幼教人上天堂

讀緊幼教year1壓力好大，已經唔知點樣再繼續落去，眼見身邊啲同學越來越少，好驚自己都就快堅持唔到自從中學升左高f，就已經好想成為幼教人，唔想堅持左三四年嘅夢想 就咁放棄！唔想自己有後悔嘅機會，亦都唔想自己嘥咗呢段時間

無數次同自己講加油！一定一定會堅持到 但自從第二個sem開始 發現已經說服唔到自己

最近，學業加上好大壓力嘅實習 每日都覺得自己準備升天前幾日實習，有個小朋友拉住我 同我講「老師，我哋一齊上天堂玩」心諗自己係咪就嚟上天堂好辛苦！讀呢一科讀到，開始身心都出現毛病心理上成日崩潰到喊，一日可以喊4,5次 每次都收唔到聲，完全唔知自己喊咩，但總之就係好大壓力 好想喊 好多嘢做⋯⋯身體上開始因為壓力，嚟唔到M、頭痛到要睇醫生、成日嘔🥹

叮囑想讀幼教嘅人 記得三思而後行！！！

加油 活下去

怪唔得知做幼教嘅都痴痴哋線啦

加油讀埋落去啦，壓力度度都有，轉讀其他嘢咪一樣上天堂
起碼呢樣係你想做，出嚟叫人工唔錯先

我覺得實習舒服過不停學新野，個人經驗係訓兩個鐘起身翻工係堅持到的，但如果訓兩個鐘起身學/溫phy or 數的話係完全溫唔入去

唔可以話幼教唔辛苦，但香港做野認真要數的話幼教應該算中等worload果堆

workload*

我明白你辛苦個位喺邊
雖然你讀嗰科 學嘅嘢未必比其他科深
但係你year 1仲未適應到個學習模式 就要開始做實習
就好似啲人半工讀咁 個workload係難啲去適應

建議你淨係專注喺實習先
assignment盡量揾sources
mid term, finally 盡量r tips
揾個好啲嘅teammate carry
我諗出嚟嘅成績應該都差唔係好遠

我諗讀書方面好叻嘅人 應該都去咗其他科
所以上堂嗰啲hea得就hea啦
未有咁嘅能力 就唔好chur得自己咁盡
一步一步嚟啦

做邊行都會辛苦架，涯多涯就會過架啦，之後諗番呢段經歷就會覺得咩都抵，加油

幼教都叫難

只係啱啱既開始，隔多幾年就會腰骨出事、壓力大出現其他問題

其他行業唔會明，對小朋友真係一眼都唔可以少，忙到全日都冇得坐冇得飲水，同人吹水都冇機會，因為把口又要教書

仲未計收工做文件野同開會

建議你及早回頭

有時職業嘅「辛苦」未必係能力/要求問題
可能純粹係性格錯配

Nursing 一定辛苦過幼教
至少幼教唔使對屎尿膿痰血，又唔會得閒有啲傻閪入去發酒癲瀨屎瀨尿
好明顯係純粹你啲friend 唔鍾意幼教依行only

成世人留係學校環境然後同人講好辛苦係大部份教育從業員嘅通病

其實樓豬唔適合讀書

你實習有壓力個位係邊到？
係咪跟左d西女人 隊曬d工作比你剪剪貼貼？
正常實習唔會唔pass既 放鬆d啦！

如果你讀書都大壓力 建議你唔好入行
入左行你會仲大壓力 無曬私人時間
日日剪剪貼貼 文件野 湊仔仲要湊家長 仲有女人堆人事關係

多謝各位！我已經send email quit咗🙏🏻琴日睇咗心理醫生 琴晚諗過之後都係決定quit。

同埋同大家解釋返辛苦個點係好多嘢做 每個星期要交5-6份教案 同埋2-3份ASM 然後再整教具
可能唔係做呢行嘅人體會唔到🙏🏻不過唔緊要 因為我未讀之前 都以為好輕鬆 壓力一定唔會大

其實最辛苦唔係難度，係人事關係同期望管理