[動畫POST]進擊的巨人The Final Season(85) 後篇要等到秋天，大家繼續嘈交推post

今集mappa啲配樂配得好好尤共漢吉死+艾倫獨白都係
仲有立體機動都唔錯

一集用哂半年resources 所以要等到半年後先有得再睇，上半集真係勁sad

其實點解

阿明係buy地鳴震懾方案（詳見城牆崩塌後阿明嘅短暫興奮），摧毀聯軍軍事力量去逼世界談判，而唔係兩手空空去傾，不過事態去到要滅世，佢短時間內得兩條路揀，即時去阻止艾倫或者乜都唔理。而佢去阻艾倫，都係想用口嚟阻止，因佢覺得地鳴已經足夠震懾到世界

韓吉醒返果part哭撚左

左膠都係咁 講利益講和平

講得好好
其實都過左咁多個討論po，點解仲系會有d人唔明救世派諗咩又話佢地係25仔，宜家根本就唔係非黑即白嘅二元對立
巨人其實已經將各個角色嘅立場講解得好清楚

eren+floach: 滅世派，冇外族人就唔會有種族壓逼

吉克: 溫和自我毀滅派，冇艾族人出生就唔會有更多人受死

初代王: 激進自我毀滅派，艾族人全部都係罪犯，艾族人要被永遠囚禁

賈碧(前期): 榮譽馬雷人派，相信艾族人展示出順從嘅一面就會得到世界嘅理解

皮克：唔信馬雷，唔信艾族人會得到世界嘅理解，但留係馬雷係唯一可以保護家人嘅方法

Paradis高層(女王派)：爭奪地鳴用黎振脅他國/談判籌碼

armin派：類近女王派，反對大規模無差別屠殺，認為用地鳴摧毀他國軍事設備就足夠，同埋唔想eren背負大屠殺嘅責任&重擔

馬雷：想盡快攞到paradis資源+始祖巨人之力黎抗衡其他軍事發展快速嘅國家

萊納：想死

見到團長果下真係

萊納:唔想坐

仲有hizuru: 比有限度援助帕島，帕島贏就獨佔資源出口，輸就順利抽身

講利益都係左膠

Pony Canyon
後篇 個英文 直接叫「Part 4」而唔係 Part 3 Part 2


の子又中

https://youtu.be/Sa6b72u-ukI
今次班台灣畫師真係大放異彩
絕對比得上wit時代嘅巨人

我真係唔明點解成日都有人話主角群係二五

好似全部代入晒去Floach咁

故事入面就係好複雜嘅情況，唔係簡單二元對立

屌 同s4莎夏一樣明知佢地會死 一個就講搶翻啲地方養豬牛 一個就同兵長講終於輪到自己嘅感覺 結果睇動畫一去到講句野個陣都係忍唔住眼淚

「求知理解係冇錯但唔係喺自身全族俾全世界針對下做 armin個傾咗先喺瑪雷同全世界向柏島宣戰個下已經冇可能存在」

的確喺我哋角度睇全世界向帕島開戰「傾」呢個行為真係冇乜用 但係始終呢個係我哋嘅角度
所以我先話要代入armin嘅角度同埋consider埋佢一路以嚟嘅人設 無論結果係點都好一定要傾咗先 呢個先係我強調嘅位

講杯水都左膠添 明明一開始救世派以地鳴只係講話對住馬萊軍人同佢哋啲武器only 佢哋邊會諗到艾主席癲撚到滅世 連無辜嘅人都要死 有啲人性嘅都唔會希望大屠殺啦

我都唔知鋼鍊個故仔有咩咁特別 的確佢所有嘢都解到 但係主角係絕對善 敵人係絕對惡呢啲套路 我自己真係比較鐘意巨人尤其馬萊篇之後嗰種原來大家都係因為背後歷史原因而打 並冇誰對誰錯

先唔講應唔應該滅世
滅世派話救世派叛國都好笑
因為滅世派本身就係一班同間諜合謀瓦解帕島政府既人

多數人係代入左去艾族人到
以艾族人既角度出發實係希望以艾族利益為先 同埋想殺哂歧視艾人既牆外人 floch人如其名 係作者用一個角色去代表群眾既角度 代表既係民粹主義 係戰爭時期民粹就係暴民

多數艾族人冇見過牆外人 淨係知牆外人想自己死 所以同樣覺得牆外人死哂就一了百了都好正常 而且佢地直到依幾年為止其實都從來未對過外面有咩仇恨 又冇咩大局觀同利益既諗法

如果係現實入有人有咁既力量 就唔會淨係想屠殺 艾倫既然可以踩死全世界人 佢大可以破壞晒外國既糧食同工業鏈 打到佢地科技同生產力倒退幾百年 就算外面有幾十億人 都唔會有任個一個政府可以有資源去發動戰爭 何況艾倫可以摧毁所有政府體制 捉哂啲科學家同各行業既人才 然後勞役外國男人同強迫牆外既女人配種 咁做會更加符合利益

艾撚只要踩平全世界既農田同破壞哂啲交通運輸 全世界既人口自然會餓死大半
仲唔洗親自踩死咁多人搞到自己有心理陰影

我估由part 2到part 3其間mappa應該都有畫咗part 4少少內容 所以part 3應該冇完全用晒嗰半年嘅resource嘅