狗狗挑食

我個隻7,8個月大嘅時候開始揀飲擇食
一開始諗住畀佢試多啲嘢
就喺糧度加菜、雞胸肉、狗飲嘅奶之類
食咗一個禮拜之後
佢唔肯再食齋糧
要掉落地下或者我餵先肯食
與此同時
出街開始揀路行
勁硬頸

用咗樓上計時定量餵嘅方法
同埋唔畀糧以外嘅嘢食
當佢食晒兜糧我先會獎佢食水果
不過都係一時時食得晒
後尾聽人講話要減埋份量
唔好俾飽飯佢食一排

最後轉咗新糧
新糧細粒啲
冇咁易哽親
溝舊糧食就解決咗揀飲擇食
不過我唔敢再連續幾餐都加餸畀佢
一餐加咗下餐就齋糧
希望keep到

題外話
佢開始揀飲擇食嗰排性格霸道左
我同另一半親密啲都狂吠
出街又係
最後請咗dog trainer
練服從性
宜家好咗好多
有時諗係咪之前太就佢
佢就變本加厲食住我

我隻狗狗出街都搶繩
出街見到其他狗，佢好鍾意用兩隻手搭住人
但佢又唔係un 佢係搭着住人哋個正面
我好想改正佢呢兩個問題
你個Dog Trainer喺邊度搵

但我已經錯過咗黃金時期
而家四歲仔應該好難教

煎咗佢嚟食

係咪放長糧？

我隻狗個品種出名鐘意吠
喺同品種嘅fb page問人意見
有人介紹咗唔同trainer
揀咗其中一間

我果隻6個幾月又係挑食
而加都係試緊清兜就獎食少少零食，食完又再比一碗糧佢，一餐分幾次食
但佢好似get唔到清兜先有獎
成日食食下就望住我
佢應該一日食80g但每日可能先食到30-40g
成日覺得佢愈黎愈瘦

我隻唐狗都成日唔食狗糧
貴嘅平嘅都試過買比佢食
後尾清蒸雞柳 蒸完會有肉汁
撈埋狗糧少少濕濕地先肯食
不過一日淨係肯食一餐
仲比獸醫話養到太瘦

餓到佢一個位，佢自己屙既屎都會死，唔洗同佢擔心

我個隻都係咁，細個絕完育，身體好弱，又唔肯食野，無營養又影響佢回復，唯有煮鮮食，之後又開始玩野唔食乾糧

最後每日拎乾糧出黎，5分鐘唔食，就係佢面前倒
餓到佢肯食之後，大約兩三日，佢每次食哂d 糧，就比少少零食做獎勵