上水明記腸粉結業、網民指「執咗都唔可惜」
上水明記腸粉一直都是區內人氣食店，主打腸粉被網民形容為「全宇宙最好食嘅腸粉」，而且店內的其他食物，如皮蛋瘦肉粥、斑蘭薏米水等都有不少拿客推介，因此不少市民收到結業消息後都表示可惜及不捨。不過在一片不捨聲中，也有網民持相反意見，例如「呢間結唔結業都冇所謂」、「比我想預期執遲咗」、「極度難食都可以生存咁耐」、「執咗都唔可惜」等，認為明記腸粉結業並不可惜。
上水老字號明記腸粉日前宣布，4月9日會是其最後營業日（圖片來源：Facebook@SheungShuiMingKee）
不過在一片不捨聲中，也有網民持相反意見（圖片來源：Facebook@北區之友 Friends of North District）
老闆有感而發、道出工作辛酸
此番「執咗都唔可惜」的言論被明記腸粉老闆看到，翌日老闆有感而發，在其Facebook專頁發貼回應，道出工作的辛酸：
由0400企喺度工作至1900先有得坐喺度食一餐飯/連續6個月憑赤手耐超高溫掌握到腸粉的軟熟度/每日炒十斤麵/每日煲粥（粥煲三尺高）/堅持腸粉唔夠熱唔切出嚟/卻俾西客鬧/我反問西客凍嘅腸粉食唔食/西客話我吋
光看文字就覺得辛苦，但老闆指儘管這樣辛苦為客人製作美食，但仍會遇上西客而感到心灰意冷，又指假如有人「願意跟住我經歷」，老闆就「願意冇條件送個食牌俾你」。
上水明記腸粉一直都是區內人氣食店（圖片來源：bigbigchannel《餓底》截圖）
多年前也有傳媒去試食過（圖片來源：bigbigchannel《餓底》截圖）
指3年疫情難熬、被告被偷錢仍堅持
老闆又補充，雖然捱過3年疫情，但期間還遇上不少問題，令經營更困難： 捱過3年疫情/俾奴工處無厘頭告上庭/經歷過女工姐姐每日偷你血汗錢/偷咗9個月/簡唔中俾西客小你出餐出得慢/簡唔中俾西客食霸王餐/簡唔中俾西客話你賣得貴/而堅持捱過5年 老闆指出，假如能接受辛苦工作，又能捱到以上種種，他願意雙手奉上豉油秘方（有傳曾有人開價6位數字想要買此配方），又重申，他是「喺係白頭佬『明哥』手上頂手過嚟做咗十年。你有本事，你嚟做」，又指出每個人都有底線，「網上言論自由行都可以有分寸」，表達出辛苦為食客卻無人明白的辛酸，但仍感恩多年來遇上知音人。
熟客力撐老闆、網民指勿情緒勒索
貼文一出引起不少熟客關注，留言力撐老闆：「唔使理人地講咩，問心無愧就得」、「網上咩人都有，做好自己就夠」、「唔需要理啲唔識欣賞嘅人」；同時也有不少網民表達不捨：「豉油真係好好味，第二度食唔到」、「我同女女淨係食你地嘅腸粉，以後無得食點算」、「我哋一家食到大」，指外面無法食到這種美味。
同時也有不少區內街坊指老闆出這篇貼文是「情緒勒索」：「如果唔好食仲要玩情緒勒索嘅，真心覺得唔可惜」、「做老闆，辛苦關雖事。有麝自然香」、「賣條腸粉魚蛋覺得自己一代宗師」，指出老店結業雖可惜，但店家本身也有問題，加上全世界工作都辛苦，不應「把自己看得那麼大」，大家又有什麼看法？
