又比人問有咩興趣。。。

返工吹水，比同事問我有冇咩興趣，我話: 冇喎

之後就問我鍾意聽咩歌，睇咩戲，睇咩書，做咩運動，打咩機，有咩娛樂，又唔煙唔酒，我答佢: 冇喎真係

咁你平時放假會做咩嫁，平時同朋友出嚟會做乜，我答: 冇喎，平時咪上網睇下嘢，有朋友約出街咪出下，我又唔會有一個範疇真係好有興趣，會好深入研究佢

同事又問: 嘩咁你平時咪好悶囉，同啲朋友又冇話題
我答: 咁又唔會喎，平時如果喺屋企我又唔會好悶，同朋友又唔會話好悶，咁你一定有嘢可以講下，又真係唔會覺得悶。



其實係我問題還是佢問題? 咁真係冇興趣嘛大佬，又或者咁講，所有嘢都知下同埋會做下，但唔會去到十分喜愛咁囉，嗰期興玩乜咪玩下囉，但真係冇話鐘意聽啲乜歌同乜戲乜明星同埋乜活動乜書乜機研究啲乜


其實好矛盾，覺得自己真係好廢，冇樣嘢係由細培養到而家嘅嘢，人哋問起自己，又真係冇一樣嘢可以做標記，自己聽落又覺得唔太舒服，但冇興趣做仼何嘢嘅時候我又覺得好自在。

你問返佢睇吓佢有咩興趣咁出色？

通常都係r水吹，唔使在意

興趣係放空同埋上連登

佢真係講得出😂
雖然真係R下水吹
但呢個問題我都比人問過好多次
人哋答得出
我真係只可以話 冇
唔知我對興趣嘅定義係咪好唔同

咁你咪學下人點答
多數人來來去去都係行街睇戲行山影相呢啲大路嘢架啦，就算一樣都冇都可以吹到兩句

睇下點包裝嫁姐，唔係專一樣興趣咪叫做多興趣囉，
如果點都要定一個興趣出黎，會係叫做中意學習新野咁？😂
興趣呢一樣嘢，我覺得個解釋係自由，又有啲成功感嘅嘢。聽樓主咁講，做好多嘅嘢都好自由，但係就未有一樣嘢叫有啲成功感咁，所以先覺得自己冇興趣。

大把人都係咁，鍾意輕鬆自在，肯用心做一樣嘢已經難，嗰樣嘢如果仲要搵到錢嘅話，就難上加難

真 勁難答

然後問你行過咩山，一年行幾多，影相就問你用咩機，有冇咩相可以show嚟睇下，即刻露哂底

就係你呢個point，樣樣嘢都會做下，但每樣嘢都唔會做到好犀利，我唔講話賺錢，但至少人哋講起你個名，都會講得出呢個人係做開咩睇開咩鐘意啲乜，但我對其他人係完全冇呢啲記認

其他人對我*

你地定義上有差異
你對興趣嘅標準比較高
佢興趣係呢排做開咩多
唔係真係深入研究，真心投入好多精神嗰種
好似你描述，用佢定義
其實上網睇片，睇連登，同朋友行街，都可以叫興趣

真係好廢

問完一次答佢無都仲要追問
呢d閪人真係好撚煩

你講得岩

樓主你興趣咪睇片，咁總有D片你會開黎睇，有D唔會你，依D咪對某類片有興趣

似樓主個人悶

上連登

難聽講句 興趣=浪費金錢

你唔識講野
無興趣既話,一係就話自己好鐘意試新野,
一係話自己好貪心咩都想試
一係話呢排好悶叫佢介紹下

似係你問題
男人興趣基本上都黎不開做gym, 車，錶，足球籃球
果類
一樣都冇似你自己有問題多d

冇人叫你老作啲一問就穿嘅大話

用返行山做例子，大把自稱鍾意行山嘅人一年都冇行幾多次

又或者行親都係跟人行，對山勢地貌冇乜特別認識，傾多兩句都冇貨，但人哋一樣可以自稱愛好者，亦唔係咩大話或錯事

你嘅問題係唔識傾偈多啲

香港大把黎生唯一興趣係翻工
冇興趣好出奇？

返工日日咁攰，無興趣有幾出奇，我興趣就係扑嘢同瞓覺

唔計人類基本慾望
有一樣事物可以令你投入熱衷鑽研於其中
就係興趣
如果你一樣都諗唔到，你份人活係世上為咩

一樣不過唔多人會問
啲人多數都r水吹多
我試過有同一個同事問我住邊幾次，人地有空檔攝下時間講野無咁尷而已
禮貌回應，照繼續閑話家常吹下水

自己一個冇咩所謂
但冇興趣係好難識到人咁解 尤其是女 你唔想識人其實ok