斷網(電影討論區)

其實冇大家講得咁好笑
不過都真係有唔少奇怪位
城城好打到做特務咁
仲要有好多意義不明嘅設計
進入個網絡世界做咩要戴面罩呢？唔係唔得，但要有解釋
仲有，我唔明佢地要過錢去其他戶口，其實要打啲咩Code？
呢啲唔係一早打定，等個Program Load？
我認我唔識，但如果想要觀眾投入佢個世界
就唔該令我地明佢鬥快鬥緊啲咩快
而唔係鳩打字，係咁懶認真咁打

仲有，城城後段其實返警局都得
我唔明點解要逃走，其實佢同警察個目的都一樣，有咩要逃走？
警察都未有話唔信佢，佢就要走？
你話加啲位係城城發現警察唔信佢，咁就合理好多

https://www.instagram.com/reel/CqKjltsIpgH/?utm_source=ig_web_copy_link
呢條片應該會解答倒你部分問題

第一係城城出嚟個效果係好打㗎喇
都冇乜邊個冇呢個感覺
一個人打贏三個黑道小混混，再加係醫院突破晒啲警員
佢話求生意欲強
呢個只係創作者自己嘅用字啫

佢話面具係因為網絡會隱藏身份
但又整一個透明嘅面具，因為如果唔係透明，咁唔使城城做都得
其實呢個就係個矛盾位
咁究竟你想個人係睇到定睇唔到？
我都諗到係想暗示隱藏身份呢個Point
不過我自己講唔通我自己點解要透明
明白要取捨嘅，我就徧向搵實心嘅口罩，露返對眼
又或者蝙蝠俠咁露個嘴
易接受少少，不過都係選取啦，我呢個都唔係一個好方案

其實坦白講
我唔係想屌佢地
我相信呢個地球，都冇乜幾多套拍網絡世界係拍得好睇
Matrix 都好誇張地勁㗎喇
我Buy佢地最尾話覺得要為呢個題材行一步
那怕最後有其他人做得更好
佢地都開心
我認為佢地係真心嘅
講多句，我覺得其實如果城城演得再驚啲
可能我都會信服係求生嘅
（可能，唔保證）