月紅斑狼瘡病發腎炎，肝臟血管瘤對比兩年前大粒咗，紅斑狼瘡醫生只係講咗句：「因為你打緊生物製劑，隻藥太新，無乜文獻，無辦法確定關唔關支針事。」
雖然發生咁多不明嘅問題，但比我再揀，我一定都會選擇打，因為濕疹太折磨人。

想盡快打 點搞

打幾耐開始見效？
同埋點分紅斑狼瘡同濕疹

第一次效果已經非常顯著，第一次係打兩針肚皮左右，之後就每次一針，紅斑狼瘡可驗紅睇報告得知有無翻發。因為紅斑狼瘡除咗會攻擊內臟亦會攻擊皮膚。

而家好痛苦，全身爛又瞓唔好
想問下係咪打完，皮膚光滑晒
晒全日做運動出晒汗都唔會發？

打完一排會發 但發個程度會比未打之前低啲
但會唔會斷尾 或者幾耐會再發因人而異
你想佢唔發都要小心keep好佢

完全明白你坦白講你濕疹都唔係一時三刻，打完一定會好轉，但唔係打完一覺瞓醒會皮光肉滑，打完你已經無咁痕，接住一星期你會慢慢見到傷口收水，慢慢會好，但長年累月累積落嘅嘅色素同疤痕要時間，你唔再拗損佢，比皮膚收復，會變淡粗紋都會減少。

我依家正常運動可以無問題，會正常出汗（以前係唔識出汗），我出完汗會用純水濕紙巾抺一抺或返屋企沖涼，無因為出汗或亂食嘢翻發。

我5月中打第一，二針，開始效果好好，但接近2星期開始起返紅色一撻1撻，無流黃水但痕的。今日打第三針，完全無好轉但又無轉壞。咁係咪正常，定效果不理想。

你打第幾針先開始完全無皮膚發紅呀

咁同用類固醇比呢？